الموضوع: سيات ليون 2013 - تقرير حصري وافي بالصور والارقام والفيديو

المشاركة الأصلية كتبت بواسطة horas3000

العفو يا باشا علي ايه
و للاسف ال dsg لسه في مشاكل
و فر في المواضيع و ان تلاقي ان في الصين و في فرنسا حصل استدعاءات لكذه موديل لاصلاح عيوب فيه

بص يا بشمهندس شريف
يعني ايه استدعاء - ويعني ايه مشاركتي السابقة اللي بقول انهم بيطوروا فيه من 2007

شركة فولكس أول مرة قدمت الفتيس دة قدمته سنة 2003 في الجولف R32 وبعدها في الأودي TTوكان ساعتها الdsg ال6 سرعات (يعمل بالزيت او يطلق عليه wet)
وبعد كدة بدأ ينزل في الجولف والتوران التربو-ديزل سنة 2004 وفي نفس السنة نزل في الجولف GTI
وفي 2005 تحديداً في شهر أغسطس بدأت فولكس في تقديم جيتا بناقل الحركة DSG وكان اختيارياً وقتها
لحد 2006 كان الdsg بـ6 سرعات وحصد مع الجولف سواء GTI او GT جوائز بيئية من عدة منظمات
ابتدأ من 2007 بدأ انتاج DSG بـ7 سرعات وبردو نزل لأول مرة في الجولف وحقق جوائز بيئية أيضاً واخري في الأبتكارات والتطوير بس المرادي نزل جاف dry او بمعني تاني من غير زيت ودة كان له عدة مميزات منها تخفيض الوزن وزيادة الأحساس بالراحة والهدوء والتسارع وتخفيض الأستهلاك والأنبعاثات. ونسخ تانية منه نزلت wet لمحركات العزم الأكبر.

+ طب هل شركة فولكس بتبتكر وتخترع وتنزل المنتج تجربه في الزبون بتاعها ؟؟؟!!!
- الأجابة طبعا بلا

فولكس قبل ما تنزل المنتج بتاعها (الفتيس dsg سواء 6 او 7) في اي عربية من عربياتها أخضعته لأختبار الكفاءة ودة كان عبارة عن أختبار لأكثر من 60,000 ساعة.
وبعد ما طوروا فيه شوية جربوه علي أرض الواقع علي تراكات الأختبار الخاص بفولكس ودة كان أختبار أكثر قسوة لأختبار مدي ملائمته وكفائته في العمل - والأختبار كان لمسافة 2,000,000 كم والأختبار علي فكرة كان بردو علي عربية جولف
وفي 2007 بدأوا خطة الأنتاج المطور

وضحت كدة جزئية انهم بيطوروا فيه من 2007 ؟

طب كل دة كلام يعتبر بردو نظري - او علي الأقل من وجهة نظر واحدة - وهي وجهة نظر فولكس
لأنها أختبرت منتجها علي ارضها
لكن من ناحية اخري الطلب عليه بدأ يزيد جدا - لدرجة انهم رفعوا الأنتاج من 750 وحدة يومياً إلي 1500 وحدة يومياً وعندهم خط انتاج تاني بينتج بردو 1500 وحدة من النسخة ال6 سرعات.
دة غير الريفيوهات والتقييمات من المجلات والبرامج الرياضية والمهتمة بمجال السيارات.

وفوق كل دة
اي عميل لشركة فولكس بيشتكي من فتيسه - بياخدونه منه (من اي دولة في العالم) ويبعتوه لمعامل أختبارات وتطوير فولكس - ويمسكه الفتيس يفرموه ويفككوه (الفتيس 400 قطعة في بعض) ويحاولوا يوصلوا للمسبب للمشكلة.
واول لما بيوصولوا لحاجة - بيحطوها في الأعتبار في خطة الأنتاج والتطوير
عشان كدة الفتيس سنة بعد سنة بيتطور اكتر وبيتحسن أداءه
والنهاردة مشاكله قلت كتير عن الأول - وبكرة ان شاء الله هتبقي اقل كمان من النهاردة

هشوف انا موضوع الأستدعاء دة وهرد عليك

تحياتي