موضوع هام لكاست الصنى ( dvd & gps )

**karemshen** · 09-04-2013 06:32 PM

المشاركة الأصلية كتبت بواسطة ghmn717461

والله تم الاتصال اليوم بالشركة
وبلغونى انهم ارسلوالى الصين لطلب السعر والموصفات
وقريباا الرد
اما بالنسبة لابو رواش انا كمان من الاسماعلية
هانشوف الاول الكاست وبعدين التوكيل
وشكرا لك يا استاذ احمد
وانا كمان متحمس للفكرة
كلة يا مسهل
واحنا الان كدة اربعه
حد تانى ناوى عشان ابلغ الشركة بالعد
وشكرا

بص يا باشا هو ممكن زي ما انت بتقول كده اهم حاجه موضوع الكاسيت .... الدي في دي هيقف علينا بكام والكاسيت اللي راكب عندنا في العربيات دلوقتى ايه اللي هيتحصل فيه دي اهم حاجه .... عشان انا وغيري وغيري ومعرفشي انت زينا ولا لا شاريين العربيات جديده ... فهنعمل ايه في الكاسيت اللي عندنا ... ده اهم سؤال هنا في الليلة !!!!!!!!!!!!!!!!!!!

**m.ghanem** · 09-04-2013 08:49 PM

المشاركة الأصلية كتبت بواسطة karemshen

بص يا باشا هو ممكن زي ما انت بتقول كده اهم حاجه موضوع الكاسيت .... الدي في دي هيقف علينا بكام والكاسيت اللي راكب عندنا في العربيات دلوقتى ايه اللي هيتحصل فيه دي اهم حاجه .... عشان انا وغيري وغيري ومعرفشي انت زينا ولا لا شاريين العربيات جديده ... فهنعمل ايه في الكاسيت اللي عندنا ... ده اهم سؤال هنا في الليلة !!!!!!!!!!!!!!!!!!!

انا بردة العربيه 2013 صنى

لسه معرفش هاعمل اية فى الكاست بس الغالب هاحاول ابيعة طبعا

الاهم من كدة سعر الجديد والباقى همه سهل

يمكن سعر لا يعجبنا ونلغى الموضوع كلة

**karemshen** · 09-04-2013 09:10 PM

المشاركة الأصلية كتبت بواسطة ghmn717461

انا بردة العربيه 2013 صنى

لسه معرفش هاعمل اية فى الكاست بس الغالب هاحاول ابيعة طبعا

الاهم من كدة سعر الجديد والباقى همه سهل

يمكن سعر لا يعجبنا ونلغى الموضوع كلة

تمام وممكن يكون سعره معقول لانه لو شفنا معظم الاسعار كانت لا تتعدى ال 300 دولار ....
ولكن لما تقول ان فيه 20 واحد مثلا عايزين يغيروا هتلاقي ان فيه كاسيتات كتير عايزه تتباع والكاسيت مش صغيره يعني مش سهل يركب على اي عربيه ..... فلازم بردوا من الناس اللي في القاهره تساعدنا في الموضوع ده لو ربنا اراد ولقينا سعر حلو في الدي في دي ......
يعني مثلا يتفقوا مع التوكيل ياخدهم او حد بتاع مستعمل ..... معرفشي الصراحه مفيش حل ليها في مخى دلوقتى لسه ......
بس ربنا يفرجها في النهاية

**abdulmoniem** · 09-04-2013 05:56 PM

أنا ناوي على حسب السعر .. وكمان لو شفنا صرفة في الكاسيت الجديد إللي معانا ده

**m.ghanem** · 10-04-2013 07:01 PM

السلام عليكم ورحمه الله وبركاتة
اليوم ارسلت لى شركة الكاست مواصفات الكاست بعد وصول الرد من الصين
الجديد ان الكاست يمكن ان يركب على التيدا والصنى والقشقاى كمان
وسعرة بلغتنى هاتراوح من 2500 الى 3000 حسب العدد المطلوب
ودة صورة للكاست والمواصفات

كمان عاوز ردكم واية رايكم اعمل مشاركة جديدة
عشان نضم السيارات الجديدة لنا لو عاوزين

**karemshen** · 10-04-2013 07:13 PM

المشاركة الأصلية كتبت بواسطة ghmn717461

السلام عليكم ورحمه الله وبركاتة
اليوم ارسلت لى شركة الكاست مواصفات الكاست بعد وصول الرد من الصين
الجديد ان الكاست يمكن ان يركب على التيدا والصنى والقشقاى كمان
وسعرة بلغتنى هاتراوح من 2500 الى 3000 حسب العدد المطلوب
ودة صورة للكاست والمواصفات

كمان عاوز ردكم واية رايكم اعمل مشاركة جديدة
عشان نضم السيارات الجديدة لنا لو عاوزين

فين الصوره والمواصفات يا باشا مفيش حاجه ظاهره ........
طاب وبالنسبة للكاسيت القديم عندنا هيبقى ايه نظامه حد لقاله حل !!!!!!!!!!!!
وهو شركة الكاسيت غير شركة نيسان ولا ايه ؟؟!!!!

**m.ghanem** · 10-04-2013 08:01 PM

**youssef_u** · 10-04-2013 09:54 PM

السعر غالي شوية و خصوصا ان احنا عندنا كاسيت لسه جديد و عايزين نشوفله تصريفة

**kliken** · 10-04-2013 11:27 PM

هو فعلا غالى شويه
بس حضرتك اتأكدت من انه متوافق مع الملتى فانكشن و مش بيخرج العربيه من ضمان الكهرباء لان دول نقطتين مؤثرين جدا فى القرار

**m.ghanem** · 11-04-2013 12:46 AM

المشاركة الأصلية كتبت بواسطة kliken

هو فعلا غالى شويه
بس حضرتك اتأكدت من انه متوافق مع الملتى فانكشن و مش بيخرج العربيه من ضمان الكهرباء لان دول نقطتين مؤثرين جدا فى القرار

اولا موضوع التوافق مع الملتى فاكشن ممكن قبل ما نقرر نشترى نتاكد كمان

ثانيا ارجو من الجميع يتاكد ان هذة الشركة هى التى تورد الكاست لشركة نيسان مصر

ثالثا لا اعتقد ان التوكيل هيرفض تركيب الكاست وخصوصا انها نفس الشركة الموردة للكاست وبعدين احنا هنركبة فى التوكيل واحنا لحد الان لم نتعامل مع التوكيل لتاكيد التركيب

انا اتصالتى لحد الان مع شركة الكاست فقط ولعلمكم لو وصلت انى اروح او اعمل اتصال مع المصنع او نيسان مصر عشان الموضوع دة لن اتردد

يبقا النهاية احنا نحط خطواتنا القادمة ان شاء الله
اولا نعرف عدد الكاست المطلوب عشان نعرف السعر النهائى مع التوكيل

ثانيا نشوف التوكيل وتركيب الكاست والضمان وسعر التركيب وهل يمكن مع المصنع يتم الموضوع ونبدل الكاست فى التوكيل وندفع الفرق وهما ممكن سعتها يستفيدوا من الكاست القديم واحنا نستفيد من بيع الكاست كدة وتركيب الجديد ويكون فرق السعر قليل سوف اجرب الاول مع نيسان الام ان شاء الله واتحدث معهم فى هذا الموضوع ولو وفقوا سعتها يمكن التركيب فى اى من توكيلات نيسان ولو لم ينفع سوف نحاول مع كل توكيل على حدة حتى لو بدانا مع توكيل واحدة يمكن الباقى يقلد ودة طبعا سوف تكون ميزة للتوكيل

وللمرة الثانية كام واحد ناوى لو نفع الموضوع هيشترى لان الشركة هناك بيسالوا كم جهاز عاوزين ومش عارف اقول لهم كام
وعلى فكرة الموضوع دة كلة باجتهاد شخصى ويمكن اطلب من اى احد يعاونى سوى بالذهاب للتوكيلات او عندما نعمل وفد لروية الجهاز ومواصفاتة

ربنا يسهل
واسف للاطالة