الموضوع: مشكلة في الفرامل ارجو المساعدة

عندي عربية 128 موديل 85
المشكلة ان العربية لما بكبس فرامل مفاجئ او بدوس جامد شوية بلاقي العربية بتحدف شمال
المهم رحت للميكانيكي قالي دة تيل راح مغير 2 امامي و 2 خلفي و ظبط الهوا و جبنا زيت فرامل كانت ازازة كدا معدن و شكلة نضيف اوي و كان غالي

المهم جربت الفرامل لقيها كويسة
دلوقتي جيت امبارح كدا لقيت العربيات و قفت فجاة دوست فرامل جامد شوية لقيها بتمسك بس العربية بتحدف شمال كدا
ما هي اسباب الحدفة دة مع العلم ان الزوايا متظبطة و العربية بتمشي زي المسطرة و مش بتحدف

هل دة عيب مواسير و لا ماستر عمومي انا شاكك فية فهل فعلا دة السبب

و لا من الطبيعي ان العربية بتحدف مع العلم انها بتحدف على السرعات اعلى من 60 او 80
انا بصراحة بقيت امشي على مهلى عشان خايف يطلع حاجة لاقي نفسي دخلت في اللي جنبي
و الحدفة دة حصلت كتير لأستثناك و جود زيت او رمل او اي حاجة على الطريق

و \الرجاء سرعة الرد

العيب بالشكل ده يدل على إن فيه عجلة مبتمسكش فرامل بالقوة ذاتها لبقية العجل ..
اكشف عن الفرامل من أولها لآخرها .. ويستحسن عند ميكانيكية متخصصة في الفرامل والدبرياج فقط ..
لأن هذا العيب ممكن يكون نتيجة تآكل التيل في عجلة بعينها ، وده بيرجع في العربيات القديمة لتغيير تيل الفرامل على مراحل .. لكن طالما غيرت التيل يستبعد هذا الاحتمال ..

ممكن يكون نتيجة انسداد خرطوم زيت الفرامل الموصل لعجلة بعينها والتي هي غالباً العجلة اليمين اللي ورا ..

تقبل خالص مودتي