الموضوع: أفكار صناعية ......... صناعة الماسترباتش

تعالى نحسب التكاليف :

المصروفات الثابتة :

ايجار : 3000 جنيه
كهربا : 600 جنيه
مياه : 200 جنيه
موبايل : 200 جنيه
مصروفات ادارية : 3000 جنيه
عمالة : 5000 جنيه ( 3 عمال و متوسط راتب 1500 جنيه )

اجمالي المصروفات الثابتة : 12000 جنيه شهريا
اجمالي الانتاج : 3 طن يومي و 25 يوم عمل = 75 طن شهري

التكاليف الثابتة للطن = 160 جنيه ...
_________________________________
حساب التكاليف المتغيرة للطن :

بولي ايثيلين : 200 كغم * 13.5 جنيه = 2700 ( سعر طن البولي ايثيلين 13500 جنيه و بنحتاج 200 كغم للطن المنتج )

كربونات الكالسيوم : 800 كغم * 0.95 جنيه = 760 ( سعر الطن 950 جنيه و بحتاج 800كغم للطن المنتج )

حمض استياريك : 10 كغم * 11 جنيه = 110 جنيه ( سعر الطن 11000 جنيه و بحتاج 10كغم للطن المنتج )

شكاير : 40 شيكارة * 1.5 جنيه = 60 جنيه ( الشيكارة وزنها 25 كغم )

اجمالي التكاليف المتغيرة للطن : 3630 جنيه للطن
--------------------------------------------------------------

اجمالي تكلفة الطن = 3630 + 160 = 3790 جنيه


_______________________________________________
سعر البيع :

متوسط ربحية 35% .....
سعر البيع = 5116.5 يعني ربحية = 1326.5 للطن الواحد



متوسط ربحية 25%
سعر البيع = 4737.5 يعني ربحية = 947.5 للطن الواحد
_______________________________________________

سعر البيع في السوق النهاردة يتراوح بين ::: 5300 للمستهلك و 4800 للتاجر

ماشاء الله

دائما متميز ... توضيح بعد إذنك ... أعتقد إن سعر الإيجار للمكان فقط و أن التكلفه غير شامله خط الإنتاج

المشاركة الأصلية كتبت بواسطة egytamer

الله ينور عليك
بحب الناس الي بتفكر في المشروعات الصناعية مش المشروعات الاستهلاكية كمل كلامك ووضحلنا باقي الموضوع

شد حيلك و فكر معايا
عشان نشجع الناس انهم يهتموا بحاجات ليها قيمة

المشاركة الأصلية كتبت بواسطة canner

انا لما كنت شغال فى مجال المصانع عرفت ناس شغاله فى المواضيع دى و زرت مصانع و شفت الماكنات و الموضوع كويس قوى بس للى يهتم بيها فعلا

كنت شغال في ايه ؟
و فعلا المشروعات دي مربحةجدا

المشاركة الأصلية كتبت بواسطة mo3taz selim

ماشاء الله

دائما متميز ... توضيح بعد إذنك ... أعتقد إن سعر الإيجار للمكان فقط و أن التكلفه غير شامله خط الإنتاج

الله يخليك
طبعا انا افترضت انك هتاجر عنبر صغير في اي مدينة صناعية في بداية المشروع

المشاركة الأصلية كتبت بواسطة misry

ده معناه ان الربح الشهري ممكن يكون فوق 40 الف جنيه ...؟؟

ده لو كده يبقى مشروع رهيب ... بس اعتقد انه مينفعش في المحافظات ... لازم القاهرة

طبعا الربحية هتكون في حدود بين 71062.5 و بين 99487.5 شهريا على حسب قدرتك على البيع و التفاوض و على حسب زبونك و على حسب جودة الخامات اللي انت بتجيبها ...
و مش لازم المصنع يكون في القاهرة ابدا .... بالعكس انت لو في الصعيد او الدلتا هيكون ايجارك اقل و مرتباتك اقل و هتلاقي زباين برضه حواليك صحيح كل واحد هياخدكمية اقل لكن ممكن توزع الكمية كلها بسهولة

المشاركة الأصلية كتبت بواسطة misry

وكمان رأس المال المبدئي كام ...؟

لسه هنوصلها بالتفصيل الممل

خلي بالك ان احنا بنتكلم عن نوعين من الماسترباتش بس و دول ابسط الانواع و مش محتاجين انك تكون كيميائي او ليك خبرة في المجال كبيرة

الانواع التانية اللي فيها الوان و مركبات لازم يكون معاك كيميائي او تشتري منه الخلطة و دول بتكون ارباحهم خيالية زي اللون الاسود مثلا الطن بيكلف 5000 و بتبيعه ب 11الف
الذهبي بيتكلف 13 الف و بيتباع ب 20 الف
و فيه انواع ارباحها بتزيد عن ال 30 الف
بس دي بتحتاج خامات خاصة و خلطات كيميائية .... من الاخر لازم تكون صايع كيميا او معاك واحد فاهم جدا فيها

و الانواع دي مرحلة تانية في المشروع و مش مجالها دلوقتي

حضرتك ما وضحتش 1_ تمن الماكينات المستخدمة 2 عدد الماكينات المستخدمة 3_ اايجار المكان الي حيتعمل مصنع اعتقد التمليك افضل
لو فرضنا صاحب المكان قالك امشي حتروح بالمكن والمواد الخام والمصنعة دي فين قصدي دة مش محل في شوية بضاعة علشان تشوف محل تاتي وخلاص
دة مصنع واوزان بالطن ... فالايجار مش حيبقي مناسب لمشروع زي دة
4 مساحة المكان دة حيبقي قد اية حضرتك ما وضحتش
5 حضرتك بتتكلم في اوزان بالطن طيب ازاي بتقول ممكن تستخدم عربيتك دة مش اقل من نص نقل وتمليك
ولو ايجار يبقي حتخصم تمن النقل من ربح الطن كمان وتمن النقل معتقدش قليل دة انا مرة جبت عربية نص نقل تنقلي شوية عفش خد 150 جنية
امال بقي لو طن ولا اتنين واماكن المصانع دي مش قريبة يبقي حياخد كام
6 حضرتك بتقول المنافسة عالية يبقي االتسويق صعب وكل مصنع عنده المورد بتاعة اللي بيتعامل معاه حياخد مني ليه
وعلشان ياخد مني لازم اقدم لة سعر اقل من اللي بياخد به يعني حنضارب بعض في الاسعار
وواقع الحال في مصر ان البقاء للاقوي والي فلوسه اكتر بيضرب في اللي لسة داخل السوق علشان ما يكبرش ويخليه يقفل
بمعني لو انا نزلت 100 جنية في الاول علشان اكسب العميل دة المصنع التاني حينزل 200 جنية علشان العميل يفضل معاه و مايخسرهوش
دة تصوري وحضرتك ادرى بما انك في السوق يمكن انا غلطان والموضوع مش كده ...