الموضوع: ضعف صاج الصنى الجديد ه

خلاص ؟؟؟ خلصتوا كلام !!!!!!!
كان نفسي أسلوب النقاش يبقى أحسن من كده

بس للاسف كله داخل يقول

المشاركة الأصلية كتبت بواسطة heba_hassan

حضرتك أساسا معاك العربيه . سوقتها ؟؟!!!
ولا أي كلام في الهوا

المشاركة الأصلية كتبت بواسطة abdulmoniem

بعيداً عن كل شيء .. معظم الناس إللي بتفتي في العربية أصلاً لم يركبوها!

ويمكن كمان شافوها في الصور وبس! :d

من الأخر هديكوا مثال: أنا لما بشوف عربية سيتروين c4 بحس إنها عربية حد ضاربها شلوت من ورا .. شكلها لا تستسيغه العين المجردة .. فما بالك لو ركزت ممكن يجيلك تلبك معوي ..

لكن أنا مش هقدر أخش على قسم سيتروين وأقعد أقول الكلام ده لأنه ساعتها ده هينم عن جهل مني لأني مركبتش العربية ولا جربتها وبشوفها في الشارع وأخري بقرأ عنها كلمتين هنا ولا هناك.

رجاءً من كل الأعضاء أن نلتزم بقاعدة (بلاش فتي) الأصيلة في المنتدى لأنه بدون هذه القاعدة .. سيتكلم كل واحد في غير فنه وسيأتي بالعجائب.

المشاركة الأصلية كتبت بواسطة Dr_MaTrix

واضح والله من اراء ملاك العربية الاقتناع والتفكير بايجابية انما اللى ما ركبش العربية وقرأ كلمتين هنا وهناك هوا اللى بيعيب فيها اركب وسوق وتعايش مع العربية هتلاقيها اكتر من رائعة

هو أنا قابض مثلا عشان أقول الكلام ده هههههههه
ولا قلت حاجة أصلا

ده كله مواضيع أنتم اللي عاملينها
والاخ matrix بنفسه اعترف إن فيه مشاكل في الفرامل
والصاج الخفيف أكتر من عضو اشتكوا من الكلام ده

إيه مشكلتكم بقى ؟؟!!!!!!!!!!!

إيه اللي في كلامي اللي قلته محتاج إني اركب العربية فيه ؟
هو أنا كلمتكم في body roll ولا Understeering
ولا acceleration ولا ثبات ولا خامات حتى

لا حول ولا قوة إلا بالله !!!!!!!!!!!!!

والاخ اللي داخل يقول C4 ومش عارف إيه ؟؟
احنا كبرنا على الكلام ده
عشان قلت كلام مش عجبك على عربيتك , لازم تقول حاجة على عربيتي ههههههههههه

وملقيتش غير الشكل اللي تتكلم عليه
معاك صني ومش عجبك ال C4
أذواق !!!!!!!!!!!!!

وعموما أي حد بيفهم
يعرف يعني إيه الفرنسيين في ال design
مش أنا اللي هدافع عنهم

عموما ده مش موضوعنا أصلا

المشاركة الأصلية كتبت بواسطة Dr_MaTrix

كل الليلة اللى انت عاملها دى عاوز حضرتك بيها تثبت ايه ...

هو أنا شغال في توكيل منافس مثلا !!!!!!!!
ولا نفسي اركبها ومش عارف فبحقد عليكم

يا ريت أسلوب الحوار يبقى أحسن من كده

المشاركة الأصلية كتبت بواسطة Dr_MaTrix

وبالنسبة لموضوع ما تمشيش بيها اكتر من 80 ده مجرد نصيحة من عضو محترم شاف انه من الامان ما تزودش عن 80 الى 100 فى العواصف واعتقد ده المفروض فى اى عربية لو بتخاف على نفسك حتى لو سايف دبابة

حضرتك لو قريت الموضوع
صاحبه بيقول

ولأن العربية وزنها بيخف مع زيادة السرعة (وهي خفيفة من الأساس علشان توفر بنزين) ... فعن تجربة مانصحش حد يزود عن سرعة 80 , ويتمسك بالدركسيون بشدة ويحافظ على اتجاهه وانه يفضل في حارته , العربية بتتأثر بشدة بسرعة الرياح

ده اعتراف منه أهو إنها خفيفة , أنا مجبتش حاجة من عندي

المشاركة الأصلية كتبت بواسطة Dr_MaTrix

وارجوك لو عاوز تقنعنا بحاجة هات دليل تانى مش تيجى تلم شوية مواضيع احنا حافظينها ومشاكلها اتحلت خلاص وتقول انا مش هتكلم

اقنعك بـإيه حضرتك ما هي باينة أهِه
أجيب إيه أكتر من شكاوي ملاكها نفسهم ؟؟!!!!!!!!!!!

إذا كنت مش مصدق اللي معاه العربية , هتصدقني انا !!!!!!!!!!!!

ده تقريبا فيه اجماع إن فيه مشكلة في منظومة الفرامل
(تيل بقى ولا طنابير ولا صاجة)

ده المنسق عندكم كان عامل موضوع بيشتكي من شكاوي الناس
و بيقولها إزاي تطالب بحقها في تغير الحاجات دي في الضمان

http://www.nilemotors.net/Nile/343585-a.html

http://www.nilemotors.net/Nile/344412-a.html

فيه دليل أكتر من كده !!!!!!!!!!!!!

وبرده صوت التزييق كذا واحد اشتكى منه

المشاركة الأصلية كتبت بواسطة Dr_MaTrix

وموضوع قطع الغيار ده كان فى اول شهور من نزول العربية وده الطبيعى علشان كانت جديدة والحمد لله العضو صاحب الموضوع لاقى قطع الغيار فى اوتو ايجيب بعد ما الصقور هنا ساعدوه ومشكلته اتحلت......اتمنى يا اخى اما تجيب عنوان موضوع يا تبص جواه فى اللمشاركات هتلاقى الحل او انها مشكلة فردية.

أنا عارف إيه اللي جوه كل موضوع بس واضح إنك إنت اللي مش عارف
وبالنسبة للموضوع بتاع أستاذ انس
ابقى اقرأ مشاركاتي فيه قبل ما تقول إني مش قاريه LOL

ولو حابب ابقى كلمه اسأله على محاولتي لمساعدته (على اد مقدرتي)
مش لازم أكتب أقول يعني

وادي موضوع أهو بتاريخ 25/3 ولسة قطع الغيار مش موجودة

http://www.nilemotors.net/Nile/34376...3-12000-a.html

اقرأ وشوف !!!!!!!!!!!

ولسة واحد من كام يوم بيشتكي إنه مش لاقي كرتيرة زيت لتيدا

http://www.nilemotors.net/Nile/346783-a.html

دي مشكلة في التوكيل و واضحة قوي لأي حد متابع القسم

تحياتي ليك

المشاركة الأصلية كتبت بواسطة mahmoud magdy

أنا مقدر وجهة نظر حضرتك لو انك متعود تركب عربيات معينه ومتقدرش تنزل عن مستوى معين وجربت تركب النيو صنى وعادى جدا ان حضرتك تلاقى كل العيوب دى لأن احنا فى المنتدى هنا اكيد بنهتم بالمشاكل والعيوب اكثر من اى شئ علشان نحاول نوجد حلول ولو وحد عنده مشكلة بيبقى متدايق جدا وممكن بيبقى غصب عنه بيكبر فيها وهو مش واخد باله وبيديها اكبر من حجمها ومنقدرش نلومه

لكن لو حضرتك بتحكم فقط نظريا من غير تجربة عملية لعربية ايا كان نوعها يبقى انت كده بتظلمها جامد اوى

شكرا لذوقك في الرد :)

بالنسبة لنقطة الحكم , أنا وضحتها في مشاركة سابقة

المشاركة الأصلية كتبت بواسطة Dr_MaTrix

الاخ ahmed adel اتأسف لحضرتك ان كان فى طريقة كلامى اى شىء ضايقك او وصلك فكرة اكيد انا مش قاصدها احنا هنا فى المنتدى الكلام مبنى على الاحترام............ وبالنسبة للموضوع ملاك كتير للصنى دخلوا قالوا رايهم وهوا ده اللى كنت بتكلم فيهم......ونتشرف دايما بزيارتك للقسم

شكرا لذوقك :)