العربية بتبطل بعد ماادورها على طول

**mytasmeem** · 15-04-2013 10:28 AM

السلام عليكم
تحية طيبة لكم
اولا انا دورت على المنتدى على مشكلتى قبل مااكتب الموضوع عشان محدش يقولى اعمل بحث بس ملاقتش حاجة بنفس مشكلتى ..
----
منتدى رائع ومفيد جدا وخصوصا للاناس الى زى مش بتفهم حاجة غير انها تدور العربية وتمشى وخلاص وجزاكم الله خير
-----
عربيتى \
نوبيرا 2007
مانيول
مفيش اى لمبات كانت منورة وهى شغاله يعنى كله طبيعى
التانك ثلثة مليان وبحط على طول 92 ومن بنزينة متعود عليها ومفول من كام يوم
-------
مشكلتى كالتالى /
انا لحد امبارح بلليل العربية كانت تمام الحمد لله وركنها زى الفل .
الصبح وانا رايح الشغل جيت ادورها دارت ومفيش ثانية راحت مبطلة \ بعدين دورتها تانى مردتش تدور\ فتحت الكبوت وشيكت على كل السلوك الى انا قادر اوصلها بايدى \ دورت دارت وبعدين بطلت \ وهكذا وفى مرة دورت دارت جريت على الواير الى فى الكبوت شديدة الى هو بتاع البنزين وكنت بشدة عشان مطبتطلش وطول ماانا شدة مبطلتش بس برضة شويةكدها وانا بشدة وبرخى بشد وبرخى بطلت .(( انا اقصد بالوير دا الى هو بيقوم بمقام الدواسة انا بصراحة معرفش اسمة اية بس اما بتشدة اكنك بتدوس بنزين ) . طبعا قفلت العربية وروحت مواصلات .
انا طالب نصيحتكم اعمل اية واية الى كان لازم اعملة

**mytasmeem** · 15-04-2013 01:38 PM

يارب حد يرد عليا

**buddha** · 15-04-2013 01:44 PM

ممكن يكون فلتر البنزين مسدود ومحتاج تغيير
او ممكن تكون طرمبة البنزين

**mado83** · 15-04-2013 01:46 PM

غالبا فلتر

**ramyayash** · 15-04-2013 08:04 PM

شوف دورة الوقود فلتر وبخاخات وبوابة .. في حاجة مسدودة

**mytasmeem** · 15-04-2013 11:56 PM

جزاكم الله خيرا
انا رحت لمكانيكى وغيرلى الاتى
فلتر البنزين , فلتر الهوا , وبالمرة خد البوجيهات
بس فى حاجة غريبة اما دورت العربية rpm كان بين واحد واتنين وصوت العريبة كان عالى سالت المكانيكى وقولتله هى مكنتش ككدا لان فعلا المؤشر rpm مع تشغيل العربية كان بيكون على 0 قلى عشان كانت مكتومة بس انا مش مقتنع بكلامة ... انا خايف دا يخلى العربية تامل بنزين و تسخن

مستنى رايكم

**ramyayash** · 16-04-2013 08:27 AM

عندي نفس مشكلتك.. حاول تنزل السلانسيه شوية لحد ما تضبط.. او اعمل ايدل ليرن الاول لو ما ضبطتش اضبط السلانسيه

**houras1010** · 16-04-2013 06:40 PM

الحاجه الجديده تحسن اداء العربيه مش العكس كلام الميكانيكى صح

**engmiro_1985** · 25-04-2013 12:04 PM

يا باشا كلام الميكانيكى صح المانيفولد والحساسات كانوا مش نضاف وهو نضفهم واى عربية سليمة لما تيجى تدورها لازم الار بى ام يكون عالى وبعدين ينزل بالتدريج لما العربية تسخن فالميكانيكى ده عملك الصح