الموضوع: I Wonder Why Would Some People Still Get To Buy Hyundais

المشاركة الأصلية كتبت بواسطة Al-Farooq

شكراً على ردك.
كل واحد له اعتبارات خلاف التاني لما يجي يشتري سيارة او اى منتج على العموم.
ومظنش ان في حد بيرمي فلوسه فى الهواء،
وبالمناسبة انا كنت ممكن اعلى بالمبلغ اللى اشتريت به سيارة من ماركة بروتون أكثر من الضعف تقريبا ،
ومع ذلك فضلت بروتون لأن ليا اعتبارات معينة فى اختياري ، ودة مش مجال لتوضيحها حالياً.
مش عاوز ابالغ ان لو بقيت ملياردير هشتري سيارة من شركة بروتون بردو ، او يمكن سيارة مصرية اذا مصر عملت عربية مناسبة تحترم راكبيها .
وفكرتي عن السيارة هي مجرد أداه لتوصيلك من نقطة أ لنقطة ب ، مع تكاليف تشتغيل معقولة مع وسائل أمان ونظام تعليق مناسب ،

ووسائل الأمان بالمناسبة ملهاش علاقة بأسلوب القيادة "راجل عجوز حكيم ولا شاب متهور" لأن المتهور ملهوش وسائل امان تحميه اصلا ،
الأميرة ديانا لو تفتكر ودودي الفايد ماتوا فى مرسديس بسبب تجاوز السائق السرعه المقررة فى ملف فى نفق ، تقريبا كان على سرعه 120 "بس" ،
وياما بنشوف سيارات غالية فيها وسائل الأمان الجهنمية بس بالتهور ومع السرعه كله بيكون ورق واشلاء ،
فدة السبب الرئيسي ان الوفيات بسبب الحوداث فى مصر اعلي معدلات العالم تقريبا. "ان الناس فاهمة وسائل الامان غلط "

بالتالي اللى يجبر شخص انه يفكر فى وسائل الأمان فى الاساس هو خطأ الغير وحالة الطرق ، مش كونه متهور ولا بيسوق على مهله. لأن وسائل الامان دي للملتزم بالسرعات القانونية بس.

أما بالنسبة لهيونداي هي شركة عالمية مفيش حد يقدر ينكر الكلام دة ، وناس بتطور نفسها بسرعه والتطوير دة طبعاً ناتج عن ارتفاع المبيعات والارباح خصوصاً ان السوق الامريكية مفتوحه لها على الواسع ، وبتحترم عملائها وبنسمع كثير ان فى عربيات بتتسحب بمئات الآلاف وأكثر علشان عيب معين "دة مبيحصلش مع مصر على العموم" ولو فى تعليق من ناحيتي مش هيكون على العربية او على الماركة نفسها لكن على جشع الوكيل "ودي بردو مشكلة عامة لكنها بتتفاوت من توكيل لآخر " اللى بيزود ارباحه على حساب نزع بعض الكماليات الضرورية من العربية ، يعني معلومة على الماشي فى دول عايشة على نفس العالم بتاعنا ، لو العربية مفيهاش انظمة معينة فى الفرامل "مثلا " مينفعش تنزل على ارضها :)

بالتوفيق وتمنياتي لك وللجميع بقيادة آمنة ومريحة.

ياااااااااااااااااااااااا ااه اول رأى فى الموضوع ده احس بحياديته وموضوعيته كنت فين يا كبير من زمان

المشاركة الأصلية كتبت بواسطة SAMEH_FOUAD

ياباشا ازاى مش دية اسعار انت ملزوم بيها , يعنى على الكل

على فكرة انت لو هتاخد بقى بالمبدأ دة و يبقى سعر السيتى قبل الغلاء كان ب129 الف جنية اول فئة وتانى فئة ب139 الف جنية

معلش ياباشا هو حضرتك بتتكلم عن انهى سيتى بس , على فكرة سينى الجديدة ممتازة وجميلة جدااا , حضرتك لو جربتها هتغير رأيك تماما

- على فكرة تصميم السينى ممتاز , خامات بلاستيك زيها زى الريو مش هقولك جلد والكلام دة بس تقفيلها نظيف جدااا , ودة مايقللش بردة من الريو

- الشكل طبعا تصميم الريو مايختلفش علية اتنين فى جمال التصميم , بس السيتى ليها انطباعها الجذاب

- اعادة البيع الاتنين واحد دلوقتى , وعلى فكرة الريو فى السوق المصرى كل الناس عارفة ان فيها عيوب كتير , من عيوب تصنيع - نشوفية فى العفشة - بلاعة بنزين - تأخير فى السحب - تأخير فى النتشات

وعلى فكرة كل اللى بقولك علية دة عربية صاحبى وباعها وجاب نيسان صنى 2013 وبلاش اقول الفرق مابينهم

- بالنسبة للاوبشن ففعلا الريو افضل منها فى النقطة دية , بس دة عيب الفطيم هو اللى شايل منها الاوبشن دة عشان سعرها ينزلة شوية

عموما ياباشا لو عايز فعلا مقارنة مابين ال rio والسيتى فدة مش مكانها

خلاص ماشي انا موافق قارن السيتي 139 تاني فئة وقارن الريو هاي لاين بـ122 الف ههههههههههههه

ياراجل ده برضه كلام ؟ ثم انت متأكد من صاحبك ده ؟ نتش وتأخير في السحب ؟ وبلاعة بنزين ؟ هو متأكد معاه الريو ؟؟؟؟؟؟؟؟؟؟؟؟؟؟؟؟؟؟؟؟

مفيش حد يا فندم اشتكى من ده خالص شوف قسم كيا لو لقيت موضوع واحد عن تأخير السحب في الريو او نتش قول لي فوراً !!!!!!!!!!!!!!!!!!!!!!!!!!!!!!!!!!!!

بالنسبة لاعادة البيع ياراجل متأكد ان اعادة بيع الريو زي السيتي ؟؟؟؟؟؟؟؟ انا هسيب الناس تتكلم

وياريت تعمل مقارنة معايا في قسم المقارنات - لعلمك انا اللي كنت بقارن بين الريو والفورد فيستا مع مين مع عمالقة المنتدى formulator عذراً ليك يعني لا اقلل من شأنك ولكن شوف انا كنت بقارن عربية ايه مع مين

وشوف ايه اللي حصل فيه - لما formulator بنفسه قال ان الريو هتبقى اسرع من الفيستا في الجري هتقول لي العربية فيها مشكلة في السحب هههههههههههههههههههههههه

ياريت لو تعمل مقارنة ياريت

المشاركة الأصلية كتبت بواسطة Ultramisho

السادة المحترمون
تابعت كتابتكم واحيانا الجدل حول ما غذا كانت هيونداي تستحق هذه المكانة من الانتشار أم لا

اردت ان اعلق تعليق صغير على بعض الردود
أولا ليس ضروري ان تصعد القمر حتى تتحدس عنه واحيانا كثيرة تكون تجربة قصيرة للعربية مع معلومات جمة افيد من امتلاكها كما اوضح فورميوليتور وهو طبعا زميل في المنتدى متمكن من الناحية الفنية ولكننا نعلم موقفه من السيارات الكورية واليابانية مقارنة بالاوروبية وله كل الحق في رأيه

ايضا رايت خلاف على عيوب في البروتون وبدى لي الأمر وكأنها جريمة ذكر عيوب غلاء قطع الغيار وصعوبة الصيانة بدل من الحديث عن المزايا في المقابل مثل السحب وكاننا لا يجب ان ننتقد اي عربية اخرى فقط هيونداى

رأيت حديث آخر عن ان السيراتو بتعوم على سرعة 40 كيلو لا صعبة بقى اني اسكت والاصعب اني أرد هههههه

دخل الحديث في الفيرنا وال 128 وهما في شرائح تانية ويجب ان نحترم الفيرنا لانها بالنسبة لثمنها عربية اثبتت كفاءة غير عادية ولكنها بعيدة عن وسائل الأمان على قد تمنها وهي عموما عاوزة سواقة بالراحة علشان اتزانها وبكده هتبقى لا قدر الله حوادثها بعيد الشر محتملة

نيجي بقى لموضوع الهيونداى
انا اتفق ان المشتري مش مثقف في تكنولوجية السيارات ولكنه له حس مرهف في ما تعطيه العربية له وما لا تعطيه يعني بالبلدي كده فهلوي

والهيونداي سيارات اثبتت اعتمادية سحب قوي تكييف ثلاجة قطع غيار متوفرة واقل من غيرها انتشار لذلك وسعر اعادة بيع ماسك نفسه اعتقد ان ده سبب اقبال الناس عليها وسبب غلاء غبور ليها زيادة من ماتستحق واعتقد كمان ان خطوة غبور في التخفيض السابقة كانت صحيحة لكنه اكتشف انه زودها شوية وانها بسعر احن شوية ستظل مكتسحة ليس عن سذاجة المشتري ولكن عن جدارة هو بس عتابي على غبور موضوع الايموبيليزر بتاع الالنترا والار بي لانهم ممكن يضيعوا توزيع العربية من انتشار السرقة لان الامن منشغل في ضرب المتظاهرين وحماية الآخرين وكان الامن العام اتلغى علشان الاخرين هما الي ينزلوا يأمنوا وكلنا شوفنا ازاي بيكسروا زجاج اي عربية بتقترب منهم وهما بيسحلوا الناس اكيد شوفتوها في التليفزيون عموما مش موضوعنا

انا بس عاوز الناس بدل ما تقول الهيونداي ماتستاهلش النجاح الي حققته وشعبنا ساذج تفكر بطريقة تانية هو ايه الي بيقدمه الهيونداي وغيره لا علشان كده الناس الواعية بتشتريها مش معقولة سوبارو عربية خطيرة وفاشلة كده علشان قطع غيارها والفلونس عدلت الموتور بس نسيت تعدل التكييف علشان يستحمل مصر

أطلت عليكم معلش بس قلت اخد انا كمان حقي في الخناقة بين الاشقاء الي انا متأكد أد ايه بيحبوا بعض بس متحمسين زيادة مش اكتر يالله في انتظار الرد او حتى الهجوم مش مشكلة اهو كلنا بنستفيد بآراء بعضنا بس اوعوا تطنشوني لا هجوم احسن هههههههههه

تحياتي

كلام سليم والا يعلى علية
ضيف لية أن سبب من اسباب عدم امتلاكنا لسيارات هيونداي النضيفة ذات وسائل الامان والتكنولوجيا هو الدولة وجماركها (بالبلدي احنا بنركب زبالة العربيات هنا في مصر)شوف السوناتا او الأزيرا او الفظيعة الكيا الكوريس جبارة بمعني الكلمة من امكانيات وتكنولوجيا يا جماعة هيونداي شركة عريقة ولها سيارات تتساوي مع الاوروبي ودة في دول الخليج والعالم كام واحد في مصر شاف السوناتا الشكل الجديد بنمر مصر او ازيرا ، العربيات دي في الخليج ب 70 الف و80 الف ريال سعودي وعربيات صح هنا في مصر بتعدي نصف مليون جنية علشان خذوق الجمارك ،حد يتوقع ان التويوتا الكامري ب625الف جنية وفي السعودية ب50 الف ريال ورغم ذلك صابرين صبر الصابرين وبنقول الحمد لله على md وrb يااااااااااااراجل بلاش فقعة مرارة وحسرة بلاش لوم لهيونداي فالشركة اعرق من كدة ومتحكمش عليها بشرائك لمنتج زبالة فاقد لمستوى الامان والتكنولوجيا بناء على طلب الوكيل بتاعها وتقول دة شركة كذا وكذا

المشاركة الأصلية كتبت بواسطة SAMEH_FOUAD

طيب ياباشا واية المشكلة قارنت الريو مع الفييستا , لكن مع السيتى الوضع مختلف تماما

شوف ياباشا من الواضح ان حضرتك ماركبتش السيتى 2013 , او ممكن تكون قعدت فيها فى المعرض فقط لاغير

انا معاك ان ممكن انطباع السيارة ان خاماتها بلاستيك يديك الانطباع , لكن صدقنى تجربة القيادة مختلفة تماااااااااااما , ياريت تجرب الاول

واحب اقولك ان من اسوء شى فى الريو هو التابلوة بتاعها شكلة تعبااااااان جداا ( وجهة نظرى )

ياااااااااااااااااااه هتقارن تصاميم بيتر شراير مصمم اودي سابقاً ومصمم كيا حالياً بتصاميم الهوندا !!!!!!!!!!!!
لاحول ولاقوه الا بالله ده تحيز واضح وشديد عمري في حياتي ماشوفت حد قال على شكل الهوندا اصلاً حلو اخر شئ تفكر فيه وانت بتشتري الهوندا هو الشكل والخامات وده مش كلامي ده كلام الاعضاء ودور وشوف برضه

ثم انت مش عاجباك كمان الفورد فيستا ؟؟؟؟؟؟؟؟؟؟؟؟؟؟
لاتعليق بصراحة

الموضوع اللي انت ذكرت رابطه ده شوف ردود الاعضاء فيه ايه !!!!!!!!!
الكل طلع في الراجل كأن الكلام ده محلصش وجايبه من دماغه لان كلنا كلنا كلنا معندناش حتى مشكلة واحده صغيره من اللي بيقوله شوف ردود الموضوع وراجع كويس
http://www.nilemotors.net/Nile/305669-a.html

كأنه كان بيكدب !!!!!!!!!!!!! شوف ردود الاعضاء محدش كان مصدقه ومازال في ناس مش مصدقه !!!!!!!!!!!!

لأ بصراحة يعني المناقشة بتطور يا جماعة
بدأنا الكلام عن وسائل الامان وبصراحة الريو متكسفش في وسائل الامان
روحت قلت سيبك من وسائل الامان نروح للاوبشنر حدث ولا حرج للريو
نروح دلوقتي للشكل - ماهي اخر محاولة للسيتي تقريباً !!!!!!!!!
هههههههههههههههههههه

المشاركة الأصلية كتبت بواسطة Kareem.ElAraby

ما بلاش يا سامح انت بالذات تتكلم عن شكل التابلوه و خاماته
شوف السيفيك ال 2013 التركي و البلاستيك عامل فيها ايه و تعالي اتكلم
بتفكرني بالحريم اللي عاملين عمليات تجميل !
تكسب فرامل ماشي ,ثبات ماشي لكن تتكلم عن الشكل فمعلش انت جاي تبيع المباه في حاره السقايين
و شفت السيفيك ال vti امبارح
عره من جوه كتابلوه و بلاستيك الابواب و شكل الكاسيت و التكيف
سيبك من شكل العدادات (اتحرق خلاص من الشكل اللي فات)
و ما تسواش سعرها سواء القديم 190 ولا الجديد أبو 210
و بلاش تقلب الموضوع كعادتك هوندا و هيونداي
و سعر اعاده البيع أكيد لصالح الكوري :]
و ازاي تابلوه الريو مش عاجبك :]:]
عاوز أفهمها ديه بقي

الحمد لله انا مش هتكلم