الموضوع: تغير طقم التبريد كامل ( الطقم الكبير ) وشحن التكييف ابيزا 98

المشاركة الأصلية كتبت بواسطة mahmoud ghanem

الله يبارك فيك يا هندسة ... وهو دة اللى بيحصل عندى بالظبط المروحتين بدون التكييف على السرعة الاولى ... والمروحتين على السرعة الثانية بالتكييف .. وسعر ثرموستات الكوعة كدة معقول مش غالى زى ما كنت متوقع وربنا يسهل واغيرها على طول .. وفكرة تصفية المياة فى جركن فاضى ممتازة علشان نارهم مابردتش لسة فعلاً .. ربنا يجازيك خير يا بشمهندس ايهاب




وانا شغال معايا كدة ... بس فعلاً الطقم الجديد دة جبته من غير الفيشة بتاعتة .. والطقم القديم كان ردياتير صغير وفيشتة غير الطقم الجديد .. المهندس سيد كان منبهنى للموضوع دة علشان محدش يلعب فى الضفيرة وقالى اعملها اى حاجة مؤقتاً على ما تروح لكهربائى فولكس يظبط الدنيا ... وفعلا عملها على سلكين بترامل واخد كهرباء من الفيشة القديمة .. وبما ان التكييف عندى راكب على العربية يعنى مش بتاعها فكهربته مش على الضفيرة ومعمله كتاوت لوحدة وشغال مباشر مع التكييف على السرعة التانية حتى لو العربية باردة .
انا كدة كدة هروح مع المهندس سيد لكهربائى فولكس يظبط الدنيا واطمن بس موضوع الفيشة دى مش عارف هيعمل فيها اية يعنى موضع الترامل دة هيبوظ الدنيا ولا طالما شغالة معايا كويس يبقى خلاص .

شوف يا صديقي العزيز انا مش مقتنع بموضوع الترامل ده لأن التكييف بيشتغل كتير و طول ماهو شغال المروحتين شغالين بأقصي سرعه يعني بيسحبو اعلي امبير ممكن يسحبوه طوال فترات تشغيل التكييف و هنا موضوع الترامل المصري و الوصلات بتاعتنا دي مش هتبقي كويسة و مع مرور الزمن هتعمل مشاكل

الحل هيكون زي مانا عملت قبل كده في احدي سيارات احد الاصدقاء انك تشتري الفيشة المقابلة لطقم التبريد اللي هي بتكون في الضفيرة من الراجل اللي انت اشتريت منه الطقم و يكون في اسلاكها طول و ليكن نصف متر و تتلحم لحام قصدير مع الضيرة و تتقفل بمكرونه (جراب عازل قماش بمقاسات مختلفه) سلك سلك و اخيرا كل المجموعه علي بعضها اكنك بتقفل الضفيرة الاوريجينال و أخيرا تلف عليها شكرتون يمسك كله في بعضه و تشتري نوع اسود عالي الجوده و عدها هتلاقي الضيرة ولا اكنك عملت فيها حاجه و زيرو بتقفيل بلادها
و ده عن تجربة و تنسي القصة تماما لكن نصيحة متسيبهاش كده ابدا لأن موضوع الترامل و الكتاوت دي عواقبها سيئة و برضه عن تجربة

فيه نقطة كمان مهمة جدا انك لازم تخلي الكهربائي يراجع علي السلك الرئيسي اللي بيشغل المراوح حاليا و كذلك الفيوز اللي بيشغلهم و تتاكد انه مناسب لتشغيل مروحتين بدلا من واحدة فقط اللي هي القديمة عشام ميحصلش تحميل علي السلك و الفيوز و يسيح او يقطع منك او يبوظ حاجه في الضفيرة

و ربنا يوفقك