رسوم الباركينج يا استاذ

**احمد المصرى** · 24-04-2013 09:27 AM

انا شايف ان صاحب الموضوع مش فارق معاه الجنيه او العشره جنيه ال ممكن يدفعا فى باركينج هو فارق معاه الاسلوب بتاع البلطجه يعنى ايه رسوم باركينج يا استاذ المفروض ان دا شارع من مكان بلطجه ولو هدفعله هدفعله بمزاكى مش فرض عليا وعلشان خايف منه

**SAMEH_FOUAD** · 24-04-2013 10:02 AM

ياجماعة انتوا بتهاجموا صاحب الموضوع لية , هو عندة حق فى كل اللى عملة

الناس دية بتاخد اماكن فى الشارع من حقى وحقك انك تركن فيها , وتحاسبك عليها وياريت بيرضوا بأى حاجة تديهالهم انما مسعرينها وكانت 5 جنية ودلوقتى وصلت 10 جنية وبياخدهم مقدم كمان , ومش عاجبك هتلاقى الحبايب جاية توجب , وفى الاخر هتقلق تسيب العربية وهتضطر تشوف مكان تانى , مش هو دة اللى بيحصل

مرات كتير الواحد بيبقى عايز يركن الاقى واحد طلعلى من تحت الارض يقولى الركنة هنا ب10 جنية بأاستاذ , واحيانا تلاقى واحد بيقولك سيب المفتاح

وهو ولا معاة رخصة بأدارة هذة المنطقة باركنيج ولا اى حاجة ولا حتى تذكرة تثبت حقك انك كنت راكن هنا اصلا

خلى الناس دية تتعلم شوية , احنا اللى عملنا فيهم كدة الخوف والسلبية هما اللى خلاهم يستغلونا , ويسرقونا فى عز النهار وهما عارفين ومتأكدين ان مافيش حد هيتدخل

واصلا بتاع الباركينج بيبقى مش واقف قدام العربية دة بيبقى ماسك صف طويل عريض وممكن تلاقية واخد الفلوس ومايجيش ناحية العربية تانى

صاحب الموضوع اتصرف صح , وحتى لو شتم الراجل , هو مابدأش غير لما الراجل التانى قالة لو جيت هنا تانى هكسرهالك وشوف كمان قعد يبرطم بأية مادية عالم مش متربية اصلا وماتعرفش حاجة فى حياتها غير الاستغلال , وفاكرينا بنلاقى الفلوس فى الشارع واحنا ماشيين عشان يطلب مننا 10 جنية ولا 5 جنية باركينج حتى لو هتقف عشر دقائق ولو مدفعتش , يبقى تمشى من هنا والا هتاخد اللى فية النصيب وبهدلة نفسك والله اعلم هتوصل لأية تانى

**محمد يوسف** · 24-04-2013 10:19 AM

المشاركة الأصلية كتبت بواسطة ahmed12345678

انا مش صاحب الموضوع غلطان فى حاجة
هو عمل الصح والعواطلية الى واقفبن يلموا فلوس من غير ميعملو ا حاجة دول محتاجيم وقفة ويخدوا على دماغهم
وبالنسبة لصاحب الموضوع بخصوص قصة سواق الميكروباص
فانا كنت قراتها وصاحب الموضوع صح فى الى عملة بردة ، البلد محتاجة تنضف والشرطة مش قادرة تعمل حاجة حتى لو عاوزة تعمل لان هيبتهم راحت
هتقولى البلد هبقى غابة ..........مهى فعلا بقت غابة
بي الفرق بين وبين الاشكال بتوع سواقين الميكروباص انهم الى بيرموا بلاهم عل الناس
لكن احنا مش بنعمل دة احنا بندافع عن نفشنا ضد الاشكال دى
انا احى صاحب الموضوع على ايجابيته واطالبة بالاستمرار وربنا يقدرنى واعمل زية
وعلى فكرة انا احويا ا بيعمل كدة بردة
وافتكر اخويا من حوالى سنه سواق تريله خلاط اسمنت من الجاهز خبط فى عربيته اخويا الماتريكس من ورا
ودمرلة الشنطة والرفرف والاكصدام والفانوس الخلفى وكمان الفبر الى جوة الشنطة ومعدوش نافعين وعاوزين يتغيروا غير الدوكو فانا واخويا مسبناش السواق يمشى وحجزنا العربية بالقوة
لغاية ما حضر مهندس ومحاسب ورئيس العمال من الشركة صاحبة التريله
فالمحاسب بيقول لاخويا العربية عاوز كام علشان تصليح العربية فاخويا قالة مش اقل من الفين جنية ودة طبعا اقل من المستحق لان العربية كلفتنا اكتر من كدة
فالمحاسب فالة لية هى العربية حصل فيها اية
هو قال كدة وعينك ماتشوف الى النور واخويا طاح فيهم كلهم من المهندس للمحاسب لرئيس العمال ومحدش بقى قادر علية لغاية ما المحاسب طلع الفلوس وطلع يجرى
هى البلد دى كدة مفيهاش حق الا بالدراع
غير كدة هتتاكل

الموقف اللى حصل مع حضرتك انت صاحب حق فيه و مختلف تماما عن الموضوع اللى اتحذف.. اللى لو كنت فعلا قريته أكيد حاتفتكر ان بدايته ان صاحب الباشا قال له تعال ننزل نعمل حفلة على سواق الميكروباص عشان كان واقف يحمل ركاب قدامهم..وانهم ضربوا السواق بافترا (حسب وصفه) لمجرد انه قال للباشا انت مابتعرفش تسوق !!! وبعد ماضربوه قال لك سبناه مرمى فى الأرض ورحنا نكمل سهرتنا عادى (كأنهم ضربوا ناموسة).. وختم الموضوع بكلمة (عقبال اللى بعده)... وفيه موضوع ليه قديم ضرب واحد وعوره لمجرد ان الراجل طلب منه يقفل شباك الميكروباص اللى جنبه لأنه عيان على ما أتذكر وهوا الشباك بيتعبه والباشا صمم يفضل فاتحه عنادا
ياترى حضرتك شايف ان كل ده صح ؟

**محمد يوسف** · 24-04-2013 10:31 AM

المشاركة الأصلية كتبت بواسطة ahmed metwaly

انا طلب حذف الموضوع عشان مزعلك مش اكتر بس تقريبا انا عملت اعتبار لحضرتك وحضرتك مصمم تغلط بردو فيه
ههههههههههههههههههههههههه هههههههههههههه
وقولت لحضرتك انا محدش غلطني غيرك انت وعضوين تنين من ضمنهم xman والاستاذ كمال تقريبا
ولو سعتك شايف اني بفتري علي الناس دي وجهة نظرك وانا مش هغير اسلوبي لاني مش شايف اني بغلط وطول ما ان مش ببتدي بالغلط والي غلط يتأدب لما اغلط ابق اتأدب

أنا متشكر ياباشا انك عملت لى اعتبار..ولو ان الكلمة دى تعتبر اهانة - لو مش واخد بالك - والأذوق انك تقول عملت لك خاطر مثلا... بس عموما أنا مش باغلط فيك ولا حاجة كلنا محتاجين لاستشارات نفسية سلوكية بدرجات متفاوتة بس حضرتك من متابعتى لموضوعاتك عندك كام نقطة محددة محتاجين تشتغل عليهم .. مش حاكتبهم هنا عشان ماتفتكرنيش باغلط فيك بس لو مهتم راسلنى ع الخاص وأنا أقول لك عليهم
وصدقنى لو الموضوع اللى اتحذف كان بنفس وصفك ليه يبقى انت محتاج استغفار كتير واسترضاء للراجل أو صدقة بنية الاستغفار

**محمد يوسف** · 24-04-2013 10:34 AM

المشاركة الأصلية كتبت بواسطة ahmed metwaly

صحيح يا باشا مرتباتهم زادت وقاعدين في بيوتهم
عشان كدا الرصاص بيدخل ليهم جوه بيوتهم وبيموتو ولي المطاوي والسنج الي بينضربو بيها في جسمهم
باشا حضرتك انا ليه اصحابي ظباط شرطه وقرايب ظباط شرطه ومناصب كبيره اقسم لحضرتك بالله بتوصل ايام مش بيروح بيته ودا انا شوفته بعيني

اللى حضرتك بتقوله ده مثالى ونادر حاليا..الداخلية بقالها سنتين بتعاقب الشعب عشان الثورة وعشان تكرس فشل الاخوان وكل مصر بتدفع التمن .. أقسم بالله بمنتهى راحة الضمير ان أكتر ناس بتاكل حرام حاليا فى البلد هى الداخلية ..وبجد محتاجين نسف شامل مش تطهير بس

**محمد يوسف** · 24-04-2013 10:52 AM

المشاركة الأصلية كتبت بواسطة sameh_fouad

ياجماعة انتوا بتهاجموا صاحب الموضوع لية , هو عندة حق فى كل اللى عملة

الناس دية بتاخد اماكن فى الشارع من حقى وحقك انك تركن فيها , وتحاسبك عليها وياريت بيرضوا بأى حاجة تديهالهم انما مسعرينها وكانت 5 جنية ودلوقتى وصلت 10 جنية وبياخدهم مقدم كمان , ومش عاجبك هتلاقى الحبايب جاية توجب , وفى الاخر هتقلق تسيب العربية وهتضطر تشوف مكان تانى , مش هو دة اللى بيحصل

مرات كتير الواحد بيبقى عايز يركن الاقى واحد طلعلى من تحت الارض يقولى الركنة هنا ب10 جنية بأاستاذ , واحيانا تلاقى واحد بيقولك سيب المفتاح

وهو ولا معاة رخصة بأدارة هذة المنطقة باركنيج ولا اى حاجة ولا حتى تذكرة تثبت حقك انك كنت راكن هنا اصلا

خلى الناس دية تتعلم شوية , احنا اللى عملنا فيهم كدة الخوف والسلبية هما اللى خلاهم يستغلونا , ويسرقونا فى عز النهار وهما عارفين ومتأكدين ان مافيش حد هيتدخل

واصلا بتاع الباركينج بيبقى مش واقف قدام العربية دة بيبقى ماسك صف طويل عريض وممكن تلاقية واخد الفلوس ومايجيش ناحية العربية تانى

صاحب الموضوع اتصرف صح , وحتى لو شتم الراجل , هو مابدأش غير لما الراجل التانى قالة لو جيت هنا تانى هكسرهالك وشوف كمان قعد يبرطم بأية مادية عالم مش متربية اصلا وماتعرفش حاجة فى حياتها غير الاستغلال , وفاكرينا بنلاقى الفلوس فى الشارع واحنا ماشيين عشان يطلب مننا 10 جنية ولا 5 جنية باركينج حتى لو هتقف عشر دقائق ولو مدفعتش , يبقى تمشى من هنا والا هتاخد اللى فية النصيب وبهدلة نفسك والله اعلم هتوصل لأية تانى

طبعا من حقه مايدفعش ومن حقك تعتبر السايس بلطجى ومتفق معاك ان الراجل غلط بالكلمة اللى قالها بس خد بالك ان كلنا بنتعرض للناس دى كل يوم وبتختلف ردود أفعالنا وفيه مدرستين فى الموضوع ده وكلتاهما وجهة نظرها تحترم..حضرتك ومعاك كتير من مدرسة ان دول صيع وبلطجية وحرام فيهم الفلوس وأنا ومعايا ناس تانية من مدرسة ان الجنيه أو الاتنين اللى حاديهوله باعتبره صدقة مخفية ممكن ربنا يكفينى بسببها شر الطريق (بس طبعا مش خوف من البلطجة) .. وعلى فكرة مش كل مرة بادفع بس حتى لو مادفعتش باقول كلمة طيبة (الكلمة الطيبة صدقة) زى معلش المرة دى..تتعوض المرة الجاية..سامحنى مامعاييش فكة..الخ من باب احترام الأدمية ..أو باقفل قزازى وامشى من سكات ...لكن بص معايا بقى على اللى مش طبيعى :
1- أصل الراجل صف سنانه واقع ودقنه بيضا وشكله معفن ... هل الكلام ده صح؟
2- جبته من أول الشارع لأخره جرى ورا العربية..كل شوية أقف ولما يقرب أطلع أجرى... ترضاها؟
3- كنت عايز أفحط فى وشه ...بأى حق ؟
4 - خد بالك ان الراجل ماقالش تهديده غير بعد ما الباشا جابه جرى طول الطريق ورا العربية عشان الراجل طمعان فى جنيه
5- طلعتله صباعى من الشباك .... ده كلام محترم؟
6- وبعد ده كله ما اكتفاش لف ورجع للراجل الغلبان يهدده بالفرم تحت العربية

ياريت بقى تحكم بجد دلوقتى

**SAMEH_FOUAD** · 24-04-2013 12:43 PM

المشاركة الأصلية كتبت بواسطة محمد يوسف

طبعا من حقه مايدفعش ومن حقك تعتبر السايس بلطجى ومتفق معاك ان الراجل غلط بالكلمة اللى قالها بس خد بالك ان كلنا بنتعرض للناس دى كل يوم وبتختلف ردود أفعالنا وفيه مدرستين فى الموضوع ده وكلتاهما وجهة نظرها تحترم..حضرتك ومعاك كتير من مدرسة ان دول صيع وبلطجية وحرام فيهم الفلوس وأنا ومعايا ناس تانية من مدرسة ان الجنيه أو الاتنين اللى حاديهوله باعتبره صدقة مخفية ممكن ربنا يكفينى بسببها شر الطريق (بس طبعا مش خوف من البلطجة) .. وعلى فكرة مش كل مرة بادفع بس حتى لو مادفعتش باقول كلمة طيبة (الكلمة الطيبة صدقة) زى معلش المرة دى..تتعوض المرة الجاية..سامحنى مامعاييش فكة..الخ من باب احترام الأدمية ..أو باقفل قزازى وامشى من سكات ...لكن بص معايا بقى على اللى مش طبيعى :
1- أصل الراجل صف سنانه واقع ودقنه بيضا وشكله معفن ... هل الكلام ده صح؟
2- جبته من أول الشارع لأخره جرى ورا العربية..كل شوية أقف ولما يقرب أطلع أجرى... ترضاها؟
3- كنت عايز أفحط فى وشه ...بأى حق ؟
4 - خد بالك ان الراجل ماقالش تهديده غير بعد ما الباشا جابه جرى طول الطريق ورا العربية عشان الراجل طمعان فى جنيه
5- طلعتله صباعى من الشباك .... ده كلام محترم؟
6- وبعد ده كله ما اكتفاش لف ورجع للراجل الغلبان يهدده بالفرم تحت العربية

ياريت بقى تحكم بجد دلوقتى

هرد على رد حضرتك فى مرحلتين :

1- ياباشا كلنا عارفين ان الناس دية مش بترضى بقليلها ابدا , يعنى هو بيقولك 5 جنية او 10 جنية معناة انك ماينفعش تدينى 2 جنية فى ايدى وتقولى هو كدة حلو ( عشان كدة بياخد مقدم )

- هما الناس دول انا عمرى مابعتبرهم بلطجية الا فى حالة واحدة ( هو نفسة بيبلطج عليك لائما تدفع لائما تمشى ودية اسمها بلطجة ) لكن فية واحد يسيبك تركن براحتك ولما تيجى وترجع من مشوارك تلاقية رافعلك مساحة الزجاج وملمعلك العربية دة بقى اللى بيستاهل فعلا ال5 جنية , مع انة مطلبهاش وممكن تديلة 1 جنية او 2 جنية هيكون فرحان بيهم ويوقفلك كمان العربيات لحد ماترجع وتطلع ( دة بقى اسمة عايز ياكل عيش ) ودة اللى يستاهل الصدقة لانة عايز ياكل بالحلال وبدون مشاكل

- لكن واحد يقولى تقف هنا ب5 جنية او بعشرة جنية ومش هتدفع او مش عاجبك امشى دة بقى جنية مش هيسد بقة وهتلاقية بلطج معاك عشان عايز الباقى , وبعدين ياباشا هما فين دول اللى تقولهم معلش معيش فكة وهيسيبوك , انا مرة كنت راكب مع صاحبى وخارج من الباركينج وصاحبى فعلا مش لاقى فكة تماما مع انة كل يوم تقريبا بيديلة 3 جنية او 2 جنية ومرة قالة معيش فكة خليها بكرة قالها هات افكلك !!!!!!! تخيل ( الناس اتغيرت ياباشا ) وكان محذرة قبل كدة قالة عارف عشان انت بتركن عندى كل يوم انا بقبل منك 2 جنية , لكن لو لحد تانى والله كنت دفعتك 5 جنية ( خلاص كأنهم اشتروا الارض ) وبيتحكموا فيها

2- بالنسبة بقى لتصرفات الاخ احمد , طبعا غير لائقة تماما وماكنش لازم يعمل كدة فهو غلطان فى دية فعلا وخصوصا موضوع التشبية ( لان دية كلها خلق ربنا والانسان مش بيختار شكلة يكون اية , الا لو هو عمل اعمال يغير من هيئتة او تشوهها وبردة ماينفعش نقول علية كدة )

وفعلا كل الاخطاء اللى حضرتك قولتها مكنش ينفع احمد يعملها

بس بردة ماينفعش تقول علية غلبان( الا من رحم ربى ) ياباشا انت ماتعرفش الناس دية اية , ربنا يكفينا شرهم بجد