الموضوع: حصرياً المواصفات الفنية للأوكتافيا الجديدة من أرتوك ( أعلي فئة )

المشاركة الأصلية كتبت بواسطة mo7a_mo7a

مش قصة انتشار سيادتك
انما قصة حصة سوقية من الشريحة السعرية
يعني سابقا في شريحة 150-200 الف كانت سكودا اكتافيا بتبيع كام %؟ والشريحة دي نفسها اكبر شريحة في السوق

تعالي بقي نطلع فوق درجة 250-300 تبقي منافسة اكبر اختيارات اكتر وكمان شريحة اقل كعدد مبيعات وهوب بقيت مع بي ام ومرسيدس


انا لو مكان الوكيل وكنت ببعلي مثلا 20 الف عربية كل سنة وبكسب في كل واحدة 10 الاف يبقي 20 مليون ارباح دلوقتي بقي وبالاسعار دي حبيع كام؟ 5000 او 6000 عربية ؟؟ يبقي ده اسمه فشل لان بقي معاك عربية احسن متطورة اكتر وبنفس السعر مزادتش غير 500 يورو المفروض تبيع اكتر مش تنزل لتحت

احنا متفقين لكن كل واحد بيشوفها من زاوية معينة


تقبل تحياتي

عندي ملحوظه الاول. متهيألي الفئه الاكتر انتشارا سعريا هيه 100-150 مش 150-200 ده لو اتكلمنا على الاسعار القديمه للسيراتو والالنترا ومتهيألي دول أكتر عربيات منتشره في الفئه السعريه دي.

الله أعلم التوكيل حاسبها ازاي بس خد بالك انه دخل الرابيد عشان تاخد مكان الفانتازيا (سعريا) والاوكتافيا طلعت تنافس في فئه أعلى فأعتقد كده لما تجمع حصته السوقيه من العربيتين ممكن ميكونش خسر كتير. ده تخمين من عندي بس أرجع وأقولك تاني الله أعلم هما حاسبينا ازاي بس اكيد حسبوها كويس عشان هما معاهم عربيه ليها سمعه كويسه في السوق والا يبقو بيضربو نفسهم بالنار.