حد جرب يارس هاتشباك 2013 ؟؟؟

**occullt** · 19-04-2013 07:51 PM

السلام عليكم .. حد جرب يارس 2013 ؟؟؟ ياريت لو يقولنا ايه اللى عجبه فيها وايه اللى معجبوش وينصح بيها ولا لا .... وشكرا جدا للنصيحه

**S O P H O S** · 20-04-2013 02:07 PM

هو شئ سئ بصراحة اننا عندنا عدد 2 ملاك للعربية وقد يكون 3
ولحد الان وبعد شهور مفيش اي تقرير عن العربية
معرفش ظروف ولا ايه
ولكن مفيش اي تقيم يفيد اي حد عاوز يشتري العربية
اتنمي ان اخوتنا ملاك العربية يعملوا تقرير ولو حتي كتابي لتقيم العربية فنقط ..

**ahmedz310** · 20-04-2013 05:00 PM

يارريت ياجماعة اللي جاب العربية يعملنا تقرير وافي وشامل عنها

**hisham2111** · 27-04-2013 02:19 AM

بسم الله الرحمن الرحيم الراجل الطيب قطعنا الصراحة ما علينا انا معايا العربية وكنت ناوى اعمل عنها تقرير ولكنى عملت حادسة يوم ما رخصت بعد 4 ايام من الامتلاك وقعدت 80 يوم فى التوكيل فبصراحة كنت مكتئب الفترة الى فاتت المهم اول لما رجعت طحنتها سفر ومشاوير وليلة نبدا باليجابيات الملحوظة
1 توفير بنزين بطريقة مجنونة مهما اوصفلك مش ممكن اوصفلك الحقيقة.
2 الفتيس حلو مفهوش نتش وبتاع وناعم جدا 7 نقلات قدام وواحد ورا طبعت ستبترونيك بس لو عامل العربية مانيول العربية مبتعديش 5700 ار بى ام بتنقل لوحدها
3 فى زرار اسبورت عشان الشد و كدا ولو كيك داون العربية بتسعفك الصراحة هتزعل اى 1300 او 1400 سواء يبانى او اوربى او كورى ولمواخزة
4 العربية من جوا فعلا بدون مبالغة واسعة جدا 5 شباب يقعدو مستريحين
5 الكاسيت التاتش والتاكيق التاتش حوار الصراحة 6 سمعات يعنى تقلب اجدعها شارع
6 العفشة قوية وفى نفس الوقت ناعمة جدا جدا جدا الصراحة
7 العربية عالية مبتحكش فى اى مطب حتى مع زيادة الحمولة
8 اماكن تخزين بالعبيط
9 اقصى سرعة جبتها 192 لوحدى والعربية فاضية سحبها لحد 160 كويس بعدين بيتباطئ تدريجيا
نيجى بقى للعيوب
1 شكلها مش حلو زى البنتو او الفيستا او الابيزا شكلها مش قد كدا الموضوع ازواق
2 شنطتها صغيرة جدا جدا
3 سعرها دلوقتى بقا بسعر العربيات الاوربى الى فى فئتها الفئة قبل الاخيرة الى زى بتاعتى بقيت ب 136 الف كلام فاضى واستهبال
فو فى النهاية اتمنى اكون افدت اى حد باى حاجة التقيم موضوعى جدا وبحيادية على قد ما اقدر انا نقلت راى الشخصى وراى الى جربوها وراى الى معاهم عربيات منافسة

**S O P H O S** · 27-04-2013 02:59 AM

يا باشا انا مش قصدي شئ كل الحكاية ان الناس بتسأل علي العربية
واحنا فالقسم مستنين تقيم زي تقيمك الجميل ده ومعلش ان كلمتك عالموضوع ده
لان اخونا الي اشتري العربية معاك فالجيش تقريبا ومعلش علي الخبطة الحمد الله انك بخير
تقيمك جميل يمكن ناقص توضيح ثبات العربية ايه ولحد كمان لان ده يهم ناس كتير هو والتكيف
فالنهاية اتمني تجمع كلامك فموضوع لانه هيفيد ناس كتيرة صدقني
ولو مش فاضي تسمحلي انقل الكلام علي لسان حضرتك فموضوع
لان خسارة تقيم العربية يكون فموضوع كمشاركة فقط وممكن ناس كتيرة متشفوش
ومعلش اننا تعبناك معانا يمكن من عشمنا
تحياتي ليك ..

**ahmedz310** · 27-04-2013 03:42 PM

الف شكر ياريس علي الرد الوافي وانشاء الله تكون أول واخر حادثة وربنا يباركلك في العربية بس ليا رجاء ياريت يكون تقرير مصور مش مجرد رد عشان بقيت الأعضاء يستفيدوا وشكرا