احنا كام واحد في المنتدى من مالكي البوينتر و الجول و الباراتي؟

**survey** · 21-02-2013 02:36 PM

معايا بوينتر 1600 2005 عامل بيها لحد دلوقت 120000 كيلو والحمد لله ماشية معايا كويس اوي والحمد لله
الصراحة هي مستحملاني رغم اني مهمل فيها شويتين
في التوكيل من سنتين قالوا لي لازم تغير طقم الدبرياج ..وانا طنشت ولسة ماشية معايا تمام بس في نشفان في نقلة الخامس بسيط
واخر مرة قالوا لي في التوكيل ان حساس الريموت بيعلق ولازم تغيره وانا طنشت برضه لحد ما عملتها فيا اول امبارح ..جيت افتح الباب بالريموت مافيش استجابة ...فتحته بدوي وياريتني ما فتحته فضلت تضرب انذار وفلاشر ومش راضية تسكت ابدا ..وحسيت الناس كلها بتبص لي على اني حرامي
روحت بيها جري على ورشة خلف حديقة الطفل في اخر جسر السويس وفصلت وحدة الانذار لحد ما اجيب الحساس من التوكيل ..بس مع الاسف وحدة الانذار طلعت مرتبطة بوحدة رفع الزجاج ..يعني كدة الازاز مش بيطلع ولا بينزل ..وماشي بيها بالتكييف على طول لحد مايجي معاد الحجز في ابو رواش الخميس القادم28 ...دعواتكم يا رجالة

نصيحة : ماتهملش في العربية عشان تفضل تاخد منها افضل آداء ...يعني مثلا انا ما قربتش من تنظيف الريديتير من ساعة ما اشتريتها من 8 سنين ..ولما جيت انضفه صعقت من كم القذارة اللي نزلت منه وكان الراجل مستغرب ازاي العربية ما كانتش بتسخن

**mohamedvw** · 21-02-2013 09:15 PM

يا جماعه العربيات ده زباله بجميع المقايس لانها موديلات قديمه وقطع غيارها مش موجوده ولو لاقتها غاليه جدا

**eraser** · 05-03-2013 05:38 PM

pointer 2005 1.6 L

**noon** · 07-03-2013 11:32 AM

الأخ سيرفي أنا عندي نفس المشكلة حساس الريمةت باظ والأنذار معلق وشيلت الفيوز وماشي ب بالتكييف .. وكمان غيرت زيت وفجأة لقيت أمبير الحرارة مهييس شوية فوق وشوية وتحت رغم أن حرارة العربية كويسة .. ياريت توضح أنت عملت أيه لحل مشاكلك ...