الموضوع: وقفت فجأة .. واللي ورايا مخبطنيش !! .. ( موضوع فكاهي)

انا واحده من الناس الي بتسوق عربيه وغربيه لما ببقي سايقه الاقي الناس بتبعد كانها بتناءي بنفسها من الشر الي ممكن يحصلهم ودايما عربيتي ترجع لورا والاقي حد بيزعق وعلي عاده كل البنات اللي بتسوق اعمل نفسي مش سامعه تهزيءي بودني وكمان عشان في الزحمه عشان ارجع امشي بالعربيه بدوس علي النزين بطريقه غريبه تسمع صوت البنزين لاخر الشارع ههههههههههه ربنا يكفيكوا شر واحده بتسوق هههههههههه

هههههههههه موضوع متكرر يوميا معنا ولكن حضرتك كاتبه بطريقه جميله ومشوقه ، انا برضه بحاول انى اسيب مسافه بينى وبين العربيه اللى قدامى ولكن كلاكسات الناس وزعيقهم ومحاوله البعض اقتناص هذه المسافه مخلينى خلاص بقيت تقريبا زيهم . فى مصر فى قواعد خاصه بينا فقط للسواقه لازم نمشى عليها واما نبقى حاله شاذده

هي عدت المرة دي بس عشان المرة الجاية ما يغركش طريق فاضي من غير ما تكون كاشف اللي فيه كويس

المشاركة الأصلية كتبت بواسطة gamal2000

هى دى ياباشا فعلا اتوبيس وفيها منها الحديثة طبعا وفيه احجام اصغر بس بصراحة عربية محترمة جدا بس اللى فى مصر بيملى التانك بتاعها بكام الله يكون فى عونه

اسلوبك رائع جداا

بالنسبة للعربيات دى بيرخصوها على انها اتوبيس خاص .بس لو اتأمن عليها بيأمن بالسعر الاصلى + الجمارك

انا مرة كنت فى صلاح سالم وواقفين ومحدش بيتحرك وفجأة عربية شرطة من العالية دى خبطت في الشنطة ..البيه فلتت الفرامل منه والعربية واقفة

المشاركة الأصلية كتبت بواسطة graffittiii

السلام عليكم ...

الأخوة المواطنون ,
في ظل أجواء القيادة المرحة التي تعيشها بلادنا الحبيبة , كان لي الموقف التالي .
أقود السيارة في وقت الذروة ( من ساعتين ونص تقريبا ) ... الطريق تقريبا لايتحرك
الجميع ينفذ التطبيق المنهجي لنظرية ( fill the gap إملأ الثغرة ) بحذافيرها ... وأنا معهم .
وفجأة يتكشف الطريق عن 12 متر خاليه علي الحارة اللي علي شمالي .
من سيملأ الثغرة ؟ ... محدش ؟ ... قلبي الصغير لايتحمل ...
طيران ع الحارة الشمال للإستمتاع بـ 12 متر من التسارع لأجد في منتصفها قالب طوب كبير .. ياولاد الإيه
abort mission وتوقف حاد مفاجئ .

ملحوظة :
عزيزي قائد السيارة في محيط جمهورية مصر العربية
حذاري إنهم لايرحمون ولايسامحون ولايخطئون التصويب ... توقف واحد مفاجئ معناه أنك ترفع المغامرة بشنطة سيارتك إلي مستواه الأقصي .
في حالة أن تلك المسكينة كانت بدون شنطة بالفعل ( هتشباك ) فإنك تغامر بإستضافة الغرباء القادمون من الخلف في مقصورتك الرئيسية .

ولإنني أدرك هذه الحقائق بالفعل ... ولأن التوقف كان حاد ومفاجئ .. أغمضت عيني للحظة منتظرا تلقي العقاب الذي لم يبدو أنه سيتأخر خاصة مع صوت زحف قادم من الخلف .
نظرة خاطفة للمراية لأجد إلنترا hd فضي تتوقف قبل الإصطدام بقليل ...

يبدو أنكم نسيتم أنهم لايرحمون ولايسامحون ولايخطئون التصويب ..

إن كان قائد الإلنترا قد فشل في تنفيذ مهمته فهناك حتما خطة بديلة للتأكد من أنه لن يكرر فعلته ويسامح أحدا ..
لم تمر اللحظة الثانية حتي أستقبلت الإلنترا طعنة من الخلف من تاكسي شاهين .

كنت ناوي أنزل أقف مع بتاع الإلنترا وخاصة إني حاسس بالذنب جزئيا .
لكن نظرة أخري علي المراية التي لم تكفي لإظهار راكب الإلنترا كاملا كانت كفيلة بطرد الفكرة تماما .

وخاصة أن ذلك الضخم لم يبدو أنه قادر علي التفاهم وتوجه تلقائيا للتاكسي لتنشب بينهم مشادة كلامية بسيطة ... لم يكن بأي منهما خسائر تستدعي الإنزعاج .
لكن قائد التاكسي كان قد أوضح مغزاه .. إن سامحت لن يسامحك أحد .

أحيانا بشوف حوادث علي الطريق تلاقي 7 عربيات صف خبطو في بعض ..
طيب واحد مكنش سايب مسافة ... أو أتنين ... لكن كل دول !!!

الحوار مفتوح للجميع ... عمرك وقفت فجأة واللي وراك مخبطكش ؟ .
.

السلام عليكم
يا باشا انا حاسس ان انت بتقول خيال علمى
انا مرة واقف فى اشارة بقالى 3 دقائق وبالليل الساعة ( 1 ) و انا لوحدى وجة تاكسى ابيض جديد
ودب فى الاكصدام نزلت وكنت هتشل يا عم عندك 3 حارات فاضيين وانا لواحدى فى الاشارة اية انت بتعمل اية
وقعد يعتذر والى انت عايزة واى تكاليف انا تحت امرك وانا هموت من الغيظ
وبس ومشيت وامرى الى الله
فانا مبسوط جدا ان فية حد بيسوق وواخد بالة ومركز فى الطريق غيرى
وربنا يسترها علينا جميعاً