الموضوع: AutoEgypt

المشاركة الأصلية كتبت بواسطة mmnagy

الساده صقور نيسان و مالكى نيسان
هحكى اللى حصل
روحت اعمل صيانه ال 80 الف كم بمركز اوتو ايجبت بابو رواش وكان الاستقبال ممتاز والمعاملة ممتازه
طلب منى مهندس الاستقبال مراجعة حاله السيارة قبل البدء فى الاجراءات
بعد فترة خرج مهندس الاستقبال يخبرنى ان حاله العفشة سيئه و مطلوب تغير قطع غيار كثيرة والا فالسيارة تشكل خطر على الركاب سالته عن التكاليف الابتدائية فتعدت رقم كبير لم يكن فى حوزتى سعتها طلبت منه تغير قطع الغيار اللى انا معايا فلوسها وبعد طول انتظار يخبرنى ان كل شئ تمام والعربية 100 100
بمجرد غادرت التوكيل لقيت التكيف عطلان مع انه كان شغال رجعت للمهندس قال اصل سربنتينة التكيف مكسوره ولازم اغيرها وثمنها 1700 جنية غير المصنعية والفريون ومش هينفع يغيرها اليوم علشان الزحمة قولتلة ازاى التكيف سليم و تقرير الحاله الفنية يثبت ذلك قالى هو كده وروح اى مركز يعجبك هيقولوا نفس الكلام
مكدبتش خبر ورحت مركز تانى بعديهم ب2 كم طلبت فحص التكيف قالوا عايز شحن فقط وشحنته والتكيف 100 100 اللى حصل خلانى اشك فيهم طلبت منه فحص العفشة وكان الرد العفشة ممتازة بس عايز اغير تيل الفرامل وسالتة عن قطع الغيار اللى فى الفتورة اكدى ان قطع الغيار ده الاصلى ولم يتم فك العفشة وقال باللفذ فبريكة اكد علية ان قطع الغيار ده متغيرتش قال نعم توجهت ثانى يوم لمركز الخدمه بعد ما كلمت خدمة عملاء اوتو ايجيبت وطلبت من مندوب خدمة العملاء يجيب مهندس منعندهم يكشف على العربية وفعلا قام مهندس من الشركه باثبات حالة العربية وان قطعالغيار لم يتم تغيرها واللى عايز يتاكد ممكن يكلمهم
بعد ما الشركه اتاكدت من خطاءهم حاولوا يدونى رشوه ( فرش جلد وطقم زينون) علشان اسكت بس انا رفضت وبعت الشكوى لشركه نيسان الشرق الاوسط و رقم الشكوى 10613 وفعلا الشركه كلمتنى وتحققوا من الواقعة
واللى يحب يتاكد يتفضل الورق موجود والعربية موجوده
انا كل غرضى نحذر بعض من الوقوع ضحايا لانعدام الضمير والاستغلال للشركات

السلام عليكم ورحمة الله وبركاته
اللى فهمته من كلام حضرتك ان مهندس الصيانة طلب من حضرتك تغييرات كتير فى العفشة
هل اخدت وثيقة بالمطلوب تغييره وما يثبت نتيجة كشفهم على العفشة ؟
ولحسن حظ حضرتك مكنش معاك فلوس تكفى كل المطلوب وان حضرتك غيرت على قد المتوفر معاك
وطبعا معاك فاتورة باللى تم تغييره ؟
حضرتك فى بداية الكشف عالعربية لم يظهر بها اى عيب فى التكييف وبعد مغادرتك
اكتشفت ان التكييف مش شغال ولما رجعتلهم طلبوا تغيير السربنتينة
طيب حضرتك ليه مطلبتش فى لحظتها مقابلة مدير الصيانة لاثبات الواقعة
وانك مكنش ينفع تتنازل عن حقك وتمشى وانت واثق ان تكييفك سليم
لما حضرتك رحت مودرن طبعا عرضت عليهم كشف ما تم تغييره فى اوتو وهم اكدولك ان مفيش حاجة اتغيرت
ولما رحت اوتو تانى يوم ليه مطلبتش استرداد فلوسك اللى دفعتها مادام ثبت لهم ايضا ان متمش تغييرها
دى مش رشوة ولا استردادك لفوسك يعفيهم من الخطا ولا يمنعك من انك تشتكيهم وتثبت حقك
اتمنى حضرتك تبعتلى الفاتورة والايميل
وياريت لو تكون اخدت من اوتو ما يثبت فعلا اعترافهم بعدم تغيير قطع الغيار المدفوع تمنها

المشاركة الأصلية كتبت بواسطة mmnagy

الاستاذ الفاضل
انا فعلا بعت صور الفواتير والتقرير الفنى للعربية للاستاذ بيشوى والدكتور احمد
بالنسبة لمدرن ميعرفوش اى حاجة لحد دلوقتى ومشفوش تقرير اوتو اصلا
للعلم هما عرضوا على فى اوتو اخد الفلوس المدفوعة بدون وجه حق
فى تفاصيل كتييييييييير لو تحب تعرفها ممكن اقولها لحضرتك واتمنى انك تسمحلى بالاتصال بحضرتك واشرحلك كل حاجة العربية موجوده وحدد المركز اللى يعجبك على حسابى ليثبت لحضرتك انها سليمة ومتفكتش ومتغيرلهاش قطع غيار

حضرتك ممكن بعد اذنك تبعتهالى
او بيشوى او احمد يبعتوهالى بعد اذنهم
وان شاء الله هيكون فى اتصال من الادارة بحضرتك
لكن الامور لازم توضح امام كافة الاعضاء
خاصة ان هم عملاء نيسان والمتضرر اولا واخرا من اى خطأ
بالنسبة لمودرن طيب ازاى اكدوا ان قطع الغيارات المذكور تغييرها من اوتو لم يتم تغييرها ؟
حضرتك مش المهم نكشف عالعربية ونتاكد ان قطع غيارها هى الاصلية ولم يتم تغييرها
الاهم يكون مع حضرتك ما يثبت ان اوتو ايجيبت غيروها
عشان تقدر تثبت عليهم الخطأ
ليه حضرتك ماخدتش الفلوس المدفوعة بدون وجه حق ؟