الموضوع: مشكلة فى طرمبة الباور والا الدينمو والا ايه؟؟ الصنيعية يشتغلوتتى

المشاركة الأصلية كتبت بواسطة elshafey

باختصار الموضوع ان فى صوت نحرشة ( بجوار السير بتاع المكنة وسير الدينمو) بيظهر معايا بقاله تقريبا شهر وانا مطنش
بس قولت اشوف كده ايه القصة رحت لواحد ميكانيكى قالى ده طرمبة الباور فيها بوش هو اللى بيعمل كده
وبصراحه الباور مابيعملش مشاكل معايا والزيت بتاعه مظبوط بس المشكلة فى الصوت
رحت لواحد تانى قالى البوش اللى موجود فى طرمبة الباور ده خفيف جدا وده العادى ومايعملش الصوت ده وروح عند واحد يشوف بلية الدينمو
رحت لكهربائى فك الدينمو قالى مافهوش اى حاجه
قالى شوف السيور
رحت شيكت على السيور الميكانيكى قالى كلهم سليم!!!
والصوت موجود دائما مع العربية سواء وانا ماشى او وانا واقف
لو ممكن حد يفدنى .. اغير طرمبة الباور ( مع العلم انى مش متاكد ان المشكلة من الباور والا لالا) والا امشى بيها كده وخاصة الميكانيكى قالى امشى عادى
انا خايف تعمل معايا اضرار بعد كده او تبوظ منى وانا فى الطريق
للعلم عربيتى دايو 99
واسف على الاطاله

أعتقد وانا مش خبير ف المسألة دي أنهم بيشتغلوك..

لأن لو الصوت زي لو ما نت بتقول..

المشاركة الأصلية كتبت بواسطة elshafey

" والصوت موجود دائما مع العربية سواء وانا ماشى او وانا واقف"

يبقي مالوش دعوة بالطرمبة, لأنها علي حد علي بتشتغل لما بتلف الدركسيون, أو عال أقل سوتها هيزيد لما تلف الدركسيون لو كان في صوت وهيا واقفة وصوت وأنت بتحرك.

كان فيه موضوع هنا ممكن تبقي تبص عليه هوا مالوش دعوة بمشكلتك بس انا اما شوفت اسم موضوعك أفتكرت الموضوع دا,
لأنه كان عنده مشكلة زي بتاعتك و الميكانيكية قالو لو علي مشكلتة انها علبة دركسيون, وأنو أكيد العيب منها وفي الاخر طلعت مشكلة ف العفشة !!

http://www.nilemotors.net/Nile/319613-1400.html

أقرا الموضوع هيفيدك بوجه عام عشان تاخد خبرة من الموقف, ومتقعش ف الغلط دا أنك,,, وأسئل في كذا مكان ومتبدأش شغل ف حاجة إلا أما تطمن انك وصلت لمكان الصوت او السبب بتاع الصوت.
عشان الصنايعية بتوعنا مبقاش عندهم ضمير ف التشخيص وبيكسلو يشوفو أيه المشكلة ويدور علي أكبر حاجة ويقولك غيرها,,
علي أمل أنها تكون السبب وتحل لك المشكلة وخلاص,, مع أنت بتقول أن الباور مفهوش مشاكل والزيت مش بيقل.!!

فا دور علي الصوت طالع منين بالزبط..
وأنا أعتقد ان اللي عندك حاجة من أتنين طالما الصوت بيطلع وهيا واقفة..
يا بلية خشنة وتبحث في الموضوع شوية لحد ما توصلها, يا أما سير او المكان اللي رابط البلية اللي عليها السير.

وأبقي طمنا عملت أيه.