اقتباس المشاركة الأصلية كتبت بواسطة EngAhmedSakr مشاهدة المشاركة
السلام عليكم
-و عليكم السلام يا هندسه يا كبير
بعد عمل عدد لا بأس به من الكيلوات بالكاوتش الجديد وتجربته في المواقف المختلفه(اسفلت-تراب-ارض مكسره-زلط-رمل-ملفات-ميه-مطبات-سرعات... إلخ إلخ) اقدر اقول الرأي الأتي

1- الكاوتش فعلا انعم من الهانكوك القديم واطري في المشي ومخلي العربيه مالهاش صوت نهائي
ربنا يباركلك اليوكو(يوكوهاما) من أفضل الكاوتش في السوق ما يقلش عن عمو البريدج حاجه
2- نقشته الواسعه ممتازه وما بتلمش زلط
طب الحمد لله عشان الازعاج
3- تماسك الكاوتش مع الطريق رائع وموضوع الزحف قل بنسبه كبيره جدا جدا (ما ضربتش فرامل مفاجئه قويه اوي لحد الأن بس الحتت الرمليه اللي كانت بتزحف فيها زمان في تهديه المطبات ما بقتش تزحف فيها خالص)
ما شاء الله
4- تحسن ملحووووووظ في الفرامل والعربيه بقت تقف اسرع في مسافه اقل حتي لو علي ارض مبلله او فيها بعض الحصي او الرمل
عقدتي الحاجات و زحف العربيه ده
5- ثقه اكتر في الملفات الواسعه علي سرعه وتحكم افضل في الغرز والهاندلينج
ربنا يستر طريقك و طريقنا
6- الدركسيون تقل سنه بسيطه - ودي ميزه- والتسارع قل سنه بسيطه ايضا - ودا عيب-
ما حضرتك كبرت المساحه بتاعه الاحتكاك مع الارض لما عرضت و الاستهلاك هيزيد حاجه عبيطه مع الاستخدام بس أهم حاجه مفيش دبدبه بس في المقابل ثبات و فرامل و ده أهم حضرتك هي في الاخر COMPROMISE عاوز ايه و بتتخلي عن ايه
7-اعتقد العربيه عليت سنه صغيره فعلا - ولونها ما بتحكش مني خالص لاني بركب فور ايفر الوون :)-
185/65/15 ده أصلاا مقاس غلط و علي النت ما كانش موجود في كتير من المواقع بس مكتوب في بلاد تانيه بتنزلها الالنترا بس الاصل ال 205/55/16 و ال 195/65/15 و عارف انه نازل مع التوكيل بس هنعمل ايه أدي غبور الزفت
ال 195/65/15 هيعلي العربيه 14 مللي بالضبط عن 185/65/15 يعني 1سم و كسور
و لو ركبت جنوط 16 205/55/16 هتعلي عن ال 185 ب 1 سم

طبعا أذكر بان هذا الراي في الكاوتش هو مقارنه بالطقم الهانكوك الكوري اللي كان راكب فيها قبل اليوكوهاما الياباني دا
يا رجل يا طيب,حد يقرن الياباني يوكو بالكوري الهانكوك

لمعلومات اكتر عن السعر والمواصفات راجعوا الردود السابقه بالموضوع

تحياتي واحترامي
شكرا علي الافاده يا كبير