رحلات صيد...!!!

**أبو عبدالرحمن** · 15-08-2008 07:28 PM

أيوة أنا افتكرت يا Marsguy يا ريت نقدر نكررها،،،الحقيقة يا جماعة لازم تستقروا وتجمعوا نفسكوا عشان أحجز لكم مركب لأن الموضوع هايبقى صعب لأن كل الناس عايزة تطلع قبل رمضان ،،فالحجز صعب جدا وشكلها كده هاتبقى في وسط الأسبوع ،،،عموما نجرب نحجز ويك اند ،،بس لازم تحددوا عدد الناس والأسماء ،،،أنا بالنسبة لي مش عارف ظروفي هاقدر أطلع ولا لأ بس أقدر أساعدكو في كل حاجة ،،،ولو لأي حد سؤال ممكن يسألني

**el3awaam** · 18-08-2008 02:49 PM

يا جماعة العين دلوقتى سخنة و لازم ننجز عشان الشتاء داخل
و العين هتبرد كدة....اللى ناوى يطلع بجد ينجز..

**el3awaam** · 18-08-2008 03:54 PM

يا ابا عبد الرحمن سؤال صغير للمعرفة...!!!
لو روحت اى شاطئ بحر زى شاطئ راس البر. او اسكندرية . او العريش.او بور سعيد اللى هى شواطئ رملية .مش صخرية (اللى الناس بتصيف فيها يعنى).
و حدفت الصنارة جوه الميه و انا واقف على الشاطئ ممكن تطلع سمك .
و هل وجود الناس فى المية بيفرق عن عدم وجودهم .
اصلى شوفت فيديو لأحد الهواه كان بيصطاد من على الشط و طلع .....!!!!!
سمكة قرش اللى بيسموها المطرقة...!!!كانت صغيرة يعنى فيها حوالى 40 كيلو تقريبا
و بعد ماطلعها سابها تمشى فى الميه تانى...!!!
الشاهد انى متخيلتش ان فى سمك ممكن يبقى بالحجم دة قريب من الشاطئ.
فهل ممكن اقلدة بس مش فى القرش ...هههههههههههه
انا هرضى لو اى حاجة ربع كيلو حتى...هههههههه
أرجو الافادة و جزاك الله خيرا...

**Mohamed-Saoud** · 18-08-2008 04:09 PM

المشاركة الأصلية كتبت بواسطة el3awaam

يا ابا عبد الرحمن سؤال صغير للمعرفة...!!!
لو روحت اى شاطئ بحر زى شاطئ راس البر. او اسكندرية . او العريش.او بور سعيد اللى هى شواطئ رملية .مش صخرية (اللى الناس بتصيف فيها يعنى).
و حدفت الصنارة جوه الميه و انا واقف على الشاطئ ممكن تطلع سمك .
و هل وجود الناس فى المية بيفرق عن عدم وجودهم .
اصلى شوفت فيديو لأحد الهواه كان بيصطاد من على الشط و طلع .....!!!!!
سمكة قرش اللى بيسموها المطرقة...!!!كانت صغيرة يعنى فيها حوالى 40 كيلو تقريبا
و بعد ماطلعها سابها تمشى فى الميه تانى...!!!
الشاهد انى متخيلتش ان فى سمك ممكن يبقى بالحجم دة قريب من الشاطئ.
فهل ممكن اقلدة بس مش فى القرش ...هههههههههههه
انا هرضى لو اى حاجة ربع كيلو حتى...هههههههه
أرجو الافادة و جزاك الله خيرا...

عادي جدااااا و انا كنت في سلطنة عمان باعمل بالضبط زي الراجل اللي صوروه ده!!
ساعات يطلع قرش (كنت برجعة المية علشان السكينه مش بتقطع جلده) و ساعات سمك زي البلطي كده و ساعات سمك تاني زي التونة (برده كنا نرجعه الميه علشان نسبة الدهن اللي فيه) و هكذا و هكذا...

عايز أقول أني الصيد من أمتع أمتع الهوايات اللي عرفتها في حياتي حتى الأن

**3mr Farrag** · 18-08-2008 08:29 PM

طيب يا رجاله انا بفكر اجي معاكوا
انا عاوي صيد من زمان بس كل فين و فين بصطاد....
و لو هنأجر مركب لازم اشتري عده صيد....لأن عندي صناره قديمه بتاعتي و انا صغير و ماتنفعش.....
ولا ينفع اأجر؟؟

**أبو عبدالرحمن** · 19-08-2008 01:41 AM

أستاذ محمود الموضوع هنا غير عمان خااااالص،،،،يعني الفقر السمكي اللي عندنا ممكن يخليك يجيلك حالة من الإحباط والكبت وكثير من الأمراض اللي معظم الصيادين بيتعالجوا منها عند الدكاترة النفسيين ومافيش فايدة،،،،وممكن واحد يطلع سمكة ربع كيلو من الشاطئ عندنا أو نص كيلو بالكتيير وتلاقيها قصة الموسم لعدة شهور في المنطقة اللي اصطاد منها السمكة ،،،،للأسف إحنا بنقضي على أي ثروة سمكية عندنا بشتى الطرق من تلويث وشبك ضيق وحدث ولا حرج وبالتجربة أقدر أقولك إن السمك المحترم في مصر دلوقتي موجود في أماكن قليلة جدا في مصر واللي يا إما بعييييدة جدا فالناس مش بتروحها يا إما الصيد ممنوع أو مقنن فيها ومنها على سبيل المثال لا الحصر حماطة ومرسى علم وشرم الشيخ (الصيد ممنوع فيها) والبردويل ،،،لكن عمااان موضوع تاني خالص !!!!
لا تيأس يا عوام الأمل دايما موجود!!!!
أستاذ عمرو العدة للصيد من المركب غير مكلفة إطلاقا يعني لو معاك حد فاهم الحاجات اللي انت محتاجها بالظبط الموضوع مش هايعدي 30 أو 40 جنيه بالكتييير،،،وده اللي محتاجينه في الوقت الحالي في أضيق الحدود ،،،طبعا الموضوع ممكن يعدي العشرة آلاف جنيه لو بنتكلم عن عدد الصيد بس أنا باتكلم بالنسبة لحد عايز يطلع يصطاد ويغير جو ويجرب الموضوع ويشوف هايعجبه ولا لأ وبعدين يبقى يقرر يجيب العدة اللي هو عايزها ،،،،معلش طولت عليكم

**passat** · 19-08-2008 07:16 AM

طيب يا جماعة هتطلعوا امتى ؟

**Mohamed-Saoud** · 19-08-2008 12:41 PM

و الله و الله كنت باشوف السمك (و مش أي سمك) في الموج و أنا واقف على الشاطئ ... الله يرحم أيانك يا سلكنة عمان. فعلا هنا في فقر سمكي جامد (الحقيقة فقر في كل حاجة تقريبا :) )

**islamnabil** · 20-08-2008 05:25 AM

طبعا كده الجمعة الجاية مش حتنفع لان مافيش حد اكد على الموضوع
طيب حد مستعد يطلع الجمعة او السبت 29 - 30 \ 8
ياريت ياجماعة اللي عنده استعداد يطلع يقول

استاذ ابو عبد الرحمن
ياترى ممكن نتقابل و تساعدي في عدة صيد تنفع كبداية او حضرتك نقولنا نجيب ايه و منين عشان الفائدة للجميع
جزاك الله خيرا

**أبو عبدالرحمن** · 20-08-2008 02:02 PM

تحت أمركو يا فندم تليفوني 0106228402 ،،،أي وقت تحبو تنزلوا تجيبو عدة أنا جاهز بس أعتقد الحجز جمعة وسبت دلوقتي هايكون شبه مستحيل ،،ولسه برده ماحدش أكد إنه طالع عشان أقدر أحجز ،،عموما وقت ما تقرروا قولولي وأنا هارتبلكو كل حاجة بإذن الله

الموضوع: رحلات صيد...!!!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

صور1 رحلات فريق عمر الصياد-رحلات تسقيط من المكس مع الدرافيل 4/6/2012

كمبيوتر رحلات الكروز

فان رحلات هيونداى h1 2004

كمبيوتر رحلات لليارس

رحلات عمل ,,, مغامرات وخبرات

الكلمات الدلالية لهذا الموضوع

المفضلات

المفضلات

ضوابط المشاركة