بسم الله الرحمن الرحيم
السلام عليكم ورحمة الله وبركاته


لو سمحتوا ياشباب ياريت حد يساعدنى فى المشكلة دى

انا معايا فيرنا 2008 ، العربية سافرت بيها مشوار حوالى 250 كيلو مع تشغيل التكيف
وبالصدفة ببص عالمية لقيتها تحت ال Min !!!
مع العلم انى كنت مزودها قبل المشوار بأسبوع تقريبباً حوالى نص كباية

المهم انا قلقت وروحت شيكت على كل الخراطيم عشان لو فيه تسريب من خراطيم او حاجة وبالمرة اسلك الريدياتير واكشف عليه وكده

الراجل قالى سليمة مفهاش حاجة وسلكت الردياتير وحطيت مية خضرا تانى وكله تمام

الكلام ده اول امبارح .. النهاردة بقى ببص عالمية لقيتها نزلت عن الFull شوية مع انى كنت حاطط المية فوق العلامة بشوية صغيرة !!!!

ممكن حد يقولى ده ممكن يكون سببه ايه !!!

ملاحظات :

1- وانا مشغل التكيف لاحظت كده ان فيه بخار من وقت للتانى ده بيطلع من فتحات التكيف

2- مؤشر الحرارة عندى بقاله فترة مش مظبوط يعنى اجى الشغل العربية وانا لسه طافيها حالاً يعنى سخنة ألاقى المؤشر تحت المعدل الطبيعى وأوقات اطفى الكونتاك واولعه تانى الاقيه رجع لمكانه الطبيعى

3- انا اول مرة زودت العربية مية خضرا عملت بعدها على طول مشكلة معايا وسخنت بس أنا لاحظتها اول ما مؤشر الحرارة بدأ يرفع فوقفت العربية وسبتها تبرد وجبت الميكانيكى وقالى السرموستات قفش وشيلته



انا شاكك ان العربية تكون بتسخن وجايبة جوان وش سلندر والمؤشر جوه مش مبين ده سواء كان عيب فى العداد او السرموستات أنتوا أيه رأيكم ؟؟