الموضوع: بعد اذن الأخ "شاهين-بنز" _ ده موضوع مؤكد لأسعار ومواصفات الأوكتافيا الجديدة من أرتوك

المشاركة الأصلية كتبت بواسطة inspiron

يا فندم مقاييس برة غير هنا خالص :) هناك مصطلح الإستغلال والسرقة ده تقريباً مش موجود عندهم في العربيات
يعني الزيادة 400 و 500 يورو دي من وجهة نظرهم عشان تطور الموديل.مش بيمشوا بمبدأ عايز تركب دي ادفع..هما حاسبين تكاليفهم اللي تديهم الفرق ده في التمن.

أما بالنسبة لهنا فمفيش أوجه تشابه بين الموديل الجديد والفانتازيا.وتعتبر في السوق المصري بالذات نقلة السنيييييين للعربية دي.

وجهة نظري بالسعر ده علي الكماليات الخارقة دي من تجهيزات أمان بالذات + مقارنتها بالعربيات التانية اللي بيستهبلوا فعلاً في سعرها + ظروف سعر الدولار في مصر.أعتقد ان السعر مناسب للعوامل دي علي عربية زي دي

تقبل تحياتي يا كبير :)

اولا اسمحلي اشكر حضرتك علي الرد والتفاعل

ثانيا انا جبت اسعار العربية دي في اوروبا

اولا انجلترا



Hatchback 1.2 TSI S 5dr £15,990
chback 1.2 TSI SE 5dr £17,190
Hatchback 1.6 TDI S 5dr £18,040
Hatchback 1.4 TSI SE 5dr £18,390
Hatchback 1.6 TDI SE 5dr £19,240
Hatchback 2.0 TDI SE 5dr £20,140
Hatchback 1.4 TSI Elegance 5dr £20,240
Hatchback 1.6 TDI Elegance 5dr £21,090
Hatchback 2.0 TDI Elegance 5dr £21,990

يعني العربية اللي حتنزل مصر 1.4 حيكون سعرها بين 18 و 20 الف استرليني

ملحوظة مهمة
السعر ده داخل فيه ما يلي
19% ضرائب
7% ارباح الوكيل
7% ارباح تجارة التجزئة بمجموع 33%
يعني سعرها الاساسي بين 12 و 14 الف تجاري تسليم وكيل
والعربية لما تنزل مصر بيتحط عليها جمارك وضرائب وخلافة بنفس مبلغ الخصم تقريباً
واي حد متابع يعرف ان سعر سكودا كان في اوروبا زي مصر بالضبط لان اللي بيتشال عند التصدير بيرجع يتحط جمارك

وبالتالي
الهايلاين مينفعش يعرها يعدي 240 الف اي مبلغ زيادة يبقي غير مبرر
وبعيدا عن ان العربية امكانيات وامان وفخامة وكل الكلام الجميل ده احنا بنتكلم عن السعر العادل ومينفعش انا في مصر اشتري عربية بمرة ونص تمنها في اوروبا ولا حتي مرة وربع تمنها

وحكاية ان الكوري غالي والكلام ده مش مبرر ابداً ابدا
وعلي العموم ده راي شخصي واللي يحب يشتري ب 300 الف يتفضل وربنا يباركله ويبارك عليه ويرزقه الخير
انما اننا نعترف بان سعر 290 الف سعر عادل ده لا يمكن ابدا ابدا
وتشجيع للتجار الجشعين

ومتنسوش انهم بقروا اللي احنا بنكتبه


شكرا مرة ثانية


تقبل تحياتي