بالله عليكم ساعدونى ضرورى

**M.Elgergawy** · 17-04-2013 11:10 PM

المشاركة الأصلية كتبت بواسطة ahmed metwaly

يا باشا حضرتك تجيب بالمبلغ دا عربيه محترمه
اللانسر عربيه محترمه بس اصحابها وخدين مقلب فيها شوية وزيها زي التويوتا

معلش يا باشا اشرحلي الجمله دي تقصد بيها ايه ؟ ويعني ايه محترمة واخدين فيها مقلب

**M.Elgergawy** · 17-04-2013 11:19 PM

المشاركة الأصلية كتبت بواسطة ابوالقاسم احمد

باشترى فى سيارة لانسر كرستالة 98 اوتوماتيك glx 1300 سى سى فبريقة من الداخل رشة برة نضافة ما عدا السقف اساسيات سليمة بطارية جديد كاوتش جيد تكييف محتاج شحن صالون بحالة جيدة جدا موتور جيد بنسبة 70 لون رصاصى جميل عاملة 167 الف كم صاحبها طالب 49 الف ممكن تخلص 47 الف ا ية رايكم فى السعر وفى السيارة وكمان فى 1300 سى سى اوتو لان فى ناس خوفتنى من الفتيس الاوتو ومشاكلة لانى من محافظة الفيوم ولايوجد لة صيانة بالفيوم الرجاء المساعدة ضرورى لانى باشترى فى السيارة

العربية بالمواصفات دي سعرها كويس جدا بالنسبة لاسعار المستعمل حاليا والناس اللى داخله تقول غالية وكتير مش عارف بيقولوا على اي اساس ومحدش فيهم معاه كريستالة ولا يعرف سعرها كام بس حضرتك تتاكد من موضوع التكييف ده عن طريق تشغيله وتلاحظ ان الكباس شغال دي اهم حاجة وبيفصل وبيشتغل وبعد كده كل حاجة تانية سهلة ومقدور عليها وبالنسبه للفتيس محدش اشتكى منه ابدا فتيس الكريستالة الاوتو ماشاء الله معمر طول ما الصيانة فيه وتغيير الزيت والفلتر بس السحب مش هيكون اد كده وخصوصا مع التكييف

**ابوالقاسم احمد** · 17-04-2013 11:50 PM

شكرا استاذ جرجاوى وبارك الله فيك وزادك من فضلة وانا شاء الله بكرة هشوف السيارة وارفعها فى بنزينة واتاكد من كل الملاحظات السابقة

**د.أبونضال** · 18-04-2013 04:04 AM

طبعا الفتيس لا يوجد منه جديد وهناك فقط استعمال الخارج أو الخلع من مواتير قديمة ويتراوح سعر الفتيس كاملا من 900 جنيه إلى 1200 جنيه

**MITSUKERO** · 18-04-2013 10:09 AM

المشاركة الأصلية كتبت بواسطة ابوالقاسم احمد

الف الف شكر لكم جميعا على المجهود والمشاركة الفعالة ....................................وجارى تنفيذ كل ارائكم ولى سؤال اخر هلى الفتيس الاوتو عملى يعنى اداءة جيد ولا مش كويس وهل صيانة سهلة ولا صعبة وثمن الجديد كام لسيارة 98 كريستالة

الفتيس الاوتو بتاع الكريستاله ممتاز و معمر جدا و لو باظ بيتصلح

**ابوالقاسم احمد** · 18-04-2013 10:10 AM

شكرا دكتور |ابو نضال وجزاك الله كل خير وفعلنا منتدى رائع واعضاء اروع

**د.أبونضال** · 18-04-2013 02:00 PM

المشاركة الأصلية كتبت بواسطة mitsukero

الفتيس الاوتو بتاع الكريستاله ممتاز و معمر جدا و لو باظ بيتصلح

ده كلام سليم ..الفتيس بتاعي باظ من شهرين ثلاثة كده فجأة لقيته ما بيحركش العربية خالص وكأن الغيارات كلها n فشديت العربية للعفشجي وكانت المشكلة في قطعة اسمها "قربة الفتيس" وهي تقابل الديسك والاسطوانة والبلية في الفتيس اليدوي عمرها الافتراضي انتهى والمشرشر بتاعها أصبح ناعم فاشتريتها استيراد وطبعا مع حل الفتيس تم تغيير القواعد والجلب التالفة والحمد لله العربية اتصلحت في نفس اليوم ودي ميزة كبيرة جدا في العربية دي إن ما شاء الله قطع غيارها متوفرة في كل مكان.

**ابوالقاسم احمد** · 18-04-2013 05:07 PM

انا عاجز عن شكركم وبارك الله فيكم جميعا وللاسف رفعت السيارة اليوم مع ميكانيكى واكتشفنا ان العفشة مهلوكة ومحتاج تغيير كامل وايضا كباس التكييف بايظ لذا قررت عدم الشراء .................... وهذا للعلم شكر.......................على مشاركاتكم