تجربتي مع الفاميه.... للإفادة

**shaddadfalcon1** · 19-04-2013 01:15 AM

المشاركة الأصلية كتبت بواسطة mohab.nabil

بلد كل حاجة فيها غلط

الفاميه بيترخص برة عادى .. اكيد مش احنا البلد الوحيد اللى اكتشفنا الاكتشاف العظيم انه غلط ..

و الادهى ان عربيات بتترخص فاميه عادى عشان نازلة بيه يعنى لو حاجة غلط انا اعرف ان مينفعش تترخص بيها .. يعنى حاجة ممنوعة و بتتكتب على الرخصة عادى صباح الضحك

و بعدين اللى يضحك اكتر و يحزن ان معظم الكماين اللى واقفة تلم فلوس من الملاكى ( ستيكرات و فاميه ) تلاقى الظابط راكن عربيته على جمب متفيمة الترا دارك كلها و شايل النمر .. و اللى مش مصدق يعدى على قسم الطالبية فى الهرم و يشوف عربيات الظباط اللى راكنه قدام القسم عاملة ازاى ..

و على رأى الاستاذ f3lix خليهم يمشوا الطريق الاول و يلموا بتوع الميكروباصات و التكاتك و النقل اللى مطلعين عنينا فى كل حتة و موقفين كل الطرق .. دا انا لسه شايف توكتوك بيتمشى فى ميدان الجيزة .. غير التكاتك اللى بقت محتلة نص شارع الهرم مواقف و قدام الشرطة عادى و لا واحد منهم بيتكلم .. ليه بقى ؟ لأنه عارف ان بتوع التكاتك و الميكروباصات هيدوهم بالجزمة لو كلموهم .. انما واحد محترم و مركب فاميه او استيكرات لا يلا نتسلى عليه و نلم السبوبة

اللي بيترخض في مصر وفي كل حته اللي هو بيبقي خفيف ومن بعيد متشوفش اللي جوه العربيه بس لو قريبت قوي بتشوف وغير كده برده بيبقي نظيف وفابريكه وبيحمي من الشمس

لكن الي بيحصل دلوقتي بتلاقي الشاب لازق علي العربيه كلها اسود في اسود ومتبقاش عارف اللي بيحصل ايه

**Dr'AhmZZong** · 19-04-2013 02:07 AM

هو ده أغمق حاجة ؟؟

و بكام لو سمحت ؟؟

**p r i n c e** · 19-04-2013 02:54 AM

لا مش اغمق حاجة
بس درجة غامقة جدا
و التكلفة ب 60 جنيه ( الأربع أبواب و الزجاج الخلفي و شمسية ف الزجاج الامامي )
عملهولي واحد معرفة شغال ف مكان عالي جدا بس هوا معرفة و جالي عملهولي تحت بيتي بعد ما خلص شغل
هوا بيعملو ف المحل عنده ب 80

**p r i n c e** · 19-04-2013 02:57 AM

المشاركة الأصلية كتبت بواسطة ahmed air

ديما اشوف المنظر ده او تلاقى بنات الظاهر الشيطان بيجى عن طريق الفاميه :f_eyeb1[1]:

يا باشا قلتها و هعيدها تاني، كل حاجة ليها استخدام مفيد و استخدام سيئ
حضرتك إقرا التوبيك كله هتعرف انا ركبت فاميه ليه

**wawamoha** · 19-04-2013 03:22 AM

انا يا شباب هاقول رايي ولو حد هايزعل فانا بعتذره مسبقا لاني لا اقصد اي احد بشخصه
الفرق يا جماعه بين اي ناس متحضره وناس همج اي شعوب يعني هو احترام القانون
حتى القانون لو مش عاجبك او مشفاهمه فده مش مبرر انك تكسره والا نظرا لاختلاف العقليات
واختلاف الدرجات العلميه ومستو ى الثقافي هاتلاقي القانون بقى مهلهل
علشان الناس اللي في الحته دي مش فاهمه كده حقهم بقى
النقطه التانيه المهمه ان المستوى الثقافي لكاسري القانون مرتفع ودي كارثه في حد ذاتها
طبيعي ان سائق التوكتوك يكون مخالف بس مش طبيعي يكون المهندس كاسر للقانون
اخيرا بضم صوتي للاخ صاحب البوست ان المسئول فعلا لازم يبقى قدوه ويكون اول واحد بيطبق القانون
وشكرا ليكم جميعا

**Kareem.ElAraby** · 19-04-2013 02:52 PM

درجاات الفيميه ايه ؟!
ناس تقول m و ناس بتقول الترا دارك
و فيه 00 و01 و 02
هل أغمق حاجه ال 02 ؟!

الفيميه الفابريقه بيبقي أنهي درجه ؟!

**Mohab.Nabil** · 19-04-2013 02:57 PM

المشاركة الأصلية كتبت بواسطة shaddadfalcon1

اللي بيترخض في مصر وفي كل حته اللي هو بيبقي خفيف ومن بعيد متشوفش اللي جوه العربيه بس لو قريبت قوي بتشوف وغير كده برده بيبقي نظيف وفابريكه وبيحمي من الشمس

لكن الي بيحصل دلوقتي بتلاقي الشاب لازق علي العربيه كلها اسود في اسود ومتبقاش عارف اللي بيحصل ايه

كلامك صح ان اللى بيترخص برة بيبقى خفيف و معقول و ده اللى انا بتكلم فيه بس على فكرة لو لاحظت الدرجة اللى بتتكلم عليها ديه اللى بتيجى فى العربيات المستوردة اللى الفاميه بتاعها بيبقى فيه درجة اخضر كده شوية .. انما الفيرنا و الصنى و العربيات اللى بتتجمع فى مصر الفاميه بتاعها بيبقى غامق و اسود و بيترخص عادى لمجرد انها نازلة من المصنع كده

عامة انا شايف ان مش من حقى و لا من حق حد انه يعرف عربية اللى جمبه بيحصل فيها ايه .. طول ما هو ماشى فى طريقة و ملوش دعوة بيا انا مليش حق انى اعرف هو بيعمل ايه او احاسبه و اللى مختص بكده الشرطة

و الالترا دارك ده انا ضده و اى حد بيحطه يبقى بيأذى نفسه قبل ما يأذى غيره لأنى ركبت عربيات مفيمة الترا دارك و اتحدى اى حد يقدر يقول انه بيشوف فى المرايات بالليل و هو مركب الالترا دارك ده

انا مع ترخيص الفاميه بدرجة معقولة اللى هى تحمى من الشمس و متعيقش الرؤية

و على فكرة انا عربيتى مش متفيمة .. لأنى مبحبش اتعامل مع حد او حد يعاملنى بطريقة مش كويسة او ادخل كمين ابقى مقلق و بعد ما ظابط خلانى اشيله زمان و حسيت انى فى موقف مش راضيه لنفسى ان حد يقولى شيل و اشيل مفيمتش تانى

**Mohab.Nabil** · 19-04-2013 03:00 PM

المشاركة الأصلية كتبت بواسطة kareem.elaraby

درجاات الفيميه ايه ؟!
ناس تقول m و ناس بتقول الترا دارك
و فيه 00 و01 و 02
هل أغمق حاجه ال 02 ؟!

الفيميه الفابريقه بيبقي أنهي درجه ؟!

الفابريقة الاصلى فى العربيات المستوردة ( باسات ، جيتا .. بيبقى معالج بطريقة معينة تحس ان لونه اسود و يميل للاخضر كده يعنى لو ركزت فيه مش هتلاقيه اسود صريح و الدرجة ديه مش موجودة ابدا فى الفاميه اللى بيتلزق ده او انا عمرى ما شفتها على الاقل لأنها بتبقى طبيعة الزجاج من الاول ..