أية الفشل الإعلاني دة !!!!!

**OlaOsman** · 09-08-2008 01:01 PM

متهيألي الأهرام مالوش دعوة بالدايزاين و القص و اللزق.. همه بياخدوا التصميمات جاهزة من العميل و يحطوها في المساحة المتفق عليها و بس.

**Adham** · 09-08-2008 01:01 PM

لأ ياباشا مش غرزة في الرمل
بص الكاوتش الخلفي مش منتظم الاستدارة, نتيجه القص التعبان اللي اتعمل عالصورة,و الكاوتش الامامي معمول علية شوية لون كدة كأنة متعفر
باين قوي ان الصورة متركبة و مش بإحتراف
الظلال عالرمل باين انها مالهاش دعوة بالعربية الواقفة فوقيها

**Shocky** · 09-08-2008 01:05 PM

المشاركة الأصلية كتبت بواسطة Adham

لأ ياباشا مش غرزة في الرمل
بص الكاوتش مش منتظم الاستدارة, نتيجه القص التعبان اللي اتعمل عالصورة
باين قوي ان الصورة متركبة و مش بإحتراف
الظلال عالرمل باين انها مالهاش دعوة بالعربية الواقفة فوقيها

كلام حضرتك مظبوط
بالإضافة إلى
ان الدنيا ضلمت ع العربية (اخر جزء فيها ) بس ومضلمتش فى الصحرا

**Adham** · 09-08-2008 01:07 PM

اعتقد الضلمة دي عاملها مصمم الجرافيك كنوع من إخفاء السر االحربي أقصد السيارة اللاند روك علشان دي صورة "تجسسية" و مش مفروض العربية تظهر في الاعلان و يتعرف شكلها في السوق
قال يعني عاملين تصميم عبقري و خافيينة عن المشاهدين كنوع من التشويق

**Adham** · 09-08-2008 01:16 PM

المشاركة الأصلية كتبت بواسطة OlaOsman

متهيألي الأهرام مالوش دعوة بالدايزاين و القص و اللزق.. همه بياخدوا التصميمات جاهزة من العميل و يحطوها في المساحة المتفق عليها و بس.

مش شرط يا علا

ممكن العميل يبعت الصور و ممكن يعملها و يحضرها في قسم الديزاين بتاع جريدة الاهرام

زمان لما الشركة مكانش فيها ديزاينر كنت باروح الاهرام احضر المادة الاعلانية و مصمم الاعلانات بتاعهم يقص و يلزق و يلون و يرسم الاعلان

بس مش دي القضية

سواء كان مصمم لشركة او مصمم الجريدة الفكرة في الاخر ان الاعلان شكلة كدة و مفروض في الاخر انادارة التسويق في الشركة بتراجع الشكل و الصور و التصميم قبل ما الاعلان ينزل

**Ahmed Anwer** · 09-08-2008 04:09 PM

و فيه حاجة تانية ظاهرة اليومين دول ،،،

تويوتا مصر - كل اعلاناتها علي الدش ،،

تويوتا الشركة المصنعة الأولي للسيارات في العالم

في ملحق السيارات ،،

منصور نزل اعلان كبير ،،

جنرال موتورز أكبر شركة سيارات في العالم بالإحصائيات ،،

مش عارف نصدق مين منهم

غير الكورولا ام 142 حصان و الياريس ام 95 حصان ،،

**Mosso** · 09-08-2008 04:41 PM

هو في حكاية الاكصدام دي ده مش شرخ ده بروز بس في الاكصدام, انما في موضوع ال4 سلندر دي لا تعليق بصراحه
هو اهرام السيارات طول عمره كده الاخبار احسن منه بكتير رغم الكوسه و المهلبيه الي فيه انما بيقنع و اخباره احسن

**MohabSaeed** · 10-08-2008 12:10 AM

طيب حد خد باله من اعلان الاسبرانزا تيجو الى جوه الاهرام ..... مكتوب اسبرانزا تيجو 4*4 .... و فى المقدمه صوره اسبرانزا 113 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

مين المتخلف الى يعمل اعلان عن عربيه و يحط عربيه تانيه فى مقدمه الاعلان ؟؟؟؟؟؟؟؟؟؟

**Ahmed Samy** · 10-08-2008 12:19 AM

المشاركة الأصلية كتبت بواسطة OlaOsman

ده بأه يندرج تحت بند ال"أي حاجة"

و الله يا علا هو في مثل تاني ينتهي بـ (أي حاجة) برضه بس ما ينفعش اقوله علشان ما خدش كلمتين حمراوين اللون

**NaderNabil** · 10-08-2008 12:22 AM

طب مين فيكوا كمل باقي مقالة اللاند زفت؟؟؟

بعد حتة الV6 و ال4 سلندر علطول ((ايه يا جماعة؟؟ده موتور مشهور جييدا:)))
هتلاقوا عنوان (الصخرة لاندروك علي الطريق)

نقرأ بقي اللي مكتوب بس في البرجراف التاني:

" و قد ساهمت إطاراتها العريضة و نظام المطابخ M.ABs مانع الإنطلاق في سهولة التوقف المفاجئ خاصة عند المنحنيات الصعبة أو المنحدرات الشديدة"

الكلام اللي مكتوب مافهوش أخطاء املائية مني....انا ناقله بالحرف...و يستحسن تبصوا عليه في الجرنال بنفسكوا....عشان تضحكوا بنفس:)