طلب هام يارب الاقي النجدة

**sasatony** · 13-08-2008 04:49 PM

انا دلوقتي بسوق كويس الحمدلله لسه متعلم جديد والحمدلله تمام التمام
بس دلوقتي مش عارف اروح مشاوير بعيدة علشان انا مش معايا رخصة ولو روحت اختبر انتو عارفين هيسقطوني حتي لو انا شوماخر في السواقة
المهم انا ساكن في شبرا (مصر)شارع الترعة وبيقولو انا تبع مرور عبود محدش يعرف اي وساطة او طريقة اطلع بيها الرخصة وطبعا كله بالاتفاق

يارب الاقي رد علي طلبي

**TORQUE** · 13-08-2008 06:23 PM

مابيسقطش غير اللي بيفشل في الاختبار سواء اختبار الاشارات او القياده ..

بتعرف تسوق كويس ... حتي لو العربيه بطلت منك في الاختبار هاتنجح .. المهم ماتسقطش اي قمع ...

بتفهم في الاشارات و تقرا كتيب الاشارات و تفهم الحاجات اللي مكتوبه فيه .. هاتنجح .. النجاح بالنسبه و لو عديت النسبه بتاعه النجاح هاينجحوك ..
مافيش حاجه اسمها واسطه او غيره ... اتكل علي الله و راح امتحن ... حاول تدرس الوضع الاول و تعمل نسخه للاختبار القياده و خد مقاساتك بالتقريب كده ... و جرب حظك و اتدرب بره في اي حته فاضيه علي نفس الاختبار ده ...

مافيش حاجه اسمها هايسقطوك حتي لو انت شوماخر السواقه ...
انا نجحت بدون وسايط ... ابن عمي نجح بدون وسايط ( و كان اسرع واحد يقضي الامتحان ده و بدون تدريب ولا اشارات ولا غيره ...ولا حتي قراء الكتيب .. و في اختبار القياده كان تاني واحد يمتحن في الدفعه ! و بعد ما ماتحن و خلص اموره في يومين ... فضلوا راكنينه ماياخدش الرخصه غير بعد شهر علشان الكمبيوتر كان عطلان ههههههههههههههههههههههههه ههههههه
... بيشو اكسبرت اكيد عارفه انت و ممكن تسأله..) ..

باقي العيله نجحت بدون وسايط ...

خليها علي الله و نفذ التعليمات و ربنا يكرمك و تاخد الرخصه علي السريع

جيمي تورك ...

**Ahmed Samy** · 13-08-2008 07:20 PM

المشاركة الأصلية كتبت بواسطة TORQUE

مابيسقطش غير اللي بيفشل في الاختبار سواء اختبار الاشارات او القياده ..

بتعرف تسوق كويس ... حتي لو العربيه بطلت منك في الاختبار هاتنجح .. المهم ماتسقطش اي قمع ...

بتفهم في الاشارات و تقرا كتيب الاشارات و تفهم الحاجات اللي مكتوبه فيه .. هاتنجح .. النجاح بالنسبه و لو عديت النسبه بتاعه النجاح هاينجحوك ..
مافيش حاجه اسمها واسطه او غيره ... اتكل علي الله و راح امتحن ... حاول تدرس الوضع الاول و تعمل نسخه للاختبار القياده و خد مقاساتك بالتقريب كده ... و جرب حظك و اتدرب بره في اي حته فاضيه علي نفس الاختبار ده ...

مافيش حاجه اسمها هايسقطوك حتي لو انت شوماخر السواقه ...
انا نجحت بدون وسايط ... ابن عمي نجح بدون وسايط ( و كان اسرع واحد يقضي الامتحان ده و بدون تدريب ولا اشارات ولا غيره ...ولا حتي قراء الكتيب .. و في اختبار القياده كان تاني واحد يمتحن في الدفعه ! و بعد ما ماتحن و خلص اموره في يومين ... فضلوا راكنينه ماياخدش الرخصه غير بعد شهر علشان الكمبيوتر كان عطلان ههههههههههههههههههههههههه ههههههه
... بيشو اكسبرت اكيد عارفه انت و ممكن تسأله..) ..

باقي العيله نجحت بدون وسايط ...

خليها علي الله و نفذ التعليمات و ربنا يكرمك و تاخد الرخصه علي السريع

جيمي تورك ...

و الله يا جيمي انت يتفكرني ببيشوي دايما
حتى نفس طريقة الكلام

**OlaOsman** · 13-08-2008 07:38 PM

على فكرة امتحان مرور عبود عبيط جدا.. مافيهوش حرف s رايح و راجع ده خالص.. هو انت بتمشي في العربية وسط أقماع و بعدين تحود شمال كإنك داخل في شارع و بعدين تطلع برة الساحة خالص و بس خلاص على كده.

انا رأيي تتوكل على الله و تروح تمتحن، او ممكن تروح في يوم تتفرج على شكل الامتحان و تعرف بيجرى فيه ايه وتاني يوم تروح تمتحن و ربنا يوفقك.

**Ahmed Samy** · 13-08-2008 08:09 PM

و على فكرة أخونا أحمدPro drive طلعها من واسطة ولا حاجة وسط توقعاتنا جميعا بفشله

**TORQUE** · 13-08-2008 08:26 PM

غريبه يا باشا ... اول مره اسمع كده ... الناس هنا بتقول علي طول ان بيشوي لسانه سايب حبتين تلاته :)

تعديل : هوه ليه السمايلي مش عاوز يظهر ؟
تعديل تاني : ظهر خلاص ... هوه مش بيظهر علي طول من الاول ليه ؟

**theking2690** · 13-08-2008 08:50 PM

النصيحه بتاعة كل مره فى مرور عبود و الحمد لله كل اللى عملوها محدش منهم سقط

روح طلع الرخصه يوم خميس الحياه بتيقى حلوه هناك و مبيددقوش على حاج ومبيكونش فيه امتحان اشارات و لو فيه اى استفسار تانى انا فى الخدمه يا باشا و لو عاوزنى اجى معاك انا تحت امرك

**sasatony** · 14-08-2008 12:31 AM

المشاركة الأصلية كتبت بواسطة theking2690

النصيحه بتاعة كل مره فى مرور عبود و الحمد لله كل اللى عملوها محدش منهم سقط

روح طلع الرخصه يوم خميس الحياه بتيقى حلوه هناك و مبيددقوش على حاج ومبيكونش فيه امتحان اشارات و لو فيه اى استفسار تانى انا فى الخدمه يا باشا و لو عاوزنى اجى معاك انا تحت امرك

طيب تمام باذن الله هعمل كده ياباشا

**theking2690** · 21-08-2008 03:52 AM

مطمنتناش يا باشا عملت ايه

**ahmedkafas** · 21-08-2008 09:20 PM

روح وجرب واتكل علي الله

شوف هناك الوضع ايه
وان شاء الله خير

الموضوع: طلب هام يارب الاقي النجدة

LinkBack

أدوات الموضوع

عرض

-

-

-

-

روح وجرب -

المواضيع المتشابهه

دعوة لله يارب اعدي...............يارب

النجدة

النجدة

النجدة ؟

النجدة

الكلمات الدلالية لهذا الموضوع

المفضلات

المفضلات

ضوابط المشاركة