مشكلة غريبة في الريداتير

**ramyayash** · 16-04-2013 07:05 PM

ازيكم يا شباب
انا معايا جالنت 2002 في السعودية
الجو لسه ما بقاش حار وكان عندي خرم في الريداتير ولحمته وضبطت الدنيا
الغريب اني الصبح لما بفحص المياه واجي افتح غطا الريداتير بلاقي ضغط ميه بتنطر بره..
رغم ان الميه بتطلع باردة عادي..
ومفيش نقص
ايه المشكلة دي بقي؟

**houras1010** · 16-04-2013 08:13 PM

معناها دوره التبريد محكومه ودى حاجه جيده بس خلى فنى يسحب الهوا من دوره التبريد

**ramyayash** · 16-04-2013 08:57 PM

ربنا يطمنك يا باشا انا بعد ما ضبطت دورة التبريد ولقيت كده اتعكننت وفكرت في مشكلة في الموتور.. خصوصا ان الراجل بيقولي فقاقيع الماء داخل فتحة الريداتير تدل ان راس الموتور عايز يتخرط.. سؤال اخير ازاي بيتسحب الهواء من دورة التبريد؟

**houras1010** · 16-04-2013 10:21 PM

يعمله متخصص فى موديل العربيه عشان كل عربيه وليها طريقه عشان وش السلندر ميضربش

**houras1010** · 16-04-2013 10:24 PM

الفقاقيع مش لازم تكون بسبب عيب فى وش السلندر عشان كده لازم اللى يعملها يكون متخصص فى الموديل احسن ما الوضع يبقى سيئ

**ramyayash** · 17-04-2013 08:25 AM

هو وجود الفقاقيع حاليا ممكن يضر مع الوقت؟؟

**houras1010** · 17-04-2013 07:14 PM

الفقاقيع لو هوا جوا دوره التبريد العربيه هتسخن وممكن فى وقت الميه متتقلبش وعشان تطمن ان وش السندر سليم

**ramyayash** · 17-04-2013 08:24 PM

انا مش خايف الا علي وش السلندر رغم ان مفيش حرارة الا اني شايف المياه رغم اني غاسل الريداتير فيها شوائب بيضا خايف تكون بداية دخول زيت من الموتور..

**ramyayash** · 17-04-2013 08:26 PM

والميكانيكي لما شافها قالي طالما مفيش مشاكل كمل عليها ولو حصل ورفعت حرارة او طلع دخان او اي مشكلة بسيطة نشتري طقم جوانات والمخرطة تمسح السلندر وتتضبط

**ramyayash** · 17-04-2013 08:30 PM

لما بفتح غطا الريداتير بيطرش ميه باردة برة والاقي بقيت الماء زي ما بيكون بينزل في الريداتير بيقفل فراغ هوا.. ولما بزود العربية ما بزودش ربع كباية او نص كباية.. مش عارف الموضوع ده ممكن يكون له علاقة بلحام الريداتير؟؟؟