خشونه في الأوبترا

**tayson54** · 08-07-2008 09:50 AM

يا شباب عندي في العربيه (اوتوماتيك) لما بتكون السرعه 65 الي 70 (في مرحله النقل من التالت للرابع) بحس بخشونه في تدفق البنزين (ده مجرد تعبيري عن المشكله اللي حاسسها) بمعني ان الموتور بيكون ناعم بشكل طبيعي لكن في التوقيت ده بالذات بحس بدواسه البنزين تحت رجلي وهي شغاله والدركسيون بحس انه بيتهز هزات بسيطه لحد ما يطلع من السرعه التالته كله شئ بيظبط تاني ....
يا تري التصوير اللي بقوله ده ممكن اي حد يفهم منه ايه سبب المشكله ولا هي العربيه كده ولا ايه بالظبط ؟
انا بس عايز اعمل تصور للمشكله قبل ما اروح التوكيل علشان محدش يشتغلني هناك ويقولي الكلمه المعتاده في التوكيلات المصريه "ده طبيعي في العربيه"

**ahmedfd** · 08-07-2008 11:33 AM

السيارات الأوتوماتيك بيكون فيها كمبيوتر بياخد على كريقة سواقتك و يظبط نسب تغغير السرعات في الفتيس حسب سواقتك يعن لو سواقتك علطول هادية و نفس العربية مع واحد تاني سواقته علطول رياضية هتحس بفرق كبير في السواقة رغم إنها نفس موديل عربيتك (مش معنى كدة إن دي بتجري أكتر من دي لكن وقت النقل).. و حتى في الكتالوج عندي كاتبين إن العربية لو فصلت فيها كابل البطارية و ركبته تاني غالباً بيحصل Reset لظبطة الكمبيوتر و هتحس إن العربية نقلاتها غير طبيعية لفترة لحد ما الكمبيوتر يظبط نفسه تاني.
أعتقد في رأيي الشخصي ممكن إن سواقتك تكون من النوع الهادي و رجلك خفيفة على البنزين (زيي كدة) و بالتالي في نسبة معينة مثلاً الفتيس بينقل فيها بسرعة شوية قبل العربية ما تخد سرعة كافية يعني زي متقول كدة أمنها هتكرر في العربية المانيوال فبتحصل الرجرجة دي...
جرب لما يحصل كدة إعمل كيك داون أعتقد هتلاقي الرجة دي راحت أو جرب تكبس شوية على البنزين و إنت ماشي علشان العربية تطول شوية في النقلات و شوف.
آسف على الإطالة.

**tayson54** · 08-07-2008 11:47 AM

فعلا يا احمد انا سواقتي هاديه جدا واخر مزاج يعني ممكن تنام وانت قاعد جنبي وفعلا لما بكبس علي العربيه مبيكنش فيه المشكله دي يعني بتنقل من غير ما يحصل الوصف اللي انا قلته ده ...لكن المشكله ان مكنش فيها اللي بيحصل دي اول 4000 كيلو وده ظهر بعد كده ...لكن دي طبيعه سواقتي بقالي 12 سنه اني بحب العربيه تاخد وضعها الطبيعي في النقل يعني مثلا انا طول اليوم عمري مابجيب rpm 3000 الا نادر جدا لكن وانا مسافر ممكن اجيب شويه 3000 و4000 علشان العربيه تتعود علي كل السرعات ...
في رأيي الشخصي اني مش لازم اكبس علي العربيه دايما علشان تظبط النقل ...انا متصور ان فيه مشكله تانيه

**osman hisham** · 08-07-2008 02:00 PM

ممكن تروح التوكيل فى الهرم يكشفوا على السوفت وير بتاع الفتيس و لو فيه مشكله بينزلوه تانى على طول
هشام عثمان

**tayson54** · 08-07-2008 02:10 PM

يا ريت يا شباب لو حد عنده اي معلومه يرد لان الموضوع ده قرفني اوي

**tayson54** · 09-07-2008 04:22 PM

اكيد هروح انا بس بحاول اجمع افكار حوالين مكان المشكله علشان محدش يضحك عليه في التوكيل....
ممكن دي تكون مشكله في علبه الدركسيون لان الدركسيون بيتهز بشكل محسوس ؟