اولا انا ليا تعليق صغير بس على العنوان لأن ملاحظ ان 3/4 العربيات فى مصر بقت رياضية الاداء والعفشة الرياضية والكلام دة ونسينا ان اقل مواتير واقل مواصفات هى اللى بتجلنا
يعنى لما اللانسر ال 1.6 بقت موتور رياضي طيب ال evo تبقى اية !!! انا مبتكلمش على اللانسر تحديدا انا بضرب مثال بما ان الموضوع عنها انما لو اى حد قلب هنا فى النتدى هيلاقى ان كل فئة ال 1.6 فى مصر بقت رياضية , اى واحد قبل ميقول عربيتة رياضية ولا لأ يدور على النت ويشوف عربيتة بتنزل بمواتير ومواصفات اية برة وبعدين يبقى يحكم
نيجى للموضوع الاصلى
- موضوع ال overlap او تداخل الصمامات او ان صمام يفتح بدرى ويقفل متأخر دة فى كل المواتير ملوش دعوة بأنظمة ال VVT .
اى صمام سواء سحب او عادم مش بيفتح عند اخر المشوار بالظبط TDC & BDC لازم يحصل overlap بزوايا معينة حسب التصميم (بتيقى بين 10 و 20 درجة)
صمام السحب بيفتح قبل فى نهاية شوط العادم قبل TDC للسماح للشحنة الجديدة بطرد بقايا غاز العادم"residual gases" الموجودة داخل الاسطوانة وبيقفل فى بداية شوط الضغط بعد BDC للسماح بدخول اكبر قدر من الشحنة الجديدة وذلك لزيادة الكفاءة الحجمية
بالنسبة لصمام العادم بيفتح بدرى قبل ال BDC فى تهاية شوط التمدد للسماح بخروج بعض الغازات وذلك لتقليل ضغط العادم وبالتالى تقليل الشغل السالب او القدرة المفقودة فى دفع المكبس لغازات العادم لطردها وبيقفل متأخر بعد ال TDC فى بداية شوط السحب وذلك للسماح للشحنة الجديدة بطرد اكبر كمية من ال residual gases .
ال VVT بأنواعة بيظبط فتحة الصمام حسب الحمل والسرعة لتحقيق اعلى كفاءة ممكنة .
نيجى لموضوع اقصى عزم وعلاقتة بال RPM
مش معنى ان الموتور اقصى عزم اية عند RPM عالى انة يبقى موتور شد وجرى وعمرة الافتراضى طويل بالعكس دة ميزة انة يبقى اقصى عزم عند RPM واطى واقصى قدرة عند RPM عالى وذلك لزيادة مرونة المحرك وبالتالى عمرة
بورش 911 تربو: اقصى قدرة 480@ 6000 , اقصى عزم 680 @ 2100
BMW 320 سبورت : اقصى قدرة 150 @ 6200 , اقصى عزم 200 @ 3600
لانسر 2008 1.6 : اقصى قدرة 98 @ 5000 , اقصى عزم 150 @ 4000