الموضوع: وقفت فجأة .. واللي ورايا مخبطنيش !! .. ( موضوع فكاهي)

المشاركة الأصلية كتبت بواسطة dem0

حصلت معاي مدخل حدايق الاهرام بوابة خوفوا انا وقفت لكن اللى ورايا خبطني واتخبط

برينو ميجان هاتش باك بس الله اكبر من يومها وانا بحب الميجان وهجيبها ان شاء الله



جه واحد بافيو من اليمين قطع مره واحده علشان ياخد اليوترن شكله كان ناسي ودخل اليوترن سريع لقى تريلا جاية راح واقف

اللى قدامي عربية صيني مش عارف ماركتها
قام بتاع الصيني كبس فرامل سند الافيو حاجه بسيطه مش باينه قمت انا وقفت وكله تمام ورفعت فرامل اليد ما هينزلوا بقى يتخانقوا مع بعض ومسكت كوباية شاى وهتفرج مرة بالظبط مفيش ثواني كدا يدوب بمد ايدي ع الشاى وهوب مرسيدس 200 قديمه لبست فى من ورا وهوب دايو لانوس لبست فيه من ورا الحمدلله فرامل اليد كانت اترفعت ورجلى ع الفرامل فمتحركتش من مكانى والا كنت لبست فى الصيني اللى قدامي

نزلت قلت هوبا كدا العربيه هتبقى اتنين باب والكنبه اللى ورا هلاقيها فى الشنطة

انا بصيت على عربيتي لقيتها حتة الفيبر اللى فوق الشكمانين وقعت رحت مركبها بتركب ضغط واتحركت لقيت تخبيط

اتضح فيما بعد ان الخبطه جات فى العجلة الشمال معظمها فكسرت المساعد وعوجت اليمين وربك الستار

الحمدلله إنها جت علي كده ... نورت ياباشا .

المشاركة الأصلية كتبت بواسطة rania mohamed

انا واحده من الناس الي بتسوق عربيه وغربيه لما ببقي سايقه الاقي الناس بتبعد كانها بتناءي بنفسها من الشر الي ممكن يحصلهم ودايما عربيتي ترجع لورا والاقي حد بيزعق وعلي عاده كل البنات اللي بتسوق اعمل نفسي مش سامعه تهزيءي بودني وكمان عشان في الزحمه عشان ارجع امشي بالعربيه بدوس علي النزين بطريقه غريبه تسمع صوت البنزين لاخر الشارع ههههههههههه ربنا يكفيكوا شر واحده بتسوق هههههههههه

خليهم ينؤ أحسن من لما إنتي اللي تنئ هههههههه
نورتي التوبيك .

المشاركة الأصلية كتبت بواسطة aouelfotouh

السوقه فى مصر كا السوقه فى الادغال كفايه البلليع الى فى نصف الشارع وى وقعه نصف متر عن الشارع والحمد الله انا بحول اعمل مسافه 2

نورت ياباشا .

المشاركة الأصلية كتبت بواسطة وائل مختار

هههههههههه موضوع متكرر يوميا معنا ولكن حضرتك كاتبه بطريقه جميله ومشوقه ، انا برضه بحاول انى اسيب مسافه بينى وبين العربيه اللى قدامى ولكن كلاكسات الناس وزعيقهم ومحاوله البعض اقتناص هذه المسافه مخلينى خلاص بقيت تقريبا زيهم . فى مصر فى قواعد خاصه بينا فقط للسواقه لازم نمشى عليها واما نبقى حاله شاذده

نورت التوبيك ياكبير .