الموضوع: اتنصب عليا في تصليح الياريس من ورشة حسن دبوس

لا حول ولا قوة إلا بالله العلي العظيم

ربنا يعوض عليك وللاسف ده حال اللى يامن للصنايعية بس انا برضوا بحمل حضرتك جزء كبير من اللى حصل

اتمنى ان حضرتك ماتزعلش من كلامي وتتقبله بصدر رحب لكن المقصد هو الافادة للغير وان الواحد يتعلم من اخطاءه

حادثة كبيرة وهيتصرف عليها وفيها شغل كتير كان المفترض توديها لواحد مجربه بدل المرة الاف او على الاقل تعرفه شخصيا او تعرف حد يعرفه شخصيا

تاني حاجة ماينفعش انك تسيب كل حاجة السمكري او الورشة هي اللى تجبها خصوصا قطع الغيار !! ؟ حضرتك ليه ماتبعتش عربيتك بنفسك وشفت قطع الغيار وهي بتركب !! ؟ بل وكمان سالت على اسعارها هنا وهنا !! ؟

تالت حاجة المفروض كان قطع الغيار من باب اولى حضرتك اللى تشتريها وتتاكد من المصدر اللى اشتريت منه وتتاكد انها ركبت لكن للاسف حضرتك اعتمدت عليه واهملت حتى انك تسال على الاسعار اللى هو قالك عليها

رابع حاجة المفترض ان حضرتك بما ان العربية قعدت عنده 65 يوم وده مدة طويلة !! ؟ كان المفروض انك تتابع العربية اول باول وتشوف كل حاجة فيها

وطبعا ماينفعش انك تكتشف في النهاية خالص ان الدنيا مش مظبوطة او الدهان مسيل او ما الى ذلك من شغل !!!!

خامسا مافيش حاجة اسمها اكصدام جديد يبقى فيه تجريحات امال هو جديد ليه !! ؟ ومافيش حاجة اسمها واحد من العمال ريح على العربية وبالتالي طبق الباب !!

انا مش قصدي حاجة واتمنى ان حضرتك تفهم اللى اقصده لكن في اليومين دول فعلا انعدام الضمير بقى شئ عادي جدا

فلو الواحد ماحطش عينه وسط راسه وبقى متابع عربيته بشكل يومي وبيشيك على قطع الغيار وتركيبها بنفسه !! ممكن يتنصب عليه حتى من اخوه !!!!!!

ربنا يعوض عليك وفداك والحجات اللى ماتظبطتش ممكن بعد كدة تروح عند اي حد تاني يظبطهالك !! معلش انا عارف انها هتبقى تكلفة زيادة لكن مع مرور الوقت هتنسى وهتستمتع بعربيتك