مشكلة الصوت العالى للماتور بيظهر على السلانسيه

**mahmoud ghanem** · 23-04-2013 01:33 AM

السلام عليكم

اصدقائى عندى مشكلة من اول ما جبت العربية فى الاول كنت فاكره طبيعى الصوت الماتور بيبقى عالى قوى فى الهدوء وبيبان اكتر على السلانسية يعنى من غير تزويد بنزين بتحس بصوت ورررررررر كدة على طول ...
طول ما انا ماشى عادى ببقى سامع الصوت الطبيعى للماتور بس على السلانسية او لما بكون بركن او بتحرك بهدوء لما الدنيا بتبقى واقفة بيبقى صوت مش طبيعى بحس انى راكب توتك

وبصراحة كنت متوقع انها بليه الدينمو لن الصوت جاى من الجزء اللى فيه الدينمو وكان فى كهربائى على حاله وانا بشحن التكييف قالى اه الصوت من الدينمو المهم قلت اشوف الدكتور اللى عندى فى المعادى كهربائى دكتور برحله فى الحجات العادية اللى مش محتاجة مع انه بيفهم والله ..

وقلت اغير بليه الدينمو او على الاقل يفك سير الدينمو ونشوف الصوت هيختفى ولا اية !!!

رحت وكان الكهربائى شغال فى عربية كيا وركنت وراء العربية اللى شغال فيها ونزلت

الحوار :
ــــــــــــــ

انا : السلام عليكم

الكهربائى : وعليكم السلام

انا : الله ينور يا عم عصام

الكهربائى : وعليك يا بشمهندس

بعد 3 دقائق

الكهربائى : خير يا باشمهندس

انا : مفيش بس عاوزك تبص على الدينمو علشان صوته عالى شوية

الكهربائى : يا بيه دة صوت طرمبه الباور

انا : !!!!!! ايه ؟؟؟

الكهربائى : يابيه دة باين قوى وانت بتركن الصوت دة مش الدينمو ... صوت الدينمو عاوز تركيز او فى الهدوء علشان تلاحظ ان صوته عالى لكن احنا فى شارع عربيات رايحة وعربيات جايه وانا سامعه وانا شغال فى العربية التانية

انا : مش فاهم يعنى ايه ؟؟؟

الكهربائى : دور ياباشا العربية ... لف الدركسيون على الاخر يمين او شمال وخليك كاسر الدركسيون جامد

الصوت يوطى لثانيه والعربية ترعش والصوت يعلى تانى ارخى الدركسيون شوية الصوت يهدى ويعلى على طول
ارجع اكسر الردسيون على الاخر يهدى الصوت والعربية ترعش كهرباء ويعلى تانى الصوت

قالى عليك وعلى الميكانيكى علشان دى مشكلة طرمبة الباور

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ

يا اصدقائى كدة الطرمبه ماتت والله يرحمها ولا اية الموضوع ؟؟؟

اللى مستغربلة الصوت تحس انه صوت ماتور صوت حاجة ميكانيكية مش موضوع طرمبه
وهل طرمبة الباور دى مكانها عند الدينمو ؟؟؟؟ علشان الصوت جاى من الجزء اللى فيه الدينمو

فى انتظار ارئكم قبل الذهاب الى الميكانيكى

تحياتى

**SYD** · 23-04-2013 02:28 AM

ماحنا لازم نسمع الصوت
مش هينفع علي الوصف

بس عموما هو متوقع يكون صوت الباور - لأن من اسرع الحاجات اللي بتبوز هي طرمبة الباور

وفعلا طرمبة الباور تحت الدينمو علي طول وبتدور معاه كمان علي نفس السير

كلنا هذا الرجل

والله المستعان
،
،

**ehab_mansour** · 23-04-2013 10:34 AM

السلام عليكم
الصوت انا سمعته لما اتقابلت مع استاذ محمود و هو مش صوت طلمبة الباور اللي بسمعه عند ابو السيد ولا كل الناس اللي طلمبات الباور بتاعتها بايظة

ده صوت خشونة بلي او بمعني اصح صوت نحرة بلية خلاص جابت اخرها و هتفرط قريبا .... و الله اعلم
توقعي الشخصي بلية شداد سير المجموعه او بلي الدينامو

**mahmoud ghanem** · 23-04-2013 11:13 AM

المشاركة الأصلية كتبت بواسطة SYD

ماحنا لازم نسمع الصوت
مش هينفع علي الوصف

بس عموما هو متوقع يكون صوت الباور - لأن من اسرع الحاجات اللي بتبوز هي طرمبة الباور

وفعلا طرمبة الباور تحت الدينمو علي طول وبتدور معاه كمان علي نفس السير

كلنا هذا الرجل

والله المستعان
،
،

هحاول ارفع صوت العربية
وجهز نفسك كدة علشان شكلى هروح لعصام الميكانيكى قريب
قدرك يا ابو محمود معايا

المشاركة الأصلية كتبت بواسطة zika99_eg

نفس اللي حاصل معي اول ما جبت العربية
بس نفضت
هو لحد دلوقت لما اجي اكسر الدركسيون علي الاخر العربية ترعش كهرباء وتسمع صوت زي صرخه السير
انا منفض لحد ما اظبط الكهرباء بتاعت العربية وبعدين ربتا يسهل

انا بردوا منفض للصوت هو مش مزعج على قد ما هو ملفت للنظر يعنى خنيق .. بس انا معنديش صوت صرخه هو بس الصوت النحره
ربنا يسهل وتبقى حاجة بسيطة

المشاركة الأصلية كتبت بواسطة ehab_mansour

السلام عليكم
الصوت انا سمعته لما اتقابلت مع استاذ محمود و هو مش صوت طلمبة الباور اللي بسمعه عند ابو السيد ولا كل الناس اللي طلمبات الباور بتاعتها بايظة

ده صوت خشونة بلي او بمعني اصح صوت نحرة بلية خلاص جابت اخرها و هتفرط قريبا .... و الله اعلم
توقعي الشخصي بلية شداد سير المجموعه او بلي الدينامو

الله ينور عليك يا هندسة انا نسيت انك سمعت الصوت فى المقابلة الاخيرة وتكلمنا فى الموضوع دة وهو دة الى خلانى اروح للكهربائى قلت اخلص من حاجة
حتى الكهربائى مفتحش كابوت العربية علشان يتأكد يعنى الراجل واثق واثق وهو دة اللى خلانى اشك ... لكن احساسى انها بليه يعنى متفق معاك بليه (دينمو - كاتينة )

وان شاء الله ابو السيد هيتعب معايا شوية لو فاضى نروح لعصام علشان نرسى على حل للمشكلة

**SYD** · 23-04-2013 11:43 AM

يا حودة انا عينيا ليك
انا النهاردة رايح لعصام - جاي؟
هروحله علي الساعه ٥ المغرب ان شاء الله
استناك ونروح سوا ؟

**mahmoud ghanem** · 23-04-2013 12:16 PM

المشاركة الأصلية كتبت بواسطة syd

يا حودة انا عينيا ليك
انا النهاردة رايح لعصام - جاي؟
هروحله علي الساعه ٥ المغرب ان شاء الله
استناك ونروح سوا ؟

انا بخلص شغل على الساعة 6 هينفع اعدى عليك ؟؟

-

الموضوع: مشكلة الصوت العالى للماتور بيظهر على السلانسيه

LinkBack

أدوات الموضوع

عرض

-

-

-

المواضيع المتشابهه

لما بولع النور العالى او الواطى ع السلانسيه العربيه بتوطى وبتترج

مشكلة الصوت العالى للكمبرسور

فيديو يوضح الصوت اللى بيظهر مع الفرامل نسيان تيدا

ارجو المساعده من ملاك اللانسر الشارك و من الخبراء بخصوص الصوت العالى

تمت صيانة الـ15.000 - غبور- وسياسة الصوت العالى والمعارف

الكلمات الدلالية لهذا الموضوع

المفضلات

المفضلات

ضوابط المشاركة