خلاص الحمد لله استقريت على السيراتو الجديده اول فئه

**memo823000** · 11-04-2013 03:23 PM

اركب الالنترا اول فئه 145 الف بعد الخصم
او سول تانى فئة 155 الف
او سيراتو الشكل القديم ب 145 الف
او الفلوانس الجديده ب 161 الف

كل دوووووووول اشد من السيراتو الشكل الجديد كفئات اولى لان السيراتو الجديده متتركبش غير هى لاين والفئه الاول متستهلش فلوسها

**ma7oo** · 11-04-2013 03:36 PM

سيراتو بالاسعار دى ليه عشان ايه يعنى والمشكلة ان الناس بتشترى

**ahmadm** · 11-04-2013 06:33 PM

المشاركة الأصلية كتبت بواسطة yasserelsayad

اول الفئة بـ 148 فيها جنوط حديد 15 - مرايات كهرباء - زجاج كهرباء - امكانية ضبط عجلة القيادة فى 4 اتجاهات - فوجات امامية - مسند يد امامى - نقاط تثبيت كراسى الاطفال بالخلف - راديو cd mp3 usb aux - نظام مانع السرقة immobilizer - وتكييف مانيوال.

الفئة اللى بعدها بـ 156 الف وبتزيد جنوط 16 رياضية - ايرباج للسواق - امكانية التحكم فى ارتفاع كرسى السائق - نور قراءة امامى وجراب لحفظ النظارة - تحكم فى الكاسيت من عجلة القيادة.

واللى بعدها 165 الف بتزيد abs - ايرباج للراكب - اشارات ليد فى الرايات الجانبية - مرايات ضم - مسند يد امامى متحرك - فتحات تكييف خلفية - مسند يد خلفى بحامل اكواب - مثبت سرعة بتحكم من عجلة القيادة - ريموت كنترول للابواب.

اللى بعدها بـ 183 الف وبتزيد جنوط 17 - عجلة قيادة جلد - عصاية الفتيس جلد - التحكم فى مستوى باور عجلة القيادة (comfort - normal - sport) - شيفتات التحكم فى الفتيس من عجلة القيادة - مقابض الابواب الخارجية كروم - فتحة سقف - نظام التحكم فى النور اتوماتيكيا - فوانيس ليدات امامية - فوانيس ليدات خلفية - تبريد فى الدرج الامامى - بلوتوث بامكانية التحكم من عجلة القيادة - سمارت كى - حساسات ركن امامية وخلفية - انوار فى المرايات الخارجية ومقابض الابواب.

اللى بعدها بـ 196 الف وبتزيد كرسى السائق كهرباء 10 اتجاهات و2 ذاكرة لضبط الكرسى - فرش جلد (رمادى - ابيض - بنى) - كاسيت تاتش - كاميرا خلفية - تكييف تاتش dual zone مزود بـ ايونيزر - شاشة lcd بين العدادات.

حضرتك متأكد ان الهاى لاين فيها الشاشة العريضة الملونة ؟ اصل شاب من بتوع المبيعات فى روكسي قالى ان كلهم نازلين بنفس الشاشة الصغيرة يا تأكد المعلومة و جزاك الله خيرا

**sherif shaheen** · 11-04-2013 07:57 PM

ألف مبروك مقدما عربية جميلة و هتعجبك
و مدام أنت مقتنع بيها هتها و ملكش دعوى بكلام الناس علشان أنت إلى هتركبها مش هما و هنا كل المنتدى مش عجبه سعرها ناسين أن العربيات كلها غليت أو يقول لك أنواع محدش بيشتريها
بالنسبة للسحب بتعها جميل جدا أحسن من عربيات كتير ( على فكرة أنا معايا عربية تانية أوكتافيا و مش أول مرة أركب عربية أنا كان عندى بي إم 2003 ) فعارف بقولك أه
بالنسبة للعفشة هى جميلة أخف من السيراتو القديمة بكتير
بالنسبة للثبات على السرعات كويسة مش وحشة بس أقل من الفنتازيا
بالنسبة للفتيس النقلات مبتحسش بيا إلا لو جبتها على اﻹستب وبتحرق جامد بتحس بيا و أنت بتنقل بس على العادى من غير حرق مبتحسش بيها و غير كدة النقله مبتحملش على الماتور
يعنى 4 rpm بتبقى على سرعة 173 تقريبا ده كويس لأنه بيقلل الحمل على الماتور و ربنا يوفقك ولو عاوز أى إستفسار أنا تحت أمرك

**sherif shaheen** · 11-04-2013 08:11 PM

أحسن ألولن الفضى و دة إلى معايا
أحمر
أزرق من وجهة نظرى

**Mohab555** · 11-04-2013 08:40 PM

اختيار موفق بس ياريات حضرتك لو ينفع تزود شويه و تجيب الفئه الثانية
علشان مينفعش تركب عربيه بمبلغ كبير و مفيهاش اوبشن عالى ... و الفرق مش كبير
وياريت لو تعرف تبص برده على الرينو فلوانس الجديد تحفه فنيه بمعنى الكلمة

**HSE_eng_ramy** · 12-04-2013 12:38 AM

الف مبروك وتستلم على خير ان شاء الله زمستنين تقرير الاستلام بالصور

**yasserelsayad** · 12-04-2013 03:02 AM

المشاركة الأصلية كتبت بواسطة ahmadm

حضرتك متأكد ان الهاى لاين فيها الشاشة العريضة الملونة ؟ اصل شاب من بتوع المبيعات فى روكسي قالى ان كلهم نازلين بنفس الشاشة الصغيرة يا تأكد المعلومة و جزاك الله خيرا

تقصد انهى شاشة عريضة ؟
لو اللى بين العدادات فا كل العربيات السيراتو اللى كانت فى معرض اوتوماك كان فيهم الشاشة دى
وسألت واحد من المبيعات هناك وقالى انها بتنزل فى الهاى لاين بس

-

الموضوع: خلاص الحمد لله استقريت على السيراتو الجديده اول فئه

LinkBack

أدوات الموضوع

عرض

-

-

-

المواضيع المتشابهه

الحمد لله استقريت على كاسيت. البايونير. 4450 بلونوث

الحمد لله اخيرا استقريت وحجزت تيجو

الاختيار بين اول فئه من الفنتازيا وثانى فئه

اخيرا استقريت واستلمت البرسونا الحمد لله

الحمد لله استقريت اخيرا وانضميت لمالكي السيريون

الكلمات الدلالية لهذا الموضوع

المفضلات

المفضلات

ضوابط المشاركة