أفكار صناعية ......... صناعة الماسترباتش

**ghostmido** · 27-04-2013 12:10 AM

بصراحة مش عارف اقولك ايه غير ربنا يجازيك خيرا....
ان شاء الله قريب هحاول اتواصل مع حضرتك وازورك فى المصنع....

**dedi** · 28-04-2013 01:44 AM

يا باشا الف مبروك و ان شاء اللة بالزيادة و ربنا يكرمك فعلا الواحد بيستفاد من الافكار الجديدة و الواح بيحس بدون مبالغة انة الاعضاء هنا اخوة و بينصحوا بدون غرض او مصلحة شخصية
ماعلش سؤال محيرنى تدريب العمالة ازاى و هل لابد من ان يكون لديهم خبرة و كم من الوقت للتدريب و موضوع الكيميائى هل ضرورى و فى الصعيد يعنى لو احضرتة من القاهرة اكيد سوف يكلف كتير
تحياتى لحضرتك

**MaZaGAngeE** · 28-04-2013 02:50 AM

المشاركة الأصلية كتبت بواسطة ghostmido

بصراحة مش عارف اقولك ايه غير ربنا يجازيك خيرا....
ان شاء الله قريب هحاول اتواصل مع حضرتك وازورك فى المصنع....

أتشرف بيك في اي وقت يا باشا
و تلفوني 01000785234

المشاركة الأصلية كتبت بواسطة dedi

يا باشا الف مبروك و ان شاء الله بالزيادة و ربنا يكرمك فعلا الواحد بيستفاد من الافكار الجديدة و الواح بيحس بدون مبالغة انة الاعضاء هنا اخوة و بينصحوا بدون غرض او مصلحة شخصية
ماعلش سؤال محيرنى تدريب العمالة ازاى و هل لابد من ان يكون لديهم خبرة و كم من الوقت للتدريب و موضوع الكيميائى هل ضرورى و فى الصعيد يعنى لو احضرتة من القاهرة اكيد سوف يكلف كتير
تحياتى لحضرتك

فكرة المنتديات في الاساس هيه تبادل الخبرات و التجارب

لو انت هتشتغل زيي كده في النوعين دول بس مش هتحتاج كيميائي خالص ( انا مهندس كهربا ) و ممكن بعد فترة من الشغل و على حسب الطلبات اللي بتجيلك انك تشتري خلطة من كيميائي ( طريقة التصنيع و التدريب عليها )

اما بقى تدريب العمالة فده حاجة بسيطة جدا ..... في الاول مش هيكون مطلوب منهم غير انهم يشيلوا و يحطوا الخامات بس ... بعد كده واحدة واحدة هياخدوا على المكن و تنكسر هيبة التشغيل عندهم و على فكرة التشغيل بسيط جدا مش محتاج تدريب اكتر من اسبوعين او تلاتة بالكتير .

وانا ناوي ان شاء الله خلال سنة هنقل المصنع الى المنيا بس لما اقدم على ارض و استلمها ... لكن للامانة السوق الاكبر حاليا في القاهرة و التجار الكبار كمان .... بس بعد ما الواحد يتعرف و تتةاجد علاقات شغل قوية هننقل المصنع المنيا ان شاء الله
لان فرق التكاليف كبير

**dedi** · 28-04-2013 03:02 AM

ان شاء الله على خير و بالتوفيق
صدقنى الواحد أدمن المنتدى من أخلاق الاعضاء بة و محاولة مساعدة بعضهم لبعض
ماعلش سؤال لية المنيا بالتحديد ومعدات المصنع لو صناعة مصرية فين تباع
و شكرا ليك

**MaZaGAngeE** · 28-04-2013 04:28 AM

المشاركة الأصلية كتبت بواسطة dedi

ان شاء الله على خير و بالتوفيق
صدقنى الواحد أدمن المنتدى من أخلاق الاعضاء بة و محاولة مساعدة بعضهم لبعض
ماعلش سؤال لية المنيا بالتحديد ومعدات المصنع لو صناعة مصرية فين تباع
و شكرا ليك

عشان انا من المنيا و نفسي اعيش في بلدي

فيه ورش بتصنع المعدات دي و بتكون جودتها عالية جدا و انا عارف اكتر من ورشة بتعامل معاهم في الصيانة و في تصنيع بعض المعدات و على فكرة الفرق في السعر كبير جدا بينهم و بين الاستيراد

**ma7amadk** · 28-04-2013 04:58 AM

ربنا يباركلك ويوسع عليك رزقك ويوفقك في مشروعك
اللي عجبني أكتر من المشروع هو فكرة طرح المشروع على العام
عادتنا كعرب غير كده نهائي
ربنا يوفقك يا هندسة

**Moe Ahmad** · 28-04-2013 12:23 PM

و الله حضرتك انسان محترم جدا و ربنا يباركلك فى مشروعك و شكرا جدا على المعلومات القيمة دى
انا قريت الموضوع مرتين من اعجابى بالفكرة
و اتمنى انى اقابل حضرتك و اشوف المصنع ان شاء الله

**أبو_يوسف** · 28-04-2013 12:28 PM

موضوع جميل ماشاء الله وبارك الله لك..
بس هاتبقى مشكلة اي حد فينا حتى لو معاه رأس مال هي التسويق وعدم الالمام الكامل بالصناعة دي.. وبالتالي هايكون الانسب له هو مشاركة حد فاهم زيك..
السؤال بقى.. هل انت محتاج شركاء؟

**TAMER2020** · 28-04-2013 01:20 PM

المشاركة الأصلية كتبت بواسطة mohammadrashee

ممكن اعرف منك استخدام الماستر باتش في الاستريتش فيلم ونسبه قد ايهlldpe
لو كده انا اول زبون عندك واول طلبيه كاش كمان يا سيدي

الماستر باتش لايستخدم فى انتاج الاسترتش الشفاف ولكن يستخدم فى حالة انتاج استرتش الوان
اما بالنسبه لنسب انتاج الاسترتش الصناعى
89% lldpe
9% ldpe
2% pw60 و هو خامة اللصق

ويفضل استخدام خامات سابك فهى الافضل فى انتاج الاسترتش الصناعى

**TAMER2020** · 28-04-2013 01:33 PM

الله ينور يا باشا
انا بحترم كل من يريد عمل مشروع صناعى
من فضلك كام سؤال على الماشى

- كم عدد الورديات فى اليوم وكم ساعه
- هل يوجد هالك فى عمليه التصنيع ام لا
- لو يوجد هالك كم نسبه الهالك للطن
- من اين تشترى الخامات
- انت لم تحسب تكلفه نقل الخامات الى مصنعك
- هل عملية التصنيع تحتاج الى صنايعى محترف ولا الموضوع سهل (زى ما انت عارف الصنايعيه ممكن تبوظ المشروع بالكامل)

الموضوع: أفكار صناعية ......... صناعة الماسترباتش

LinkBack

أدوات الموضوع

عرض

-

-

-

-

-

-

المواضيع المتشابهه

احذروا صناعية احمد سعيد

كيف تصبح مصر دولة صناعية ؟؟ !!

شركة صناعية كبرى تطلب جميع التخصصات

مطبات صناعية فى وسط الطريق الصحراوى ؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة