الموضوع: استفسار عن السيريون

المشاركة الأصلية كتبت بواسطة Hosaam

طيب ده بالنسبة للتغيير أستاذ / bmya . طب بالنسبة للتزويد هل بتحتاج تتزود على فترات ، وهل نبقى نزود ميه فى الأربة و لا لأ ، يعتى بصراحة أنا عايز أعرف من حضرتك كنت بتعمل أييه بالضبط مع الميه خلال ال 72000 كم اللى عملتها بالعربية .

استاذ حسام انت تؤمر
بص يا سيدي انا الحمد لله من يوم ما جبت العربيه من الزيرو معملتش اي حاجه نهائي في المايه او الريدياتير يعني مجرد ببص عليها كل فتره ببص على القربه فقط بشوف المايه ناقصه ولا ايه وبفضل الله هي ما نقصتش في 5 سنين غير تكه يعني يدوب نزلت عن الF حاجه بسيطه وساعتها ممكن تزودها اما بمايه مقطره او لو معاك مايه مخففه ممكن تزودها منها وطبعا بتزود القربه فقط لان القربه بتغذي الريدياتير اصلا في حاله المايه نقصت فيه يعني موصلين على بعض فانت خليك متابع كده كل فتره القربه لو نقصت عن علامه الF جامد زودها زي ما قلت لك
انا كنت ناوي اعمل موضوع للعربيه من الزيرو لحد الان بس ربنا يسهل
انا اسمي شريف

هههههههههههه سبحان الله يعني لما انوي اعمل موضوع كلنا نفكر فيه في نفس الوقت
طيب يا احمد انا مستني اهو بس يارب اشوف الموضوع قبل مبيع العربيه بس