الموضوع: خدعوك فقالوا السيراتو آخرها 195km/hr

انا موافق ع موضوع ان سعرهم فعلا زاد على مستواهم و دخلوا ف فئات تانية بس يا باشا بالنسبة لقطع الغيار اللى مش معمرة بما انك كان معاك اكسنت زى بتاعتى ممكن توضح لي مش معمرة ازاى و بالمقارنة بايه

المشاركة الأصلية كتبت بواسطة mhf_77

اوعى يكون قصدك عليا دا انا ارفع عليك قضيه ههههههههههههه
ياراجل دا انا عمال احسس على كلامى عشان محدش يزعل
هاتلى كوبى وبست للكلام اللى انت كاتبه ده والمفروض انى قولته
ياريت تفيدنى بالرد وانا مستنى
وده ردى على العموم كوبى وبست
السؤال مش هل السيراتو بتجيب 200 ولا لأ
السؤال
هل السيراتو ثابته على ال 200 ولا لأ؟؟
لأن اى عداد فى اى عربيه بيجيب اخره حتى ولو فضلت حارق عليه ساعه لغاية لما يكسر الرقم
لكن السؤال السرعه دى - وضعية الثبات والامان معاها ايه؟؟؟
الصينى كله بيقفل عداده بس هل رقم السرعه حقيقى ولا لأ وهل ثابته ولا لأ
الميكروباصات السوزوكى بيقفل عداده بس هل رقم السرعه حقيقى ولا لأ وهل ثابته ولا لأ
التكوتوك بيقفل عداده بس هل رقم السرعه حقيقى ولا لأ وهل ثابته ولا لأ
هتلاقى كتير من الاعضاء بيحلفو انهم على طول بيقفلو عداد اى عربيه والامور بتعدى على خير مفيش اى اذى
بس ده مش دليل ان العربيه دى كفاءه وثابته
ده مش اكتر من ان عمرهم لسه فى بقيه - مش اكتر من كده
ياما ناس انقلبت بيهم عربيات وطلعو سالمين وياما ناس بيعدو الشارع ماتو
لا الناس اللى عاشو كفاءه منهم ولا الناس اللى ماتو غشميه منهم
وارجع واقول اللى مجربش غير الكورى معذور
انا قولت اللى راكبين الكورى غلابه؟؟؟؟
انا قولت مجربوش يركبو عربيات نضيفه ؟؟؟
انا قولت ان اللى راكبين كورى ملعوب عليهم؟؟؟؟
انا قولت انهم راكبين شوية ورق؟؟؟؟
انا قولت انهم راكبين تكاتك؟؟؟؟
طب على كده انا بشتم نفسى وانا معرفش
انا مقتنع بان الكورى احسن عربيه عمليه فى استخدامها وفى بيعها ومنطلبش منها اكتر من كده
لكن ان قطع غيارها تعيش وتعمر او ثبات على سرعات او منحنيات يبقى بنظلمها

لا لا اسمحلي يا استاذي الفاضل انت عايز عربية فيها الاتي :

1- وسائل امان (موجوده في الكيا طبعاً عارفين abs - ebd - ba - 2 airbags) ودي كمان الفئة اللي نازلة مصر يعني برا الكلام غير كده خالص زيادة طبعاً
2- اعادة بيع فوق الممتاز (كيا)
3- مواتير معروف عنها الجري (كيا)
4- كماليات على اعلى مستوى (كيا)
5- وكيل محترم وممتاز جداً (كيا)
6- انتشار رهيب ومشاكل قليلة (كيا)
7- قطع غيار متوفره (كيا)
8- ثبات معقول جداً على سعرها (كيا)

تعالا بقى نشوف انت عايز ايه

ضيف على اللي قولناه فوق ده كله انت عايز الاتي :

1- ثبات عالي جداً جداً جداً جداً
2- عمر طويل لقطع الغيار (تقريباً حضرتك عايز قطع الغيار تعيش مدى الحياة معاك)

وكل ده وعايزه في عربية من 100 الي 200 الف ؟ طيب انت سيبت ايه للـbmw ؟؟؟؟؟؟؟؟؟؟ لما كيا تعمل عربية فيها كل اللي انت طالبه وتعملها لك برضه بـ100 الي 200 الف جنية ؟

عايز كل اللي كتبته لك بالاعلى كله كله اشتري bmw الفئة التالته وادفع من 300 الي 400 الف جنية

لكن متجيش تقارن لي عربية بـ100 الي 200 الف جنية وعايز كل شئ فيها !!!!!! الا لو كنا عايزين نحلم او ندخل في فئة اعلى

وارجع واقول اللى مجربش غير الكورى معذور

وارجع واقول اظن اني رديت عليك بجد ساعة ما قلت لك الناس اللي راكبه من ريحة الالماني وكأنهم راكبين رولز رويس اعتقد حضرتك فاكر كويس ردودي

وقولت لك في كتير معانا هنا في قسم كيا معاهم عربيات الماني اصلي عارف يعني ايه يعني bmw وغيره اللي بلد المنشأ نفسها المانيا

عندما اقوم بالرد اقوم بالرد بنفس نهج وطريقة الرد المقتبس - اذا انزعجت من ردي اعلم تماماً ان غيرك انزعج من ردك لانه بنفس طريقة تعبيرك

المشاركة الأصلية كتبت بواسطة Mohab555

ههههههههههههههههههههههههه هههه حبيب قلبى متوصلش للقضايا ملعون ابو الكورى على اليابانى
بس انا واخد بالى انك شايل شويه من الكورى مش كفايه علينا formulator قايم بالواجب و زياده معانا .... وباين قريت موضوع تانى و كنت انت و هو ملعلعين و حسستونى انى راكب توكتوك فضى مش اكتر .. و بعدين لو مقلتش كده عرفت ان انت ازاى و بعدين انا وراك وراك لحد ماتحب الريو و تجيب واحده كمان هههههههههههههه

لا يا استاذ مهاب مبنغلطش في اي حد وبنرد بموضوعية وبمقارنات وكان لي حديث طويل ومناقشة في قسم المقارنات بين الكيا ريو والفورد فيستا مع formulator واتكلمنا عن الـOVER RATING طيب هات دليل مجبش دليل راح قال لك الداينو اثبتنا عكس الكلام ده لغاية ما قال في الاخر ان الريو هتجري عن الفيستا بعد اخيراً ما جرب العربية واعترف بذلك : http://www.nilemotors.net/Nile/3874838966-post19.html

مش بنرد على حد الا لما بيكون بيوجه هجوم غير مبرر - والحمد لله بنرد عليه بكل موضوعية ومعاه للاخر خالص ونتناقش ونتكلم ونجيب اثباتات زي ما انت عايز - مش هقول اي كلمة غير ما اكون متأكد منها

المشاركة الأصلية كتبت بواسطة lanos2004

يا سيدى احنا بندردش
وبعدين انا مش بتكلم عن عربيتى ما انا جايب فيديو نيسان تيدا وممكن اجبلك فيديو سيراتو الى قبل الشكل الجديد مقفله 220 كيلو وعربيه هايله جدا
وبعدين والله عربيتى ستوك وبنت ستوك راجع الكتالوج
وبعدين لما بتدخل اوتو كروس بتدخل بالسعه اللتريه --مش 1500 مع 2000 سى سى
وبعدين هيه الانوس 1500 8 صباب دى بتجرى اصلا هيه معقوله بس مستحيل تجرى مع سيراتو

طبعاً معروف اللانوس مش هتجري وهيا ستوك مع السيراتو وده اللي انا بقوله للناس اصل الناس بتفكر ان اللانوس اللي معاك دي ستوك بدون اي تعديلات بس ياباشا انت مش معاك لانوس دا انت قالبها BMW ههههههههههههههههههههه مفيش حاجة ستوك عندك في العربية غير الكراسي يمكن ههههههههههه

منستغناش عنك يابوحميد طبعاً

المشاركة الأصلية كتبت بواسطة 2CODE

طبعاً معروف اللانوس مش هتجري وهيا ستوك مع السيراتو وده اللي انا بقوله للناس اصل الناس بتفكر ان اللانوس اللي معاك دي ستوك بدون اي تعديلات بس ياباشا انت مش معاك لانوس دا انت قالبها BMW ههههههههههههههههههههه مفيش حاجة ستوك عندك في العربية غير الكراسي يمكن ههههههههههه

منستغناش عنك يابوحميد طبعاً

انا هبعها وهشترى لانوس تانى من بورسعيد 1600 او 1500 16 صباب وفيهاabs كمان وايرباج علشان محدش يقول عربيتك مش ستوك
الانوس اهه ستوك ولا مش ستوك
راجع هنا ستوك ولا مش ستوك
DAEWOO LANOS 1.6 i 16V (106 Hp)