الموضوع: في بيتنا مراهق

اخوتي الكرام
حابة من خلال تطرقي للموضوع دة تبادل الخبرات ما بينا في طريقة التعامل مع ابناءنا المراهقين
اكيد في كتير مننا عنده اولاد او بنات في سن المراهقة
كل واحد يحكي مواقف حصلت مع ولاده مع تدرجها في الصعوبة من وجهة نظره ورد فعله ايه
ويا ريت نقول بأمانة
ايه الموقف اللي حسيت انك اتصرفت فيه صح
وايه الموقف اللي حسيت انك اتصرفت غلط
الاول نعرف فترة المراهقة ايه هيا
المطة الزمنية التي تسمى "مراهقة" تختلف من مجتمع إلى آخر،
في بعض المجتمعات تكون قصيرة،
وفي بعضها الآخر تكون طويلة،
ولذلك فقد قسمها العلماء إلى ثلاث مراحل، هي:
1- مرحلة المراهقة الأولى (11-14 عاما)، وتميز بتغيرات بيولوجية سريعة.
2- مرحلة المراهقة الوسطي (14-18 عاما)، وهي مرحلة اكتمال التغيرات البيولوجية.
3- مرحلة المراهقة المتأخرة (18-21)، حيث يصبح الشاب أو الفتاة إنساناً راشداً بالمظهر والتصرفات.
ويتضح من هذا التقسيم أن مرحلة المراهقة تمتد لتشمل أكثر من عشرة أعوام من عمر الفرد

انا بأة عندي المرحلتين وباعاني اشد المعاناة في التعامل معاهم
عاوزين نساعد بعضينا عشان ولادنا يجتازوا المرحلة دي
خاصة انها مرحلة اثبات الذات وهي مرحلة خطيرة جدا لابد ان تكون الاسرة اصلا سوية عشان تنبت نبات سليم من غير امراض مجتمعية
محتاجة رأيكوا