الموضوع: jتنك بنزين بولو 2000

المشاركة الأصلية كتبت بواسطة ehab_mansour

السلام عليكم محمد بيك اتمني تكون بخير و اسمع صوتك قريبا

تانك عربياتنا هو 45 لتر بالضبط + حوالي 8 لتر تانك احتياطي + الزور بتاع التانك و ده ممكن يقرب من 5 الي 6 لتر و انا واثق من كلامي يعني في الأخر = 58 الي 59 لتر يزيد او ينقص قليللا
بيصدف معايا اني ادخل امون مباشرة لحظة ما تنور لمبة البنزين او لحظة ما هتنور (و دي بعرفها بالخبرة مع حركة المؤشر ) يعني مازال عندي بنزين احتياطي و مرة مشيت و هي منورة حوالي 90 كيلومتر و موقفتش و لكن ساعتها كنت اضطريت و بدور علي بنزين و مش لاقي و مسافر و فضلت ماشي سرعة ثابتة 90 الي 100 دون ضغط علي الموتور و وصلت بنزينة بعد 90 كيلو بعد ما نورت و مونت من غير ما يخلص البنزين ... المهم بمون لحظة ما هتنور و بحط من 50 الي 53 لتر علي حسب دقة اللي بيمون و صبره علي ملأ تانك الاحتياطي و الزور

نيجي نحسب اللي حضرتك قلته هتلاقيك العربية بطلت و جبت 8 لتر و حطيتهم اتسحب منهم حوالي 2 لتر في الخراطيم و الفلتر و استهلاك لحد ما رحت مونت يتفضل 6 لتر تقريبا و تضيف عليهم 52 يبقي زي ما بيحصل معايا بالضبط
و اللي حابب اجيبله شيت عربيتي و مدون فيه تفويلة بتفويلة اجيبهوله و مكتوب فيها كام لتر و بكام

ياسلام يا باشمهندس كلامك دائما مرتب ومنسق ودقيق ربنا يجعله في ميزان حسناتك ويجعلنا نتعلم منك