أية الفشل الإعلاني دة !!!!!

**Eng.Osama.Afifi** · 10-08-2008 02:09 AM

أنا فعلا بتنرفز من بعض إعلانات العربيات ...بفضل أقرأ دش كتير أوي والمعلومة إللي عايز أوصلها بفضل إني أعرفها!

**Bossy_Fadl** · 10-08-2008 04:14 AM

هههههههههههههه

يا نهار اسود علي الجهل

ايه القرف ده

حتي الاعلانات مش عارفين يعملوها صح؟

و ايه موضوع ال4 سلندر ده

جديد و الله

هههههههههه

بس بتهيالي يا ادهم زي ما حسن بيقول هو تقريبا مش شرخ هو بروز

و هتلاقي اوله عند اول الفتحه اللي في الاكصدام

وواضح ان في زيه الناحيه التانية بس مش باين عشان الاضاءة طبعا

عموما الله اعلم بس شكله كده بعد شوية تفحيص و تمحيص

بوســـــــي

**Hassan Khalil** · 10-08-2008 06:41 AM

المشاركة الأصلية كتبت بواسطة NaderNabil

نقرأ بقي اللي مكتوب بس في البرجراف التاني:

" و قد ساهمت إطاراتها العريضة و نظام المطابخ M.ABs مانع الإنطلاق في سهولة التوقف المفاجئ خاصة عند المنحنيات الصعبة أو المنحدرات الشديدة"

فعلا .. مكتوبة بالنص
نظام المطابخ مانع الانطلاق

**Adham** · 10-08-2008 11:29 AM

المشاركة الأصلية كتبت بواسطة NaderNabil

طب مين فيكوا كمل باقي مقالة اللاند زفت؟؟؟

بعد حتة الV6 و ال4 سلندر علطول ((ايه يا جماعة؟؟ده موتور مشهور جييدا:)))
هتلاقوا عنوان (الصخرة لاندروك علي الطريق)

نقرأ بقي اللي مكتوب بس في البرجراف التاني:

" و قد ساهمت إطاراتها العريضة و نظام المطابخ M.ABs مانع الإنطلاق في سهولة التوقف المفاجئ خاصة عند المنحنيات الصعبة أو المنحدرات الشديدة"

الكلام اللي مكتوب مافهوش أخطاء املائية مني....انا ناقله بالحرف...و يستحسن تبصوا عليه في الجرنال بنفسكوا....عشان تضحكوا بنفس:)

أيوة انا قريتها يا نادر بس طبعا الغلطات المطبعية شيء وارد و "مطابخ" بدل "مكابح" يعني "مانع الإنطلاق" بدل" مانع الإنغلاق" ههههههههههه

بس دة دليل ان اللي بيكتب مايفهمش "البطيخ" في العربيات

**bee** · 10-08-2008 02:16 PM

والله يا نادر موتني م الضحك

ومين M.ABs ده
ده اختصار مستر / احمد بدر سعيد مثلا مدير مبيعات ولا ايه :D

المفروض يغيروا اسم العربية بجد
من تيجو

إلى

تيجو نبعد ؟؟ ههههههههههههههههههههههه

**Ramy.Gamal** · 10-08-2008 06:06 PM

انا لم اقرأ المقال ولا بصيت حتى على العربيه لان المانشيت استفزنى لما يكتبوا ان التيجو تقود الدفع الرباعى فى مصر حسيت ان ده عار لمصر ان عربيه زى ده تقود الدفع الرباعى وفى الخليج اللاند كروزر والبورش كايين والبى ام x5 و حتى الباجيرو والدودج دورانجو
انما بالنسبه لنظام المطابخ مانعه الانطلاق ده دليل على ان اللى كان كاتب المقال كان جعان جدا وبيحلم بالمطبخ وان هو اقر بالحقيقه ان العربيه ده فيها اجهزة مانعه الانطلاق يعنى هيكون ادائها زى الزفت وبطيئه جدا ده غير v6 اربعه سلندر 2000 سى سى هو فيه عربيه فى الدنيا 2000 سى سى 6 سلندر فى الدنيا ده دليل على ان سواء بتوع التوكيل او بتوع الجريده جهله وميعرفوش ان اعضاء نايل موتورز هيطلعوا اى غلط وجهل منهم وبعدين ايه العربيه اللاند روك ده تقليد اعمى للبرادو من الامام بطريقه مستفزه

**Ahmed Samy** · 10-08-2008 06:41 PM

لأ لأ
المطابخ المانعة للانطلاق دي جامدة
ههههههههههههههههههههههههه ههههههههههههههههههههههههه ههه

جامدة جامدة يعني مش قادر اتخيلها حتى

المحرر ده المفروض ينفوه لجزيرة سيلان مع عرابي باشا

**Ramy.Gamal** · 10-08-2008 06:50 PM

المشاركة الأصلية كتبت بواسطة Ahmed Samy

لأ لأ
المطابخ المانعة للانطلاق دي جامدة
ههههههههههههههههههههههههه ههههههههههههههههههههههههه ههه

جامدة جامدة يعني مش قادر اتخيلها حتى

المحرر ده المفروض ينفوه لجزيرة سيلان مع عرابي باشا

يا جماعه اعزروا المحرر تلاقوه كان صايم يوم الخميس وجعان وقال لما اقعد اسلى صيامى .فعقله الباطن فى اللا شعور فى اللا وعى خلاه يكتب مطابخ بدل مكابح
، هو صحيح حرف الكاف جنب حرف الطه وحرف الخاء جنب حرف الحاء فى الكى بورد بس اللى يغلط بيغلط فى حرف واحد فى الكلمه مش فى حرفين لأ وفى كلمتين فى الجمله مش واحده. وبعدين هو مفيش اى نوع من انواع المراجعه فى اكبر جريده قوميه فى مصر

**theking2690** · 10-08-2008 07:31 PM

المشاركة الأصلية كتبت بواسطة ramylancer

ده غير v6 اربعه سلندر 2000 سى سى هو فيه عربيه فى الدنيا 2000 سى سى 6 سلندر فى الدنيا

انا كنت بس عايز اعقب على النقطه ديه يا استاذ رامى ان عادى فى عربيات 2000 سى سى 6 سلندر زى الجراند فيتارا انما غير كده كل اللى قولتوا صح و بالنسبه للكلام على الشرخ اللى فى اكصدام الاسبيرانزا التيجو هو مش شرخ هى حاجه زى تنفيخ عن الاكصدام علشان يديها طابع قال يعنى عربيه سبورت و بتاعة خدمه شاقه و طبعا اللى طلعه على انه شرخ عيب من المصور