الموضوع: رسوم الباركينج يا استاذ

انا بشكركم جميعا علي مشاركتكم في الموضوع وتداخلكم سواء اذا قولتم ان انا غلط او ان انا صح
وبحترم كل ردودكم
بس انا ليه مناقشه مع استاذ محمد يوسف

المشاركة الأصلية كتبت بواسطة محمد يوسف

الكلام الي فات دا ميخصنيش عشان ارد عليه
لكن بص معايا بقى على اللى مش طبيعى :
1- أصل الراجل صف سنانه واقع ودقنه بيضا وشكله معفن ... هل الكلام ده صح؟

سعتك انا بوصف الحاله الي كان فيها مش اكتر

2- جبته من أول الشارع لأخره جرى ورا العربية..كل شوية أقف ولما يقرب أطلع أجرى... ترضاها؟
هو الي عايز كدا يجري ورايا اعمله ايه طيب وبعدين الرياضه حلوه بردو مفيش نقاش وانا مش عايز ادفع هو بيجري ورايا عشان يدفعني بالعافيه
3- كنت عايز أفحط فى وشه ...بأى حق ؟
حضرتك بتحاسبني علي حاجه كنت عايز اعملها ومعملتهاش وبعدين انا لو فحط في وشه يستاهل عشان يحرم يعمل كدا تاني
4 - خد بالك ان الراجل ماقالش تهديده غير بعد ما الباشا جابه جرى طول الطريق ورا العربية عشان الراجل طمعان فى جنيه
ويهددني ليه طيب هو انا غلط فيه ولي كنت ربطه بحبل في العربيه ومجريه ورايا وسعتك طمعان في جنيه يعمل بالجنيه احنا مش شغالين بنوك بنمشي نوزع فلوس
حضرتك انا كنت في مره واقف في محط بنزين وجه عيل قالي عايز قولتله طيب والي يخلي الناس دي كلها تتديك فلوس قمت مطلع فوطه من العربيه قولتله خد دي ليك وامسح العربيه الواد مسح العربيه مع انها كانت نضيفه واديته فلوس وقولتله عارف انت لو روحت لكل واحد مسحت ليه عربيته هيديك فلوس من نفسه ويبق كدا اسمك اشتغلت وجبت فلوس بتعبك
وفعلا دا الي حصل الولد دا كل ما يقابلني دلؤقتي يعمل حفله ترحيب
5- طلعتله صباعى من الشباك .... ده كلام محترم؟
وانا رديت علي حضرتك وقولتلك عملته برافو الي هو الصباح التخين ومطبق ايدي وكان تشجيع مني علي كلمة هكسرلك العربيه
6- وبعد ده كله ما اكتفاش لف ورجع للراجل الغلبان يهدده بالفرم تحت العربية
سعتك اقري الكلام كويس واحكم متتعصبش وانت بتكتب لاني ملاحظ انك متعصب شوية
حضرتك انا الشخص الي كان راكب معايا قالي اطلع من بره الزقازيق عشان لو لفيت هتلقيه جايب عيال يكسرولك العربيه دا الي خلاني ارجع عشان اشوف مين الي هيقدر يكسرلي العربيه دا انما اذا كان عليه انا مش هروح التجنيد تاني لاني مسافر

المشاركة الأصلية كتبت بواسطة ramyayash

انا مع صاحب الموضوع ان مفيش فلوس غصب ومفيش حاجة اسمها بلطجة وعافية انما احيانا لو لقيت السيارة متلمعة ومتروقة اديله كام جنيه كده حق تبعه وعينه عالسيارة
انما بلطجة وهكسرلك العربية يبقي يتربو
انا ضد صاحب الموضوع في حكاية ان ضباط الشرطة شغالة ومش بتنام
الغلابة منهم بس اللي بيتنفخو في الكماين والمطاردات والنتيجة ان برضو الاتفاقات والفساد زي ما هو في الداخلية لان الداخلية قذرة ومع احترامي لقرايبك قرايبك اشتغلو 30 سنة وعارفين اللي كان بيحصل في الداخلية من اول القسم والمرور لحد امن الدولة ومسمعناش لحد منهم صوت او طلع يقول الحق
الداخلية قذرة وفي ايديها تنضيف البلد في يومين اتنين بس مقموصين عشان الثورة ضيعت هيبتهم وبرستيجهم

مدام هو بيعمل شغله بما يرضي الله دا المهم تاني حاجه
ضيعت هيبة وبرستيج الي كان بيفتري علي الناس انما الظابط المحترم الي كان بيمشي باحترامه مبيفتريش علي حد لسه هبته زي ما هيه
بس هقول لسعتك علي حاجه انا اعرف ظابط معرفه شخصيه كان بيطبق القانون ولو علي اخوه الظابط دا كان بيقفل شارع فاروق عندنا في الزقازيق ومكنش حد يقدر يقوله انت بتعمل ايه ويمكن الي من الزقازيق سمع عن الظابط دا من حوالي 4 او 5 سنين كدا
دا اول ما اتخرج كان بيركب بي مات وهمر واودي ومرسيدس وعربيات محترمه قعد فتره طويله كل فتره بحادثه
دا عربيه تخبطه وهو واقف في الشارع وسط صحابه او يضرب بطلقه او الاسنتسير الكابل بتاعه يتقطع وينزل يتهبد بيه في الارض تخيل سعتك عشان حب يطبق القانون حضرتك حد سمع عنه ولي حتي بعتله جواب شكر علي كان بيعمله
دا الي كان بيطبق القانون والي حصل دا قبل الثوره ساب الشرطه خالص وقالك اعيش باقي حياتي لنفسي بلا قانون بلا زفت اخدنا ايه من الناس غير البهدله

بصراحه موضوع السياس موضوع بلطجه ليس اكتر والواحد كان فاكر انه بعد الثوره ان البلد هتنضف والشرطه هتمنع الموضوع ده انما للاسف لحد الان اللى استفاد من الثوره هما البلطجيه ديه نقطه
النقطه التانيه بقى
لو الواحد هيركن وهيدفع بمزاجه يبقى اللى يطلع منه مفيش سايس يتكلم فيه انما تلاقى فى المهندسين السايس محدد ان الركنه للعربيه ب 5 جنيه وفيه ناس سياس عاملين شهريه ب 150 جنيه
منهم سايس بيركن عنده مالا يقل عن 30 عربيه فى 150 جنيه يعنى 4500 وهى كل مؤهلاته انه بلطجى ليس إلا.

مثلا عند الوكاله على الكورنيش الساعه ب 5 جنيه يعنى لو ساعتين ب 10 جنيه
لو الواحد هيدفع فى اليوم بالنظام ده يبقى الاحسن ميشتريش عربيه بقى
السايس ما هو الا بلطجى وهم فئه ضاله

انا مش حعلق علي الموقف
بس حعلق علي الاعضاء اللي عجبهم فكرة الدراع في اخد الحق
بحكم سكني فى منطقة شعبية وحضرت وشوفت خناقات كتير وتجاربي ,مفيش واحد كانت صحته وقلبه جايبه وكان الناس بتعمله حساب الا لما شفته بيطحن وبيتفرم ومتعور وفي منهم اللي مات وفي منهم اللي دخل السجن .
ياريت لما حد من الاعضاء اللي عجبهم موضوع الدراع وبكتبلونا عن قصص البطولة بتاعتهم لما ينضربوا برضوا يجوا يكتبوا مواضيع عن تجربتهم وهما مضروبين .
ومحدش يقلي انا عمري ما انضربت :) ولو في حد فعلا منضربش يبقي متقلقش لو استمريت معجب بالدراع انتظر علقة محترمة ,زي ما انت شايف نفسك جامد حيجي يوم تلاقي اللي اجمد منك ويفرمك , بس ياريت تبقي تيجي تكتب :)