الموضوع: المساعدة في شراء عربية مستعملة

أرشحلك عربيه 127 موديل 1986
وانا فى رأييى ان ال 127 عفشتها اقوى من ال 128 واصغر من ال128 وعشان كدة مش حتدايقك قوى لا فى الزحمه ولا فى الركنه
والله الموفق ,,,,

المشاركة الأصلية كتبت بواسطة m i d o

بص يا غالي اي عربية مستعملة قديم متبصش علي الموديل اوي لاكن بص علي الحالة هية الي بتفرق خصوصا ان كل ال 128 هوة نفس الشكل مفيش تغيير الا في الموديلات القديمة اوي في العيون وبس انت الي يهمك بص علي الحالة ولو عاوز تجيب حتة 128 حالتها حلوة للاسف 14 الف ميجيبوش حالة نضيفة بس تجيب عادية يعني لو تقدر تزودها كمان الفين يبقو 16 تجبلك حاجة محترمة او برضو ال 16 دول يجيبولك 132 ودي في رايي احسن هتحس انك راكب دبابة بجد وخش في حيطة ولا يهمك بس برضو حالتها النضيفة هتعمل 17 وسواء 128 او 132 ال 2 اي حلواني او بقال بيشتغل فيهم وقطع غيارهم بيتباعو علي الرصيف ورخيصة ولو يفرق معاك استهلاك البنزين هات 128 وربنا يكرمك يا نجم وتلاقي العربية الي انت عاوزها

الف شكر يا باشا ونصيحتك على راسي انا بس كان كل قصدي من موضوع الموديل دة اني عارف ان ال ٢٨ من موديل ٩٠ معدل ١٣٠٠ سي سي علشان كدة انا بستفسر على الموديل
ال ٣٢ مبحبهاش مش عارف لية يا اخي لان انا اخويا كان معاة ٢٨ ١٣٠٠ سي سي وصاحبي ٣٢ ٢٠٠٠ سي سي وكنت بشد معاه وكانا بنجري جنب بعض وساعات بسبقة كمان بس غير كدة انا اساسا بحب العربيات الصغيرة

المشاركة الأصلية كتبت بواسطة job.ehab

أرشحلك عربيه 127 موديل 1986
وانا فى رأييى ان ال 127 عفشتها اقوى من ال 128 واصغر من ال128 وعشان كدة مش حتدايقك قوى لا فى الزحمه ولا فى الركنه
والله الموفق ,,,,

حبيبي الف شكرا على الاهتمام
بس فعلا مؤخرا بدات اهتم بال ٢٧ مع انى مكنتش بحبها لاني من عاشقي ٢٨ بس ال٢٧ فيها كام ميزة كدة مش في ال ٢٨ زي الدركسيون الخفيف واصغر وكدة
عموما في الاخر الفلوس هي اللى هتحكم