صوت خشونه جامد

**Shiref_mohamed** · 10-08-2008 01:27 PM

عندى صوت خشونه جامد جاى من عند العجل الأمامي والعربية ماشية سواء كانت على وضع المور او واخده اى غيار وغيرت بلى العجل الأمامي وبرضه الصوت موجود ياريت لوحد صادفته المشكله ديه يفتينى عشان خلاص قربت اتجنن من كتر مانا ماشي ومركز مع الأصوات

**ahmedfra** · 10-08-2008 03:35 PM

ممكن يكون البلى الى ركبته نوعة وحش او مركبش على مكبس فبيبوظ بسرعة
انا شخصيا ركبت رومان بلى مرتين خلال شهر واحد

**KOLIU2002** · 10-08-2008 03:53 PM

بص يا معلم لو الصوت ده ميتتغير نبرته لما بتضغط على دواسه الدبرياج وانتا واقف يبى ده صوت بليه الفتيس بدون تردد

**Shiref_mohamed** · 10-08-2008 04:02 PM

لا يا جماعة الصوت موجود طول ما العربية ماشيه ومش صوت بلية الدبرياج ده صوت خشونه طالع من العجل والعربية ماشية بسرعة بس الغريب فعلا ان الصوت بيروح بعد 120 كم واول مالسرعة تنزل يبدأيذيد تاني وبيبقى فى اعلى حاجه على سرعة 70 كده والبلى راكب على مكبس والصنايعى الى مركبه استاذ ورئيس قسم والبلى ايطالى

**Adham** · 10-08-2008 04:11 PM

ممكن يكون الصاجه بتاعه التراب اللي ورا طنابير الفرامل بتحك في الطنبورة

خللي الميكانيكي يشوفها

**thegoodhacker** · 10-08-2008 05:03 PM

المشاركة الأصلية كتبت بواسطة Adham

ممكن يكون الصاجه بتاعه التراب اللي ورا طنابير الفرامل بتحك في الطنبورة

خللي الميكانيكي يشوفها

هل ممكن هذه الصاجة لما تحك في الطنبورة تعطي صوت صفارة زي صوت تيل الفرامل ؟ لاني عندي صوت صفارة ممكن اسمعها و العربية ماشية بدون ما ادوس فرامل و الغريب ان الصوت ده بيختفي لما اضغط فرامل

**Sherif Khalifa** · 10-08-2008 06:43 PM

الكشف على مشاكل البلى معروف
1-ارفع العربية من ناحية الصوت
2- ادى العربية حارة و دور المتور
3- و العجل يلف حط ايدك على اعلى السوستة و ودنك على صاج الرفرف
4- لو البلى سبب الصوت هتحس بالخشانة بايدك و هتسمع الصوت من الرفرف

لو فعلا بلى و انت لسة مغير
غيرة مرة تانية بش غير معاة الصرة
سعرها حوالى 60 جم

**Adham** · 10-08-2008 10:21 PM

المشاركة الأصلية كتبت بواسطة thegoodhacker

هل ممكن هذه الصاجة لما تحك في الطنبورة تعطي صوت صفارة زي صوت تيل الفرامل ؟ لاني عندي صوت صفارة ممكن اسمعها و العربية ماشية بدون ما ادوس فرامل و الغريب ان الصوت ده بيختفي لما اضغط فرامل

ماعتقدش بصراحه

كان دايما بعد اي شغل في العفشة في عربيتي الهوندا كانت الصاجه دي تعمل صوت احتكاك و خشانة كدة و كنت دايما ارجع للميكانيكي بعد مامشي بدقايق يعدلها و يضبطها هههههههههههههههه

اعتقد الصوت دة يا أما تيل الفرامل الامامي عندك وحش و عاوز يتغير, زي ما كان تيل الفرونتيرا الماليزي بيعمل و غيرتة بتيل تاني أمريكي بعد اقل من اسبوعين :(

يا أما عندك سستة من سست التيل بتاع الفرامل الورانية مفكوكة و دة برضة يعمل صفارة و تروح مع دوسة الفرامل

ودة العيب الارجح في رأيي و الله أعلم

**kemoelord** · 10-08-2008 11:35 PM

انا كمان بشتكي من صوووووت جنني شخصيا وهو صوت صفاره من العجل الامامي
وروحت غيرت التيل الفرامل وجيبت نوع مشهور جدا وهو " الجولد " الكوري المهم
الصوت اختفى لمده اسبوعين او اكتر شوي وبدا يرجع تاني ووبسمع بوضوح لما اضغط
ضغطه خفيفه على الفرامل صوت " صوصوه " فظيعه هل المشكله ي من ايه نفسي الاقي حل ليها

**badblood** · 11-08-2008 03:47 AM

انا نفس المشكله كانت بتحصل معايا على طول البلي اللي في السوق معظمة وحش وممكن كمان يكون الصوت مش من العجله اللي قدام ممكن تكون من العجله الخلفيه بس بعد جهد طويل لاقيت الحل والحمد لله نجح
الحل انك تغير البلي والسرة انا جبت البلي الياباني وده الحمد ماشي معايا زي الفل
وفي حل تاني لو انت مش لاقي البلي الياباني انك مقاس البلي الاصلي وتروح تجيب بلي skf فرنساوي من وسط البلد والنوع ده قعد معايا كتير لغايه مغيرته ولاقيت الياباني

الموضوع: صوت خشونه جامد

LinkBack

أدوات الموضوع

عرض

صوت خشونه جامد - انشر الموضوع فى :

-

-

-

-

-

-

-

المواضيع المتشابهه

صوت خشونه و احساس خشونه

افيش وتشبيه ....... جامد جامد جامد

خشونه في صوت العربيه

خشونه فى الدربوكس

خشونه في الأوبترا

الكلمات الدلالية لهذا الموضوع

المفضلات

المفضلات

ضوابط المشاركة