الموضوع: ضعف صاج الصنى الجديد ه

المشاركة الأصلية كتبت بواسطة hano_elbeh

اعتقد يا استاذ احمد ان من العيب انك تهين اخواتك فى مكان واحد وكل ما يجمعنا هو الحب والاحترام والتقدير لبعضنا
واعتقد ان من الواجب الاعتذار
تحياتى

مع احترامي ليك
أولا ,حضرتك مش هتعلمني أقول إيه و مقلش إيه

ثانيا , يا ريت تشوف الفعل قبل ما تحكم على رد الفعل
و هتعرف إن تعليقي ده في محله

تحياتي ليك

يا شباب ريحوا نفسكوا .. هو يقصدني أنا :)

وأنا مش زعلان منه أصلاً .. لأن كل إناء بما فيه ينضح .. وعلى العموم أنا رديت عليه وقلت سلاما :) ...

ومحدش هيفهم ردي غير إللي بيفهم بس.

كبروا دماغكم :)))

بعد ما وضحتلكم اللبس اللي حصل
نكمل كلامنا بقى مع الناس اللي بتفهم :)

المشاركة الأصلية كتبت بواسطة saint2011

الموضوع مش عربيات محترمة وغير محترمة الموضوع بمنتهى البساطة قيمة السيارة المباعة مقابل الفلوس المدفوعة فيها لكن للأسف المصريين عايزين كل حاجة فى عربية ثمنها 107000 جنية وده مستحيل مفيش عربية تحت 200000جنية بدون عيوب والمهم هل هذا العيب جوهرى لا يمكن قبولة أو عيب يمكن التعايش معه وعموما النيو صنى فى مجملها بحساب العيوب قبل المميزات مقبولة جدا لملاكها وتقبل تحياتى

على فكرة إنت مش أول عضو تقول كده
وممكن كلامي ده يفاجأك

بس أنا معاكم 100 %
كل واحد بيشوف ميزانيته واحتياجاته
وبيختار على اساسها


أنا مش ضد الصني الجديدة زي ما حضرتك فاهم
كل اللي طالبه إن يبقى فيه حيادية في التقييم

مش أي حد يقول كلمة على العربية , الأعضاء كلها تهجم عليه !!!!!!!!!!!!
مع انكم أنتم بتأكدوا إن فيها عيوب !!!!!!!

فيها إيه لو قلنا اللي ليها واللي عليها

1. عربية واسعة و عائلية و شنطتها كبيرة
2.ارخص عربية في فئثهـا (هي وال persona)
3.انتشار كويس
4.توكيل ليه فروع كتير وفاهم فيها
5.عوامل أمان كويسة

بس برده ليها عيوب

1.العربية مكوناتها هندي و تجميع مصري مع 40 % مكونات مصرية
2.مشاكل التجميع المصري زي
كاوتش معفن و عيب الفرامل الشهير
صوت تزييق في الصالون أو مشاكل في المساعدين ....الخ

3.صاج خفيف
4. تصميم داخلي و خارجي سيء
(الشكل أذواق طبعا بس مقارنة بباقي عربيات فئتها مظنش إنها تكسب )

5.عدم توفر قطع الغيار غير للصيانات
ودة حصل مع أكتر من عضو اخرهم

http://www.nilemotors.net/Nile/347789-a.html

6. تأخر التسليم أو بتضطر تدفع over price


الخلاصة بقى :)
ممكن اجيبها عشان تمنها آه , بس أبقى عارف عيوبها

و بغض النظر بقى , هي صفقة رابحة أو لأ ؟
أنا لسة عند رأيي إنها لا تصلح لحمل شعار nissan


يا ريت تتقبلوا رأيي ده , وانا بتأسف لو كلامي ضايق حد من ملاك العربية
بس احنا لازم نعرف الناس العيوب عشان محدش يتفاجأ زي العضو S.Salah
وكل واحد في الاخر حر في اختياره

أنا والله لو أعرف ان الموضوع يزعل الناس من بعضها مكنتش اتكلمت فيه خالص احنا أصدقاء اخوات فى المنتدى وتحترم بعض
الاختلاف فى الار اء ده عادى بس لكن الأمور تعدى

المشاركة الأصلية كتبت بواسطة ahmed-adel

بعد ما وضحتلكم اللبس اللي حصل
نكمل كلامنا بقى مع الناس اللي بتفهم :)

سلاماً .. واضح إنك مش بتفهم فعلاً :))

وبمناسبة الناس إللي بتفهم يبقى حضرتك المفروض تخرج من الموضوع ده :))

المشاركة الأصلية كتبت بواسطة abdulmoniem

سلاماً .. واضح إنك مش بتفهم فعلاً :))

وبمناسبة الناس إللي بتفهم يبقى حضرتك المفروض تخرج من الموضوع ده :))

خلاص يا جماعة اهدوا و صلوا عالنبي مكنش خلاف في الرأي يعني

.............................................

لما يجي واحد من برة القسم ويشتم أعضاء القسم ومحدش أصلاً وجهله كلام مباشر وكله خلاف على العربيات وأنواعها وأشكالها ومحاولة تشويه عربية نيسان من أقسام تانية ومن ناس عمرها مركبت العربية أصلاً (هما بيركبوا أحسن منها وأفضل .. خلاص ميتكلموش هنا!!! في ناس عندها خبرة أحسن منهم 1000 مرة في العربية نيسان وهيردوا بالعيوب إللي إحنا عارفينها وبنقولها وبين المميزات) .. يبقى لازم يتاخد ضده إجراء ..

أنا عملت على مشاركته بتاعة (السفيه) ريبورت .. مرتين.

وأنا منتظر رد الإدارة.

انذار ووقف اسبوع لمخالفة القاعدة 12
يرجى مراجعة قواعد المنتدى
2:28pm 15/4/2013
م.ع.4

يا جماعة معلش اهدوا شوية واعرفوا إن لما حد يعبر عن رأيه فى عربية مشهورة زى النيسان بيستفيد ناس تانية زى حلاتى عايزين يشتروا لسه , على الأقل ما حدش ينصدم أو يتفاجئ بحاجة
ولو كلمة فلتت من حد يبقى العتاب بالحسنى واللين