حصلت معاي مدخل حدايق الاهرام بوابة خوفوا انا وقفت لكن اللى ورايا خبطني واتخبط

برينو ميجان هاتش باك بس الله اكبر من يومها وانا بحب الميجان وهجيبها ان شاء الله

كنا ماشيين وفى يوترن بعد البوابة اللى تلف منه وتدخل البوابه وانا اصلا هادخل البوابة وواخد حارتي وكله تمام وقدامي عربية ع اليوترن

جه واحد بافيو من اليمين قطع مره واحده علشان ياخد اليوترن شكله كان ناسي ودخل اليوترن سريع لقى تريلا جاية راح واقف

اللى قدامي عربية صيني مش عارف ماركتها
قام بتاع الصيني كبس فرامل سند الافيو حاجه بسيطه مش باينه قمت انا وقفت وكله تمام ورفعت فرامل اليد ما هينزلوا بقى يتخانقوا مع بعض ومسكت كوباية شاى وهتفرج مرة بالظبط مفيش ثواني كدا يدوب بمد ايدي ع الشاى وهوب مرسيدس 200 قديمه لبست فى من ورا وهوب دايو لانوس لبست فيه من ورا الحمدلله فرامل اليد كانت اترفعت ورجلى ع الفرامل فمتحركتش من مكانى والا كنت لبست فى الصيني اللى قدامي

نزلت قلت هوبا كدا العربيه هتبقى اتنين باب والكنبه اللى ورا هلاقيها فى الشنطة

المرسيدس هتحتاج رداتير لانه بتاعها نصين ومروحة وكشافين قدام وزجاج امامى وخلفى

انا بصيت على عربيتي لقيتها حتة الفيبر اللى فوق الشكمانين وقعت رحت مركبها بتركب ضغط واتحركت لقيت تخبيط

اتضح فيما بعد ان الخبطه جات فى العجلة الشمال معظمها فكسرت المساعد وعوجت اليمين وربك الستار