الموضوع: موضوع هام لكاست الصنى ( dvd & gps )

المشاركة الأصلية كتبت بواسطة ghmn717461

اولا موضوع التوافق مع الملتى فاكشن ممكن قبل ما نقرر نشترى نتاكد كمان

ثانيا ارجو من الجميع يتاكد ان هذة الشركة هى التى تورد الكاست لشركة نيسان مصر

ثالثا لا اعتقد ان التوكيل هيرفض تركيب الكاست وخصوصا انها نفس الشركة الموردة للكاست وبعدين احنا هنركبة فى التوكيل واحنا لحد الان لم نتعامل مع التوكيل لتاكيد التركيب

انا اتصالتى لحد الان مع شركة الكاست فقط ولعلمكم لو وصلت انى اروح او اعمل اتصال مع المصنع او نيسان مصر عشان الموضوع دة لن اتردد


يبقا النهاية احنا نحط خطواتنا القادمة ان شاء الله
اولا نعرف عدد الكاست المطلوب عشان نعرف السعر النهائى مع التوكيل

ثانيا نشوف التوكيل وتركيب الكاست والضمان وسعر التركيب وهل يمكن مع المصنع يتم الموضوع ونبدل الكاست فى التوكيل وندفع الفرق وهما ممكن سعتها يستفيدوا من الكاست القديم واحنا نستفيد من بيع الكاست كدة وتركيب الجديد ويكون فرق السعر قليل سوف اجرب الاول مع نيسان الام ان شاء الله واتحدث معهم فى هذا الموضوع ولو وفقوا سعتها يمكن التركيب فى اى من توكيلات نيسان ولو لم ينفع سوف نحاول مع كل توكيل على حدة حتى لو بدانا مع توكيل واحدة يمكن الباقى يقلد ودة طبعا سوف تكون ميزة للتوكيل

وللمرة الثانية كام واحد ناوى لو نفع الموضوع هيشترى لان الشركة هناك بيسالوا كم جهاز عاوزين ومش عارف اقول لهم كام
وعلى فكرة الموضوع دة كلة باجتهاد شخصى ويمكن اطلب من اى احد يعاونى سوى بالذهاب للتوكيلات او عندما نعمل وفد لروية الجهاز ومواصفاتة

ربنا يسهل
واسف للاطالة

بص ياباشا انا في اعتقادى ورايي الشخصى المتواضع ان عشان الناس تاخد موقف نهائي وتقدر تحدد العدد اللي انت عايزه ......... لازم نشوف حل الاول في الكاسيت القديم اللي عندنا
يعني لو الكاسيت لقينا التوكيل ولا حد ياخد الكاسيتات القديمه على 1500 جنيه مثلا والجديد سعره معروف ناو من 2500 - 3000 كده ابعاد الموضوع اتضحت يبقى باقي بقى تظبيطات يجي ازاي والضمان والكلام ده واعتقد ان ده اسهل

بناء على طلب من الخ الزميل والعضو الجميل GHMN717461 كنت عايز اشارك معاكوا فى الموضوع الجميل دة
اولا اعرفكوا بنفسى .. انا شريف نبيل مدير الاستيراد والتصدير فى شركه تصنيع الكاسيت والدى فى دى الخاصين بشركات (Nissan,BMW,Toyota,BYD)
احنا بنصنع لشركات السيارات منتج ثابت لا يوجد به اضافات, اما فى حاله طلب احد المعارف كاسيت يحتوى على اضافات فبنحاول اننا نجيبه من برة تحديدا من الصين وطبعا الكلام دة بيكون ودى لاننا اصلا مش بنبيع كاسيتاتاحنا بنجيب كل سنه تقريبا شحنه متنوعه الاصناف من الصين للعرض داخل معرض الشركه للزيارات ولما حد بيعجبه حاجه بنبيعهالو.
طبعا الكلام دة بيكون من غير ضمان لانى مينفعش اصلح ولا ابعت حاجه تتصلح برة تانى لان التكلفه هتكون غاليه. بس طبعا الماركات الى بنجبها 100/100 يعنى الحمد لله مفيش حد خدها ورجعها ولا باظت الا من سوء الاستخدام. كل ما فى الامر ان الجهاز الى بيتباع برة ب4000 انا اقدر اجيب نوعيه افضل منه والحمد لله وتمنه ميعديش ال 2500 وكل الامكانيات الى تخطر على بالك. هيا فى الاول وفى الاخر خدمه ليست اكتر ولا اقل.
وطبعا بيكون نظام الدفع الى بيحددة مدير المصنع بس فى الغالب بيكون فى نسبه مقدمه ونسبه عند تسليم الجهاز

مرفق صورة الجهاز الموصى به من المورد بالخارج
http://nileup.com/up/uploads/nilemotors_13660312171.jpg

رقمى مع العضو GHMN717461 يا ريت اى اتصال يكون من خلاله لسهوله متابعه الموضوع

وارجو تقبل مرورى