الموضوع: AutoEgypt

المشاركة الأصلية كتبت بواسطة mmnagy

الساده صقور نيسان و مالكى نيسان
هحكى اللى حصل
روحت اعمل صيانه ال 80 الف كم بمركز اوتو ايجبت بابو رواش وكان الاستقبال ممتاز والمعاملة ممتازه
طلب منى مهندس الاستقبال مراجعة حاله السيارة قبل البدء فى الاجراءات
بعد فترة خرج مهندس الاستقبال يخبرنى ان حاله العفشة سيئه و مطلوب تغير قطع غيار كثيرة والا فالسيارة تشكل خطر على الركاب سالته عن التكاليف الابتدائية فتعدت رقم كبير لم يكن فى حوزتى سعتها طلبت منه تغير قطع الغيار اللى انا معايا فلوسها وبعد طول انتظار يخبرنى ان كل شئ تمام والعربية 100 100
بمجرد غادرت التوكيل لقيت التكيف عطلان مع انه كان شغال رجعت للمهندس قال اصل سربنتينة التكيف مكسوره ولازم اغيرها وثمنها 1700 جنية غير المصنعية والفريون ومش هينفع يغيرها اليوم علشان الزحمة قولتلة ازاى التكيف سليم و تقرير الحاله الفنية يثبت ذلك قالى هو كده وروح اى مركز يعجبك هيقولوا نفس الكلام
مكدبتش خبر ورحت مركز تانى بعديهم ب2 كم طلبت فحص التكيف قالوا عايز شحن فقط وشحنته والتكيف 100 100 اللى حصل خلانى اشك فيهم طلبت منه فحص العفشة وكان الرد العفشة ممتازة بس عايز اغير تيل الفرامل وسالتة عن قطع الغيار اللى فى الفتورة اكدى ان قطع الغيار ده الاصلى ولم يتم فك العفشة وقال باللفذ فبريكة اكد علية ان قطع الغيار ده متغيرتش قال نعم توجهت ثانى يوم لمركز الخدمه بعد ما كلمت خدمة عملاء اوتو ايجيبت وطلبت من مندوب خدمة العملاء يجيب مهندس منعندهم يكشف على العربية وفعلا قام مهندس من الشركه باثبات حالة العربية وان قطعالغيار لم يتم تغيرها واللى عايز يتاكد ممكن يكلمهم
بعد ما الشركه اتاكدت من خطاءهم حاولوا يدونى رشوه ( فرش جلد وطقم زينون) علشان اسكت بس انا رفضت وبعت الشكوى لشركه نيسان الشرق الاوسط و رقم الشكوى 10613 وفعلا الشركه كلمتنى وتحققوا من الواقعة
واللى يحب يتاكد يتفضل الورق موجود والعربية موجوده
انا كل غرضى نحذر بعض من الوقوع ضحايا لانعدام الضمير والاستغلال للشركات

اخى الكريم

اشكر حضرتك على امانتك فى توضيح الامور

وهنا ليس لك ناقه ولاجمل فى هذا

فانه ليس من مصلحتك ان تشيد او تسئ الى مركزاً ما بعينه الا اذا حدث اى من هذا او ذاك ولكن المشكله التى حدثت تفضلت بسردها

ولكن اسمح لى بطلب بعد اذن حضرتك وارجو ان يتسع صدرك لطلبى هذا

حال تكرار او وجود مشكله عند حضرتك ان تتفضل بعرضها دون استخدام اى الفاظ قد تؤخذ على شخص محترم مثل حضرتك

وتكون النتيجه اننا نرى من يصول ويجول فى الموضوع حاملاً اليه اللعنات على المركز كذا او كذا

كلامى هذا ليس مع احد او ضد احد حتى لايفهم كلامى بمحمل سئ

ويتحول الموضوع من مشكله عامه يتم عرضها للوصول الى الحل الى خلافات شخصيه وحرب كلمات ليس لها مجالى ولا مكان هنا

ومن السهل على الاعضاء المحترمين حل المشكله او الوصول لاى طريقه حلها

ولكن هيبقا من الصعب حل الخلافات الشخصيه التى تنشأ بسبب مشكله


تحياتى لحضرتك ولعطر كلامك


ومن هنا ومن خلال منبر نيسان فى المنتدى الكبير اتوجه الى مسئولى القسم ومشرقيه وكذا الاداريين بضرروه بحث هذه المشكله ومعرفه ابعادها والتواصل مع حضرتك للحصول على المستندات الداله على ادانه الشركه من عدمه

وارجو ان يسمع صوتى فى هذا النداء

لكم منى جميعا تحيه شكر واحترام لكم جيمعاً