هممم لو وكيل تاني خدها هاتشتغل حلو
رقم العضوية : 102079
تاريخ التسجيل : 04Jun2011
المشاركات : 1,222
النوع : ذكر
الاقامة : cairo
السيارة: NEW SUNNY2013
السيارة[2]: REGATA
دراجة بخارية: no
الحالة :
الصديق العزيز متوقعنيش فى الغلط ههههههههههههه كلهم فى قلبى الجين او البيرسونا والصنى طبعا
شوف البروتون ركوبة ألمانى 100% لكن يعيبها التوكيل فاشل لو العربيات دى خدمة مابعد البيع ذى النيسان كانت البروتون مبيعاتها ضربت الهيونداى والكيا لكن للأسف الوكيل مموت البروتون فى مصر حضرتك وأنت سايق الجين او البيرسونا ممكن تلاقى نفسك ماشى 180 وأنت مش حاسس ثبات رهيب كما لو كنت راكب جولف او بى ام الصنى مش محتاج أتكلم كتير عنها لكن للأمانة هى عربية فى المجمل كويسة فى مصر
رقم العضوية : 43360
تاريخ التسجيل : 11Jul2009
المشاركات : 1,495
النوع : ذكر
الاقامة : egypt cairo
السيارة: nissan sunny manual 2011
السيارة[2]: skoda felicia 1997
الحالة :
هممم لو وكيل تاني خدها هاتشتغل حلو
رقم العضوية : 13812
تاريخ التسجيل : 28Jun2008
المشاركات : 2,513
النوع : ذكر
الاقامة : Nasr City
السيارة: .
السيارة[2]: ,
الحالة :
و الله ده اللى قلته فى نص الموضوع بس لازم الناس تتعصب و يحصل مشاكل .. يلا حصل خير الحمد لله
و لنفترض يا باشا ان هو فعلا مش عجباه العربية و شايف انها مش صفقة رابحة و بيحاول يقول رأيه .. انا بصراحة شايف ان ردوده كلها ما هى الا عبارة عن مشاركات من مالكى العربية و اللى بيوضحوا عيوبها يعنى مش بيجيب عيوب من عنده او يفتى و يبتدى يتكلم فيها .. لا هو جايب الحاجة من قسمكوا فعلا .. و هو اكيد بيحاول يعمل كده عشان هو شايف من وجهة نظره ان هو كده بينصح الناس انها متجبش حاجة مش كويسة ( من وجهة نظره ) و هو ملوش اى مصلحة ان حد يشترى نيسان او لا لأن 90% اللى كان هيشترى صنى مش هيشترى ستروين مثلا بدالها و لو حضرتك نورتنا فى القسم عندنا هتلاقى ردود كتير جدا من احمد عادل بينتقد عز العرب بشدة جدا .. انا حاولت مدخلش فى الموضوع اوى عشان الحرج لأن احمد صاحبى بس فعلا انا شايف ان هجومه على العربية لا يستدعى ابدا ان حد يهاجمه شخصيا او يهاجم عربيته فى المقابل لأن الراجل مش بيفتى او مش بيجيب كلام من عنده
Livin' life in the fast lane
Movin' at the speed of life and I can't slow down
Only got a gallon in the gas tank
But I'm almost at the finish line, so I can't stop now
Vive La France
رقم العضوية : 37364
تاريخ التسجيل : 05Apr2009
المشاركات : 3,519
النوع : ذكر
الاقامة : HARAM
السيارة: VW passat B7 - Verna 1.6
السيارة[2]: BMW 335i - volvo s80
دراجة بخارية: non
الحالة :
أنا قريت الموضوع من أوله لآخره..وعندي كام إستفسار كده يا ريت أسمع إجابات عليهم
س1 :- هو للدرجة دي الناس مش طايقه بعضها ؟
س2 :- هو للدرجة دي الكره بين الناس لبعضها بقه بيزيد كل يوم عن اليوم اللي قبله ؟
س3 :- هو للدرجة دي عدم احترام الناس لبعضها بقه حاجة عادية وعلي المشاع ؟
س4 :- هو للدرجة دي عادي بقينا نشتم في عربيات الناس اللي طافحة الكوته عشان تركبها وبيقسطوا تمنها من تلت مرتبهم كل شهر ؟
س5 :- هو للدرجة دي بقا عادي في كل قسم في المنتدي خناقات تافهة من داخل وخارج كل قسم علي شوية صاج وكاوتش ونعيب بسببهم في بعض ؟
فعلاً...احنا عمرنا ما هيتصلح حالنا.طول ما احنا في النازل كده وبنهبط بسرعة البرق
رقم العضوية : 102079
تاريخ التسجيل : 04Jun2011
المشاركات : 1,222
النوع : ذكر
الاقامة : cairo
السيارة: NEW SUNNY2013
السيارة[2]: REGATA
دراجة بخارية: no
الحالة :
يا أستاذ مهاب عيوب العربية أحنا كلنا عارفينها كويس كملاك للسيارة وبنقول عيوبها وبنطرحها فى القسم محدش بيشترى عربية فى الزمن ده الا لما بيسأل كويس جدا عنها وبيعرف عيوبها قبل مميزاتها واحنا مش محتاجين حد مش مالك للسيارة ومن خارج قسم نيسان كمان يعرفنا بها ولما بيجى عضو جديد يٍسأل عنها بنعرف ننصحة ونقولة الحقيقة عشان دى أمانه ربنا هيحاسبنا عليها موضوع مشاركات الأستاذ أحمد عادل أهلا وسهلا بها فى أى وقت لكن الملاحظ انه دائما بيشارك لما يكون فيه مشكلة تخص الصنى الجديدة ويدخل يعيد ويزيد فى كلام احنا والله عارفينه مش محتاجين حد يقولنا عليه عشان ببساطة أحنا اللى قايلينة كأعضاء قسم نيسان !!!!
يعنى مثلا أحنا بنتكلم عن ضعف صاج الصنى وكلنا عارفين ده ووبندردش يدخل الأستاذ احمد عادل ويقول عربية هندى على مصرى على يابانى ولا تستحق علامة نيسان !!!! مال ده بالصاج ؟؟؟؟
وبعدين أحنا عارفين الكلام ده قبل منشترى العربية أصلا يعنى لا جديد يقال يا باشا
وبعدين أحنا لم نهاجم سيتروين أبدا على العكس هى من العربيات المحترمة جدا ولو توكيلها غير عز العرب هتكون من أنجح العربيات فى مصر بس الكلام جاب بعضة بين بعض الأعضاء وأستاذ أحمد عادل عموما يا أستاذ مهاب حضراتكم بتنورونا دائما وده مكانكم والمنتدى بالكامل ملك أعضاءه من جميع الأقسام ولك تحياتى وأحترامى وعلى فكرة انا من أول خمس اعضاء أمتلك النيو صنى فى المنتدى وأسف على الأطالة
رقم العضوية : 135785
تاريخ التسجيل : 28Feb2013
المشاركات : 382
النوع : ذكر
الاقامة : المنوفية
السيارة: Nissan Sunny super saloon 2013
السيارة[2]: 1963 VW Beetle
الحالة :
عشان تقيم العربية النيو صني قارن بينها وبين أي عربية تانية فيها نفس الأوبشنز اللي فيها
قارنوا بينها وبين الالنترا 2012 البيز لاين اللي دلوقتي وصلت ل 156 ألف .. مفيهاش ولا ايرباج واحدة ومفيهاش ebd وعفشتها انشف من الصني وصاجها ضعيف جدا وتصميمها يخلي أي حكة تحصل في الباب يبقى لازم يتغير عشان السوكة اللي فيه ولو أي رفرف اتحك يبقى وش الفانوس كمان طار كمان صالونها وشنطتها مش بوسع النيو صني وتقريبا نفس خامة المواد المصنوع منها التابلوه ..
يجي حد يقولي بس شكلها .. أقولك تمام والصني شكلها مش وحش خصوصا لو سوبر صالون لان الاسبويلر بيظبط شكلها جدا وأنا رأيي إن العربية من قدام شكلها جميل جدا .. السوكتين اللي في الكبوت جملوا شكله جدا
السؤال بقى لو أنا بختار ومعايا فلوس الالنترا .. اجيب صني مع العيوب اللي موجودة واللي التوكيل بيحلها في الضمان ولا اجيب الالنترا اللي بيبقى برضه فيها مشاكل .. أخويا معاه النترا و غير مساعد خلفي في أول 10000 كم ..
وعلى فكرة المشاكل دي كانت في الدفعات الأولى والمصنع حلها خلاص
يعني لو حد هيركب النترا كوري فيها نفس اوبشن الصني مش هيدفع اقل من 165 ألف ..
العربية دي فيها اوبشن موجودة في عربيات ب 150 و 160 ألف
العربية مناسبة جدا لسعرها وفي رأيي انها تستاهل اكتر من سعرها كمان ولو فعلا كانت متجمعة بره مصر حتى لو في الهند كانت هتكسر ال 160 ألف ..
بالنسبة لأداء العربية اللي الناس بتقول ان تسارعها ضعيف وثباتها خفيف .. اركب العربية واجري بيها وبعدين احكم .. انا بركب العربية وإذ فجأة ألاقي نفسي على 80 كم .. وأنا شخصيا وصلت بيها ل 180 كم وثباتها كان كويس لدرجة ان اللي كانوا راكبين معايا مخدوش بالهم أصلا اني كنت بجري وجايب السرعة دي وكمان الكاوتش الماكسيس لسه راكب فيها يعني لو عرضت شوية هتجيب ال 220 مستريحة لأن ال RPM كان بين ال 3500 وال 4000 لفة وأنا جايب 170 كم
قولولي بقى على عربية فيها الاوبشن دي وبالسعر ده
__________________
رقم العضوية : 131387
تاريخ التسجيل : 17Nov2012
المشاركات : 442
النوع : ذكر
الاقامة : CAIRO
السيارة: Daweoo Nubira2
السيارة[2]: Daweoo Nubbira 2
الحالة :
انا مش شايف اي سبب للخناق اصلا !
لا حول ولا قوة الا بالله
الطرفين غلطانين طرف بيحاول يثبت فشل الصني او بيبين عيوبها والله اعلم بنيته لو اني واثق ان نيته تحذير اي حد جديد انه يشتري العربيه بالعيوب دي كلها ويندم واستشهد بكلام من الاعضاء الكرام في القسم ومواضيعهم
ايه سبب ان واحد يرد عليه باستماته كأنه شغال ف شركة نيسان !!! والله يا اخي لو انت شغال ف الشركه ماكنت هتعمل كده ..حسستني بجد كأنها عيل من عيالك مفيش داعي لاختلاق المشاكل الاخ احمد نيته كانت خير عشان يوضح ويبين ويحذر الغير من شراء السياره وقال ع مميزاتها وعيوبها وانها ممتازه بالنسبه لسعرها وفئتها واخواتها الي ف فيهم نفس الاوبشنز لكنه غلط اما فضل يزود يزود ف الكلام
لكن مش شايف اي لزوم للهجوم عليه من الاخ الكريم بالطريقه دي !!!
حضرتك حسستني ان العربيه مصنوعه منتج وخامه مصري وان مصنع نيسان دا بيعمل دخل قومي لينا وانها اول عربيه مصريه فعلاً
عادي يعني مفهاش حاجه اي عربيه ف الدنيا اقل من ربع مليون اكيد فيها مشاكل ومش عيب اننا نعترف بيها
دي حديد يا بيه ماشي عالارض بالعكس من الواجب اما تكون حضرتك ذات نفسك من ملاكيها وشايف حد هيشتريها تقوله عيوبها كذا كذا كذا عشان يبقى كل واحد بيشتري حاجه وهو مدرك ايه عيبها بالظبط عشان ميرجعش يندم
وربنا يبارك لكل ملاكين النيسان صني ويخليهالهم ويباركلهم فيها
وياريت الخناااق ينتهي بقى احنا كبار ياجماعه مش كده
رقم العضوية : 73759
تاريخ التسجيل : 24Jun2010
المشاركات : 1,195
النوع : ذكر
الاقامة : sohag
السيارة: افرجها من عندك يارب
السيارة[2]: sahin
دراجة بخارية: لا
الحالة :
ياااااااااااااااااااااااا ااااااا ناااااااااااااااااااس حبو بعض
نيسااااااااان ايه وستروين ايييييييييييه
اللي مركبش شاهين مركبش عربيات ياخواننا وبلاش جدال معايا عشان لو جبت الناس اللي معاها شاهين في مصر مش هخلي بشر علي المنتدي هنا
[aldl]http://store2.up-00.com/Apr13/Z8L88453.jpg[/aldl]
رقم العضوية : 73500
تاريخ التسجيل : 21Jun2010
المشاركات : 144
النوع : ذكر
الاقامة : cairo
السيارة: Daewoo
السيارة[2]: Honda
دراجة بخارية: Brava
الحالة :
رقم العضوية : 137400
تاريخ التسجيل : 27Mar2013
المشاركات : 183
النوع : ذكر
الاقامة : مصر
السيارة: ربنا يبارك فى الأولى
السيارة[2]: c4 2007
الحالة :
يا جماعة أ/ احمد كان لسه المنتدى مكرمه علشان مساعدته للأعضاء وعضويته اتوقفت علشان سوء تفاهم كان ممكن يعدى ببساطة ويتحل بهدوء
يا ريت نطلب من الإدارة رجوعه بعد ما نسامح تقديرا لمساعدة الراجل لبقية الأعضاء
المفضلات