الموضوع: التقييم المبدئى لاداء السيارة الهيونداى ix35 موديل 2013 (تجهيزات الفئة الثانية)

المشاركة الأصلية كتبت بواسطة Mohyeldin1974

الف مبروك يا باشا وربنا يكفيك شر ها
انت عارف ان العربيه فى دماغى من فتره
اهم حاجه عايز اتأكدمنها هو موضوع البنوين 92 هل موجود فى المانيوال بتاع العربيه ولا ده اجتهاد من الوكيل
ايه رايك فى فروقات الاوبشنز بين الفئه الاولى والتانيه والتانيه والثالثه
لانى حاسس ان الفروق بين اقل فئه وتانى فئه فروق مش حيويه اوى زى الفرش القماش والمرايات الضم والتكييف المانيوال وتفيم الزجاج الخلفى هل فى رايك يستاهلوا 15 الف فرق
انا بالنسبالى اهم فرق هو esp اللى موجود فى اعلى فئه ، انت شايف اخبار الثبات ايه بما ان العربيه عاليه

انا دورت فى المانيوال بتاع العربية، كل المكتوب عن موضوع البنزين أن هيونداى توصى باستخدام بنزين عالى الجودة يتوافق مع معايير الوقود الاوربية (en228) او مايكافئها.
وبالنسبة الى العملاء الذين لا يستخدمون البنزين عالى الجودة توصى الشركة باستخدام اضافات الوقود الى خزان الوقود كل 15000كم - معلش موش قادر افيدك اكتر من كدة، بس انا حاطط 92 وموش حاسس بمشاكل حتى الان.

بالنسبة لفروق الاوبشنز خاصة بين اول فئة وتانى فئة ، تفرق كتير، ولو ركبت العربيين هتحس بفرق واضع فى صالون العربيتين، وتجهيزاتها (حوالى18 اوبش زيادة) وابش واضح، مبدئياً الشماسة الخلفية للشنطة والسنسور واشارات المرايا والضم،،،،،،،،،،،،،
ودى عن تجربة فعلية تستهال ال15 الف فرق.

بالنسبة للفرق مع الفئة الهاى لاين(7 ابشن زيادة) موش واضحة الا فى السقف البانوراما والبلوتوث والفرش (موش قوى)،،،،، ودى لان الابش اغلبة فى الميكانيكا.

بس برضة لو كنت وانا بشترى كان الفرق وقتها 15 الف جم بين الثانية و الهاى لاين كنت فكرت فى الهاى لاين، بس وانا بشترى كان الفرق 30 الف جم.