ألف شكر على مجهوداتك
ألف شكر على مجهوداتك
جزاك الله خيراً
شرح واضح ومفيد واكثر من رائع
100 نجمة
معلومات في الجون
ألله ينور عليك يا معلم:colsmil:
الف شكرااا ياباشا على موضوع الجامد
اولا اعتذر عن التأخر فى الرد ... و كل عام وحضراتكم بخير
لكى نعرف الفرق بين الكامه الواحدة (sohc) و الكامتين (dohc) اسمحلى اولا ان اوضح الوظيفة المطلوبة من الكامة
كما نعرف جميعا ان هناك صبابت ماخذ (خليط الهواء و البنزين) و صبابات كسح عادم (طرد نواتج الاحتراق) ... و كما نعرف الصباب ماهو الا جسم معدنى يكون محمل على سوسته دائما مضغوط و فى الوضع المغلق ... و كما نعرف فى المحركات رباعية الاشواط يكون هناك شوط السحب (سحب الخليط) وهذا عندما يكون البستون يتحرك فى اتجاة النزول (يجب ان تكون صبابات الماخذ مفتوحة وصبابات العادم مغلقة) ... ثم يأتى بعدها شوط الانضغاط (البستون يكون فى حركة لاعلى و جميع الصبابت مغلقة) ... ثم يأتى شوط الانفجار (البوجيه يعمل الشرارة و ينفجر الخليط و يندفع البستون لاسفل) ... ثم يأتى شوط الكسح (حيث تفتح صبابات كسح العادم و يتم كسح نواتج الاحتراق خارج السلندر بواسطة حركة البستون لاعلى)
الجزء الذى يفتح و يغلق الصباب هو الكامه (التعريجات الموجودة على عامود الكامه)
كل ما سبق شرحة هو نظرى ولا يوجد فى الحقيقة ؟؟؟ .. الواقع ان عند مثلا 3000 ار بى ام يتم 750 شوط سحب و 750 شوط كسح فى الدقيقة ... يعنى بحسبة بسيطة مطلوب من الصباب ان يتحرك حوالى 12 مرة فتح و 12 مره غلق (اى حوالى 24 حركة فى الثانية) ... ونظرا لهذة السرعة الترددية العالية (من فتح كامل .. الى اغلاق كامل) يلزم ان يكون الصباب خفيف جدا فى الوزن و السوسته تولد ضغط كافى للغلق
طيب كيف يتم تحرك عمود الكامة.. الاجابة بواسطة (سير الكاتينة) و هو سير يربط حركة (عمود الادارة .. الكرنك) بعمود الكامة ... والتسمية الصحيحة لهذا السير (سير توقيت حركة الصبابات) لان عدم ضبط توقيت وضع الصباب مع وضع البستون لا يؤدى الى تحقيق الاربعة اشواط النظرية السابق شرحها (ما نسميه بالبلدى تقسيم الكامه) ... الواقع ان مافيش شوط صريح مأخذ او شوط صريح كسح ... بل يتم حصول تداخل (فى الحالات الصارخة لهذا التداخل حضرتك ساعات بشوف فى عربيات السباق نار خارجة من الشكمان .. وده معناة ان التداخل كبير بين شوط الانفجار و شوط الكسح)
طيب قد ايه يعمل المصمم التداخل ده بين الشواط ؟ هذا يعتمد على الغرض من السيارة .. هل مطلوب قيادة رياضية (يعنى المهم تعظيم شوط الكسح علشان لما يجي دور شوط السحب تكون السلندر فاضية من العادم و تقدر تسحب اقصى كمية ممكنة من الخليط) وللا القيادة الاقتصادية (تعظيم شوط الانفجار) وللا القيادة المتوسطة بين الاثنين (كل العربيات اللى بنركبها) ...
طيب ايه بقى مميزات ال sohc ... خفيفة الوزن وبالتالى سرعة استجابة اسرع فى ال ار بي ام الواطى (يعنى تجميع اسرع) ... ايه عيوبها ؟ ... لما تكون العربية 4 صباب لازم تكون ال sohc في نص البلوك فوق البساتم ... يعنى البوجية لازم يدخل السلندر مائل بزاوية و لازم راس البستون يكون مخروط بزاويه تساعد على الكسح ... طيب تفرق فى ايه دى ؟ ... على ال ار بى ام العالى مش بنسغل كل سطح البستون فى الكسح
طيب اية مميزات ال dohc ... اولا عندك كامة لصبابت السحب و واحدة لصبابات الكسح .. يعنى البوجية ممكن يكون بالظبط فوق السنتر بتاع البستون و البستون بيكون مخروط بطريقة تماثلية تستفيد قوى من كل السطح ... الاهم انك بسبب وجود كامتين ممكن تعمل فرق توقيت متغير ... و هو دة السبب ان اغلب الموتورات الجديدة فيها ميزة ال vvt اى التوقيت المتغير
النتيجة ... ال dohc اغلى فى التمن و احسن فى ال ار بم العالى و صيانتها اسهل و لا بديل عنها فى ال vvt وتساعد على عمل تعديل فى تقسيمة الكامات علشان كل كامة لها السير بتاعها فممكن تقدم وتأخر توقيتات الصبابت بسهولة (اداء اكثر رياضية بس على حساب الاستهلاك طبعا) و ممكن التغلب على التأخير فى التجميع على ال ار بى ام الواطى (بس على حساب العزم فى ال ار بى ام العالى)
اما ال sohc فنظريا بتدى استجابة احسن فى ال ار بى ام الواطى و لا يمكن معها استعمال ال vvt و لايمكن عمل تعديل فى تقسيمة الكامات (اى تعديل فى التقسيمة يلزمة شراء عمود كامة جديد)
طبعا اى تعديل فى التوقيتات لايتم بالبركة ويلزم وجود جهاز قياس عزم (اسمه داينوميتر) وغير متوفر فى مصر (يمكن عمل التعديل من غير داينو فى حال وجود kit للعربية بتيجى معاها التروس او عامود كامة جديد متعلم عليها التقسيمة الرياضية اللى بتكون اتجربت على الداينو فى بلادها على الموديل المشابة ... موجود على النت اشكال و الوان لاغلب العربيات اليابانى)
اتمنى ان الشرح يفيد الاغلبية مننا و تحياتى للجميع
كلام جامد والموضوع شيق للغاية ولكن...
من مشاهداتى للانسر البوما ملا حظ ان اهم ميزة فيها انها حمار شغل
من حيث عفشة او ماكنة
وعيوبها كالاتى السحب بطىء وسيبك من كلام rpm عالىوواطى والكلام ده كله انا ليا اركب العربية واشد بييها وده معناه انى بمشى على rpm عالى الاقى العربية تسبق وده فى اكثر الاحيان ما بيحصلش فى البوما
ثانيا العزل بتعها سىء ومرهقة جدا فى المسافات الطويلة وفيها مشكلة فى الثبات بعد 120 تحس انك محتاج تركب على الدريكسيون علشان تفضل متحكم فيها كويس
ثالثا غالية جدا عن قيمتها الحقيقية بصراحة اللى بيدفع فيها ده كتير جدا على قىمتها ما تستهلش اللى بيدفع فيها
اخيرا ربنا يسترها معانا ومعاكم على الطرق بتعاتنا دى اللى ممكن تكون بتظلم العربيات بيها
موضوع ممتاز وضح حاجات مهمة
شكراا
الله ينور علي المعلومات ، انا اول مرة افهم موضوع اقصي عزم ده و جزاك الله خيرا بس معني كده انه عكس القوة بالحصان حيث انه كلما زادت القوة الحصانية عند عدد دورات موتور اقل كان ذلك افضل كقوة موتور
شكرا ياباشا معلومات قيمة جدا