معلومات الوحوش ايه عن الفتيس الxtronic cvt؟

**Hany Saad** · 13-04-2013 10:44 AM

طبعا زى ما حضراتكم عارفين أن الفلوانس الجديده نازله بفتيس جديد XTRONIC CVT و طبعا ده نظام مختلف تماماً عن الأوتوماتيك العادى.....النقلات فيه ملهاش عدد محدد لانه عباره عن ٢ طاره متصلين بسير معدن و شكلهم من الداخل حرف V و السير بيتحرك عليهم نزولا و صعودا.
نيسان من أوائل الشركات اللى استخدمته فى سياراتها

مميزاته:
سلاسه رهيبة فى النقل و لا كان العربية بتنقل.....لا يوجد إحساس بالغيار نهائى
اقتصاديه عاليه فى استهلاك الوقود
أقصى عزم للموتور متاح عند كافه السرعات
تسارع عالى للسيارة
مفيش الdown shifting اللى كانت بتعمله الميجان لما كنا ندوس فرامل علشان تساعد فى الفرمله

عيوبه
عدم الإحساس بالغيار يفقد متعه السواقة بالنسبة للسواق المحترف أو المحب للشد
صوت مختلف/عالى من الفتيس
لا قيمه للrpm لمعرفه تغيير الغيار
إحساس مختلف عن سواقه الأوتوماتيك

يا ريت اللى ساق فتيس النيسان قبل كده يقولى ايه الأخبار و إحساسه

الفتيس نازل فى الجوك و المورانو و الالتيما و الفيرسا و كتير من سيارات نيسان الحالية

**ahmadm** · 13-04-2013 11:48 AM

السلام عليكم
انا سوقت القشقاى كتير مع واحد صاحبي و الفتيس يجيب شلل فى الزحمة و التسارع زى الزفت و دية وجهة نظرى من خلال سواقتى للعربية و بجد نفسى حد يكون جاب الفلوانس ب الفتيس دة عشان نعرف الاخبار اية عشان انا عايز اجيبها و مستنى اخبار الفتيس من الملاك

**Amr_Moh** · 13-04-2013 01:05 PM

أتوقع تحسن ملحوظ في أدائه علي الفلونس عن القشقاي بسبب اختلاف ارتفاع الكوتش بالجنط ( القطر الإجمالي للفرده)
فيتحسن عزم الدوران لنفس المحرك و الفتيس

**وائل الجندي** · 13-04-2013 01:59 PM

انا معايا الفلوانس الخليجي وهو نازل فيها من من اول منزلت هنا والفتيس لا يجيب شلل ولا حاجة هو فعلا اقل استجابة مثلا من سيارتي القديمة الجولف لكن مش للدرجة الي ضايق يعني اقل استجابة بحاجة لا تذكر وكمان لما بتدوس شوية بتكون الاستجابة سريعة بس انا نظام سواقتي مش بدوس جامد يعني بسيب الغيار براحته

**Hany Saad** · 13-04-2013 02:20 PM

المشاركة الأصلية كتبت بواسطة وائل الجندي

انا معايا الفلوانس الخليجي وهو نازل فيها من من اول منزلت هنا والفتيس لا يجيب شلل ولا حاجة هو فعلا اقل استجابة مثلا من سيارتي القديمة الجولف لكن مش للدرجة الي ضايق يعني اقل استجابة بحاجة لا تذكر وكمان لما بتدوس شوية بتكون الاستجابة سريعة بس انا نظام سواقتي مش بدوس جامد يعني بسيب الغيار براحته

سؤال معلش....هل فى أى صوت يصدر من هذا الفتيس....يعنى و انت قافل الزجاح بيكون فيه صوت مش مستحب/غريب داخل السيارة و لا زى العربيات اليابانى مش بتسمع صوت المكنه خالص؟

**horas3000** · 13-04-2013 04:26 PM

انا في مجربه في اللانسر و المورانو
و مفيش كلام يتقال بعد اللي انت كتبته بالفعل
لكن التسارع بتاعه اقل من الاوتو العادي عند التحرك لكن بعد الانطلاق بيبقي عادي

و شخصيا محبتوش و بيسبب ليا احساس بالملل

**ahmadm** · 13-04-2013 07:04 PM

المشاركة الأصلية كتبت بواسطة horas3000

انا في مجربه في اللانسر و المورانو
و مفيش كلام يتقال بعد اللي انت كتبته بالفعل
لكن التسارع بتاعه اقل من الاوتو العادي عند التحرك لكن بعد الانطلاق بيبقي عادي

و شخصيا محبتوش و بيسبب ليا احساس بالملل

وللأسف انا عشان الملل الى حضرتك بتقول علية دة بكل اسف بفكر فى السيراتو هاى لاين

-

-

الموضوع: معلومات الوحوش ايه عن الفتيس الxtronic cvt؟

LinkBack

أدوات الموضوع

عرض

معلومات الوحوش ايه عن الفتيس الxtronic cvt؟ - انشر الموضوع فى :

-

-

-

-

-

المواضيع المتشابهه

استفسار مهم من الوحوش عن صوت نقل الفتيس سيفيك 2008

عايز أشترى مازدا 3 ومحتاج شوية معلومات عنها ومحتاج مساعدة الوحوش

ما هى معلومات الوحوش عن مسوجر غطاء تانك البنزين؟!

عربية من 8 الى 12 الف ايه راى الوحوش

بمناسبه بدايه الدورى الوحوش ايه؟

الكلمات الدلالية لهذا الموضوع

المفضلات

المفضلات

ضوابط المشاركة