| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 3 الأولىالأولى 1 2 3
النتائج 21 إلى 24 من 24

  1. #21

    الصورة الرمزية hossam_yazeed

    رقم العضوية : 42074

    تاريخ التسجيل : 08Jun2009

    المشاركات : 106

    النوع : ذكر

    الاقامة : alexandria

    السيارة: BMW

    السيارة[2]: Lanos

    دراجة بخارية: no

    الحالة : hossam_yazeed غير متواجد حالياً

    افتراضي -

    hasad">

    انا غيرت النهارده على 7.95 . و كان ببيع ب .8.05 . طبعا الصرافع مش هيبيع بخسارة ؟؟


  2. #22

    الصورة الرمزية su35flanker

    رقم العضوية : 128823

    تاريخ التسجيل : 20Aug2012

    المشاركات : 86

    النوع : ذكر

    الاقامة : الزقازيق

    السيارة: nothing

    السيارة[2]: ex - polo 98

    دراجة بخارية: nothing

    الحالة : su35flanker غير متواجد حالياً

    افتراضي -

    يا اخونا ما يتحرق الدولار بجاز بصو ده كلام رئيس الوزراء المصرى الاسبق عزيز صدقى و الله فيه الشفا

    من لقاء رئيس الوزراء المصرى الاسبق عزيز صدقى مع احمد منصور مقدم برامج فى قناة الجزيره 2006
    عزيز صدقي: أين كنا؟ أنا هأقول لك قصة حقيقية.
    أحمد منصور: قل لي.
    عزيز صدقي: في سنة 1968 عُقد اجتماع وقتها كان الرئيس جمال عبد الناصر وقال أنا عايز أعرف حقيقة الاقتصاد المصري وجاب 25 وزير وقال بنسجل الكلام ده، قالها ليه؟ لأنه تبلورت إن زكريا محي الدين كان له رأي وكل اللي اتكلموا عايزين نعرف مديونية مصر كم وحصل خلاف في التقدير انتهت إلى أن القيسوني وهو وزير التخطيط عمل الدراسة وقدمها طلعت مديونية مصر.. جميع مديونية مصر في ذلك التاريخ ($1.7 bln).

    أحمد منصور: فقط لا غير.

    عزيز صدقي: تشمل الديون العسكرية وديون السد العالي وديون..

    أحمد منصور: الآن أصبحت كم؟

    عزيز صدقي: لا أنا أبتدئ بالتدرج، لما جهء أنور السادات بعد ما كسبنا الحرب قال الناس دي تعبانة وإحنا عايزين نريح الناس فعمل ما سُمي بسياسة الانفتاح إن يعني إن الثورة بقت الناس ونجيبوا لهم من برة وغيره طبعا ما كانش عندنا القدرة على إن إحنا نعمل هذا فبدأنا نستدين، ابتدأ المديونية أنا حكيت لك كانت كم؟

    أحمد منصور: 1.7 مليار.

    عزيز صدقي: أنا هأقول بعدها بسنة أو اثنين قُل بقت اتنين أو ثلاثة..

    أحمد منصور: (Ok).

    عزيز صدقي: يوم ما مات أنور السادات كانت مديونية مصر 44 مليار.

    أحمد منصور: سنة 1981.

    عزيز صدقي: سنة 1981، النهاردة مديونية مصر طيب خلينا بقى ابتدأت بالعهد اللي إحنا فيه بالرقم ده..

    أحمد منصور: 44 مليار.

    عزيز صدقي: 44 مليار، النهاردة وإحنا بنتكلم نتيجة للسياسات التي اتُبعت أصبح مديونية مصر هي تشمل نوعين، مديونية دين خارجي ودين محلي..

    أحمد منصور: داخلي.

    عزيز صدقي: الدين الخارجي كان نزل أنت عارف أيام..

    أحمد منصور: حرب الخليج كان في مصر وشالوا من عليها.

    عزيز صدقي: حرب الخليج وخفضوا المديونية إلى مصر و.. وإلى أخره نزلت إلى 13 مليار.. النهاردة رجعت مرة ثانية إلى 31 مليار دولار.

    أحمد منصور: يعني نقدر نقول إنها في سنة 1992 كانت 13 مليار.

    عزيز صدقي: آه أيوه.

    أحمد منصور: رجعت يعني خفضوا الدين لمصر، الآن صارت؟

    عزيز صدقي: 31.

    أحمد منصور: خلال 13 سنة ارتفعت..

    عزيز صدقي: غير الدين المحلي بقى اللي هو القروض المحلية، مجموع الاثنين النهاردة ترجم وحدة الدولار بالجنيه يعني..

    أحمد منصور: الجنيه.

    عزيز صدقي: يبقى النهاردة وأنا بأكلمك مديونية مصر 614 مليار جنيه.

    أحمد منصور: ماذا يعني ذلك؟ قل لي أنا الآن رجل بسيط بيشاهد البرنامج.

    عزيز صدقي: أنا أقولك في الاقتصاد إنه لما يكون عندك.. بتتعامل مع بنك الأصول بتاعتك أد إيه يبقى ممكن تبقى مدين لغاية قدر معين وتبقى (On the safe side) لكن إحنا النهاردة بهذا الرقم تعدينا جميع الأرقام.

    أحمد منصور: لكن تصريحات المسؤولين الحكوميين المصريين..

    عزيز صدقي: بتقول غير هذا.

    أحمد منصور: يقولون أننا لا زلنا في الحدود الآمنة.

    عزيز صدقي: أنا والله علشان كدا ابتديت قلت لك أنا مش عايز اخش في مناقشات لأنه طبعا كل واحد بيحسبها بشكل..

    تأثير الفساد السياسي والاقتصادي على مصر

    أحمد منصور: ما تأثير الفساد السياسي والاقتصادي؟

    عزيز صدقي: أنا هأكمل لك.. هأكمل لك، الأخطر من هذا إنك أنت بتعتمد الميزانية وفيها عجز ميزانية السنة دي اللي هي بتبدأ من أول يوليو اللي بتُدرس النهاردة، المناقشة في مجلس الشعب وصلت أنها هتُعتمد وفيها عجز 70 مليار..

    أحمد منصور: إيه معنى كده؟

    عزيز صدقي: معنى كده الميزانية دي جاية من كلمة الموازنة هي حتتين، بتُصرف..

    أحمد منصور: ويجي لك مدخول.

    عزيز صدقي: والجانب الثاني هتصرف منين؟ المفروض إنها تطلع متوازنة وعلشان كده اسمها الموازنة، لا هنا مطلعينها فيها عجز.

    أحمد منصور: 70 مليار.

    عزيز صدقي: سبعين مليار يبقى معناه أنت حاطط هتصرف هنعمل مشروع كذا وهنعمل كذا ومصروفاتها كذا وبتقول هأغطيها آدي الموارد في سبهين مليار يبقى أنت وأنت بتعتمد الميزانية وفيها هذا العجز بتعترف أنك لن تُنفذ بما يعادل سبعين مليار جنيه مشروعات.

    أحمد منصور: لأنه ليس معك.

    عزيز صدقي: لأنه ليس معك آدي خطورة الموضوع.

    أحمد منصور: هتستدينهم.

    عزيز صدقي: وده سببه إيه؟ أنت لما تكون توصل مديونيتك إلى 614 مليار الفوائد اللي عليك أن تسددها قبل ما تسدد ما أقصاه..

    أحمد منصور: 45 مليون جنيه سنويا.

    عزيز صدقي: 45 إذا أضفت إليه المفروض لازم تسدد..

    أحمد منصور: الفوائد.

    عزيز صدقي: الأقساط.

    أحمد منصور: مع أصول الدين.

    عزيز صدقي: يبقى هتوصل إلى 64 مليار إذا دفعت الـ64 مليار ما عندكش بقى إنك تصرف على البلد من أصله يعني، آدي خطورة الأرقام لما تبتدي تكبر، أنا قلت هذا الكلام ونبهت إليه من زمان..

    أحمد منصور: ما هي الخطورة التي يمثلها هذا الوضع على مصر؟

    عزيز صدقي: أنا هأقولك أهو، إحنا وصلنا لده إزاي؟ نتيجة للسياسة التي اتُبعت.

    أحمد منصور: السياسة دي بدأت..

    عزيز صدقي: من زمان.

    أحمد منصور: بدأت كما يقال من التأميم من عبد الناصر.

    عزيز صدقي: لا.. لا.

    أحمد منصور: وأتبعها السادات بالانفتاح ثم حسني مبارك بالخصخصة.

    عزيز صدقي: لا.. لا.

    أحمد منصور: كل واحد فعل شيء أدى إلى هذا.

    عزيز صدقي: لا.. لا ده نتيجة لأنك إنتاجك وقف وأنت بتنمو كل سنة بمليون و350 ألف يبقى استهلاكك بتزيد إذا لم تنمو إنتاجيا بنفس القدر يبقى هتطبق اللي حصل إنه أنور السادات لم ابتدأ حكاية الانفتاح وقف التنمية الإنتاجية خالص يعني ده كان السياسة بتاعه، لما جاء حسني مبارك ما عملش تنمية إنتاجية، ابتدأ بأنه عمل وده كان مطلوب أيضا إنه يعمل البنية الأساسية المرافق يعني، لكن البنية الأساسية ما بتدكش عائد استهلاكي، ما بتدكش سلعة تأكلها، زيادة الاستهلاك المستمرة في السكان وغيره لم يقابلها زيادة في الإنتاج فالنتيجة إنك اعتمدت على الاستيراد فابتدأ اضطرارك إلى الاستيراد يزود الدين الخارجي، ليه بأنا بأقول السياسة خطأ؟ إحنا يجب أن نعتمد على إنتاجنا..

    أحمد منصور: كما هي.. ما هو الآن المخرج من هذا الوضع بالنسبة لمصر اسمح لي أسمع..

    عزيز صدقي: إن إحنا نعيد النظر في جميع السياسات أنا في رأيي..

    أحمد منصور: تغيير للنظام أم للسياسة؟

    عزيز صدقي: للاثنين.

    أحمد منصور: يعني هذا النظام لا يصلح أن..

    عزيز صدقي: لا.. لا النظام عايز تغيير كبير جدا وعلشان كده بأقول لك..

    أحمد منصور: ما شكل التغيير الذي تطالب به؟
    عزيز صدقي: من جميع النواحي لأنه أدِي مثال على أنا بأعتبر إن مستوى الأداء في جميع الحكومات فاشل بدليل الوضع الاقتصادي وأظن ده معروف، بقى لنا كذا تغيير يحصل حتى في الحكومة وما بيحصلش علاج للمسائل.
    أحمد منصور: تقييمك إيه لأداء للحكومة المصرية الآن؟

    عزيز صدقي: أنا رأيي إنه أقل من المستوى الذي يليق بمصر.

    أحمد منصور: ما الذي يليق بمصر؟
    عزيز صدقي: إن إحنا نقف على رجلينا زمان إنتاجنا قام بكل الأداء المطلوب منه والبلد اعتمدت على إنتاجنا حتى تمت الحرب إذاً إذا كنا تمكنا في ذلك الوقت بإنتاجنا إن إحنا نعتمد على ذاتنا أظن الآن كان يجب إن إحنا نكون أحسن حالة.

    أحمد منصور: المصانع بيعت خردة.

    عزيز صدقي: لأنها بيعت، أهو ده نرجع ثاني بقى ليه.. ليه أنا بأقول لك تغيير السياسات؟ السياسات التي اتُبعت أدت إلى اللي إحنا فيه.

    أحمد منصور: السياسات التي اتُبعت دمرت الإنسان المصري.

    عزيز صدقي: بالضبط، أقول لك حاجة قصة البطالة، البطالة دي أنت هتشغل البطالة إزاي؟ لازم تفتح لها فرص عمل مش كده؟ طب أنت بتبيع المصانع وأول شرط بيحطه المشترى إنه يأخذ الحق بأنه يرفد العاملين وعملت حاجة اسمها المعاش المبكر عشان تبرر هذا، طب تقدر تقول لي بقى الوافد الجديد في سوق العمل هيلاقي فرصة عمل فين؟

    أحمد منصور: لو شغلتم أنفسكم..

    عزيز صدقي: إذاً أن برجع ثاني قبل ما تسألني يجب سياستنا تؤدى إلى إتاحة فرص عمل متزايدة للعاملين وده عبارة عن إيه؟ إنك أنت تبنى مصانع بدلا من إن إحنا نعمل هذا..

    أحمد منصور [مقاطعاً]: طيب الآن..
    عزيز صدقي [متابعاً]: استنى إحنا النهاردة بأشترى علبة الفول المدمس اللي معمولة في كندا وبِعت قها اللي كانت مش بس بتكفينا....
    أحمد منصور: مصر تستورد 60% من الفول المدمس الذي يأكله المصريون.

    عزيز صدقي: مضبوط وبنجيبه إيه.. أنا بأقول لك كلمة كندا دي ليه؟ لما بتشتري علبة من كندا بتدفع ثمنها للخارج، الثمن اللي بتدفعه ده داخل فيه أجرة العامل اللي اشتغل في كندا، طب يا أخي ما أشغل عمالي أنا أحسن، يعني أنا بأورّي لك إن هذا الكلام كله غلط وأنا تكلمت مائة مرة في هذا..
    الحل هو الاكتفاء الذاتى
    بوتين راكب نيفا

    خلاص بقى يا جدعان النظام الرأسمالى بيودع لانه فى الاصل نظام فاسد قائم على نظام المراباه اليهوديه
    الحل هو التصنيع المحلى يعنى مثلا النصر للسيارات لو عملت عربيه فى فئة اللانوس و بقت ب 60 الف و المصريين اشتروها ايه اللى هيحصل ؟ الاقتصاد المصرى هيتقدم جامد لان العمال المصريين هيشتغلوا و يبقى انت بتدفع لمصرى اللى بدوره هيدفع فى منتج مصرى تانى و العجله تدور و البطاله تقل و المصانع تكتر .. هنفضل نجرى ورا الاستيراد و نجرى ورا الدولار و احنا عندنا طاقات هائله تجعلنا من الدول العملاقه صناعيا حرام اللى بنعمله فى نفسنا خلاص حسنى غار فى ستين داهيه خلونا نفوق
    ساعتها هيبقى الجنيه = 2 دولار او تلاته دولار و ده حصل فعلا سنة 1962 الجنيه المصرى كان بيساوى 2 دولار و ستين سنت و اللى مش مصدقنى يبحث على النت بس ساعتها كان عندنا النصر للسيارات لسه جديد و عماله محليه و كانت المحله و صناعة الغزل و النسيج
    على فكره ده الجيش الجزائرى اللى فى الصوره دى كان بيستورد عربات النقل النصر زى منتو شايفين كده


    هو يا جدعان فى حد كان ممكن يتصور ان مصر صاحبة اول مفاعل نووى فى الشرق الاوسط حتى قبل اسرائيل و اول و اكبر شركة انتاج سيارات فى الشرق الاوسط توصل للمرحله دى من الفشل و ايران تسبقنا و الهند و تركيا


  3. #23

    الصورة الرمزية khattab_1989

    رقم العضوية : 31047

    تاريخ التسجيل : 24Jan2009

    المشاركات : 350

    النوع : ذكر

    الاقامة : Masr el gededa

    السيارة: -----

    السيارة[2]: Optra 2009 A/T

    دراجة بخارية: -----

    الحالة : khattab_1989 غير متواجد حالياً

    افتراضي -

    اقتباس المشاركة الأصلية كتبت بواسطة مواطن مصرى مشاهدة المشاركة
    - الدولار فى السوق السوداء (شركات صرافه فى وسط البلد) النهارده 7.90 الى 8 ج ... جابوا تسعه جنيه منين ؟!

    - كل شركات السيارات (المصانع و المستوردين) بتجيب دولارات من البنوك علشان استيراد السيارات و قطع الغيار بيكون عن طريق حاجه اسمها اعتماد استيراد من البنك و تحويل القيمة للشركه اللى هاتستورد منها .. مفيش مستورد بياخد شنطه فيها مليون دولار و يسافر بره يجيب عربيات و ييجى بيها ..

    - ارتفاع اسعار العربيات فى مصر اقل ما يقال عنه انه استهبال .. الدولار كان بـ 6.50 ارتفع الى 7.10 (6.85 + 2.5% رسوم البنك + 0.10 على المبالغ الاكبر من 10 الاف دولار ) يعنى الزياده 60 قرش .. يعنى حوالى 10% بس .. لو هيزودوا السعر 10% يبقى معاهم حق (بالرغم من ان الزياده هاتكون على سعر العربيه الاصلى الوارده بيه فى الميناء قبل حساب الجمارك و الضرائب و رسم النولون لان كل ده بالجنيه المصرى و اسعاره لم تزيد) لكن الواقع بيقول ان اسعار العربيات زادت اكثر من 15% ده غير لعبه الاوفربرايس اللى بيعملها اصحاب التوكيلات و الموزعين مع المعارض
    أصح تعليق قريته ... و بحكم عملى فى البنك و بالتحديد فى ادرة تحويل الاموال فأحب أوضح ان التجار لاااااااااااااااااااااااا اااا يشترون دولار و لو اشتروا فبيبقى بالسعر المعلن فى البنك و ليس سوق سودا .... يا جماعة ارجوكم توخى الحذر فى نقل المعلومة و ياريت محدش يقول كلام سامعة او منقول إلا من متخصص او من مصر موثوق مباشرةا ......
    و خدوها حكمة و بالتحديد فى الايام دى
    (مش كل اللى مكتوب فى الصحافة بأنواعها صحيح و مش كل اللى بيتكلم فى الاعلام فاهم)
    -------------------------


    Chevrolet Club Member No.46


  4. #24

    yyy

    الصورة الرمزية yyy

    رقم العضوية : 12699

    تاريخ التسجيل : 11Jun2008

    المشاركات : 991

    النوع : ذكر

    الاقامة : Egypt

    السيارة: mustange 1973

    السيارة[2]: MERCEDES E230

    دراجة بخارية: 00000

    الحالة : yyy غير متواجد حالياً

    افتراضي -

    hasad">

    الكلام ده من سنتين
    الدولار طلع من 6.85 ل 9
    و شوفو ساعتها الاسعاركانت كام

    [img3]http://i43.tinypic.com/bedna.jpg[/img3]



 
صفحة 3 من 3 الأولىالأولى 1 2 3

المواضيع المتشابهه

  1. هل اسعار العقارات زادت مع ارتفاع سعر الدولار
    بواسطة Lada2013 في المنتدى المنتــــــدى الاجتمــاعى
    مشاركات: 11
    آخر مشاركة: 17-01-2013, 09:16 PM
  2. تاثير ارتفاع الدولار على اسعار السيارات - موضوع للنقاش؟؟
    بواسطة devil_storm في المنتدى المنتــــــدى العـــــــــــام للسيــارات
    مشاركات: 13
    آخر مشاركة: 03-01-2013, 01:24 PM
  3. تاثير ارتفاع الدولار على اسعار السيارات - موضوع للنقاش؟؟
    بواسطة devil_storm في المنتدى أخبار السيارات في مصر والعالم
    مشاركات: 12
    آخر مشاركة: 03-01-2013, 10:17 AM
  4. مشاركات: 7
    آخر مشاركة: 02-01-2013, 04:02 PM
  5. ارتفاع جنوني في اسعار السيارات بسبب ارتفاع الدولار الجمركي
    بواسطة Egyzizo في المنتدى أخبار السيارات في مصر والعالم
    مشاركات: 14
    آخر مشاركة: 28-09-2012, 03:46 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2