الموضوع: النجدة

المشاركة الأصلية كتبت بواسطة turboman

الموضوع ببساطة ان حب عمري عربيتي وحبيبتي و روحي بعد ال mobile x h p قررت اني استعمل shell 3000ولكن العامل قبل ما يفتح الزيت جالي تليفون استمر لمدة 10 دقائق خلصت و رجعتلة قالي تمام يا فندم غيرت الزيت و اخدت منة الباقي في العلبة بتاعة الزيت عادي جدا ..................لكن بعد 1500كم لاحظت ان الزيت لونة بشع و لزوجتة سيئة جدا فقلت اغيرة و روحت لواحد تاني..........................طلع الزيت من الموتور ناقص نصف كيلو و بعيد عنكوا كان هيغما عليا ..المهم قالي كدة المفروض نحط زيت من الالف كيلو و تا بعو و غيرو بعد 700 كم السؤال الان : العربية لو بتاكل زيت<نصف كيلو كل 2000> مادا يعني هذا ................سؤال اخر هل ممكن العامل الاول ممكن يكون ضحك علي و حط حاجة ارخص<زيت رخيص> في فترة الغشر دقائق تليفون؟

احتمال كبير يكون حطلك نوع تانى
واحتمال يكون حطلك كميه ناقصه........زز شوف سايبلك قد ايه فى الجركن

ما تستعجلش فى الحكم........ز انت غيرت زيت 5000 كم تانى صح؟
تايع مستواه كويس و شوف ايه اللى هيحصل

وبعدين خللى حد يدوس دوستين بنزين جامدين و شوف فيه دخان ابيض طالع؟ .... بس تكون العربيه ساخنه و يكون بالنهار عشان بالليل او لو العربيه بارده ممكن تشوف بخار المياه

ان شاء الله خير

شوف خرطوم نفخ الزيت اللي طالع من الموتور و دخل العمه و شوفه لو بيبخر بطريقه جامده يبقي فعلا العربيه بتاكل الزيت

لو استعملته صح يبقي مالوش اي ضرر
1.لازم تكون العربيه بارده
2.تحطه علي الزيت القديم و تدور العربيه لمده تلات دقايق و ما تتحركش بيها او تدوس بنزين
3.تفتح الطبه و تسقط الزيت و كمان تغير الفلتر