الموضوع: حادثة في ياريس

السلام عليكم،
حصلتلي حادثة في العربية الياريس وجت في الرفرف اليمين والعجلة من اسفل، لسة مارفعتش العربية عشان اشوف حجم الضرر، بس احتياطي سالت في التوكيل على قطع غيار زي المساعد لقيته 1700 جنيه، وعلبة دركسيون ب5080 ومالقتش بارات دركسيون، هل ممكن الاقي قطع الغيار دي لو احتاجت-لا قدر الله- برة اصلي باسعار اقل وفين، هل يفضل تغيير الاجزاء اللي اتخبطت ولا لو استعدلت مافيهاش مشكلة، اصل انا بصراحة بحب امشي بالعربية ماسمعش صوت تزييق او تخبيط بيجيلي اكتئاب :)) لو حد يعرف حاجة يقولها ولكم جزيل الشكر :))

شكرا لكل من قام بالرد وجزاكم الله كل خير، انا بالفعل رفعت العربية في ورشة ميكانيكي عفشة وقالي هنغير مساعد يمين وبارة دركسيون داخلي يمين، وقالي الافضل تغير الناحيتين للاتزان وعشان تاكل العجلة هيبقى في ناحية عن ناحية، وبالفعل اشتريت اتنين مساعدين واتنين بارة دركسيون داخلي وظبطت زوايا والعربية بقت كويسة الحمد لله، جزيل الشكر لكم.